'Aquarius' ontziak erreskatatutako pertsona guztiak Valentzian daude jada
Txandaka iritsi dira igande honetan Valentziako portura, Aquarius ontziak Mediterraneoan erreskatatutako 629 pertsonak zekartzaten hiru ontziak.
'Aquarius'en flotako lehendabiziko ontzia, 'Dattilo' izenekoa, 06:40 inguruan iritsi da Valentziako portura, 274 pertsonarekin (182 gizon, 32 emakume eta 60 adin txikiko). Italiako Itsas Zaintzaren ontzi honetan bidaiatu dute adin txikiko gehienek.
Bigarrena, SOS Mediterraneo GKEaren 'Aquarius' ontzia, 10:30 aldera iritsi da. Open Arms itsasontzi humanitarioak lagunduta iritsi da ontzia 106 pertsonarekin: 51 emakume, 45 gizon eta 10 adin txikiko. Migratzailerik ahulenek bidaiatu dute Aquarius ontzian: haurdun dauden 6 emakume, 10 bat adin txikiko eta gasolioak itsasoko urarekin elkartzean erredurak eragin zizkien 20 bat lagun.
Hirugarrena, Italiako Itsas Marina Militarreko 'Orione', 13:20 aldera iritsi da 250 etorkinekin: 228 gizon eta 22 adin txikiko.
Arratsaldeko 17:40 aldera amaitu da guztien lehorreratze prozesua.
Laguntza
Etorkinak 20 pertsonako taldeetan jaitsi dira eta behin lurrean, hiru lagunek egin diete harrera, mediku bat eta itzultzaile bat tartean. Onik direnak Gurutze Gorriak prestatu duen karpa berezi batera eraman dituzte, arreta psikologikoa jasotzeko. Han 90 bat minutuz egon ondoren, datuak hartu dizkie Polizia Nazionalak.
Dattilo ontziko lehen etorkinak artatu dituzten medikuek adierazi dutenez, bidaiariak hasiera batean uste zena baino okerrago aurkitu dituzte. Guztira, 144 migrante ospitalera eraman dituzte, tartean 22 adin txikiko.
Jorge Suarez Valentziako Generalitateko Larrialdi zuzendariordeak azaldu duenez, bidaiariak "oso hunkituta eta nahastuta" iritsi dira, eta lehorreratutakoan osasun langileak maskarillak eta trajeak jantzita ikustean, eta igaro beharreko prozesu osoa ikusteak "shock" egoera eragin die askori.
Argazkia: EFE
2.300 pertsona aritu dira hiru ontzietan iritsi diren etorkinei laguntzeko dispositiboan. Gurutze gorriak mila kit prestatu ditu oinarrizko elementuak emateko etorkinei: oinetakoak, arropa, higiene elementuak, haurrentzako jana, eta 15 tona elikagai.
Valentziako portuan 100 ohe prestatu dituzte, beste 100 erreserban, eta 350 lagun hartzeko behin-behineko aterpea ere bai.
EAEk eta Nafarroak 'Aquarius'eko etorkinak hartzeko eskaintza egin dute
EAEn, "udal eta herritar ugari" prest agertu dira etorkinak hartzeko, Monica Hernando Eusko Jaurlaritzaren biktimak artatzeko bulegoaren arduradunak esan duenez.
Eusko Jaurlaritzak ACNUR erakundeari eta Espainiako Exekutiboari 'Aquarius' itsasontziko etorkinen % 10 hartzeko eskaintza egin die. Eta ez dutela partikularren etxerik erabiliko jakinarazi du.
Nafarroako Gobernua ere prest dago 'Aquarius' ontziko errefuxiatuak hartzeko eta hala jakinarazi dio arratsalde honetan Espainiako Gobernuari.
45 egunerako baimen berezia Espainian
Etorkinak Espainian geratuko ote diren edo ez galdetuta, Valentziako Gurutze Gorriak atzo esan zuen pertsona horiek dituzten helburuen araberako izango dela hori, bertan geratu edo Europarantz jo nahi dutenaren arabera, alegia.
Aquariuseko flotan etorri direnek Espainira sartzeko ezohiko baimena izango dute, arrazoi humanitarioengatik, 45 egunez Bernardo Alonso Madrilgo Atzerri eta Muga Komisaria Nagusiko buruzagiak. Gero, Espainiako Legearen araberako tratua jasoko dute.
Frantziak, bere aldetik, atzo iragarri zuen 629 etorkin horietakoren batzuk hara joan nahi badute, hartu egingo dituela.
Jatorria
Italia eta Maltako portuetan sartzea galarazi zioten joan den astelehenean 'Aquarius' ontziari, eta Espainiako Gobernuak Valentzian porturatzeko aukera eskaini zuen.
Ontzian doazen SOS Meditarranee eta Mugarik Gabeko Medikuen Erakundeko borondatezko lankideek ohartarazi zuten barkuak jende gehiegi zeramala barruan eta Valentziara arteko bidaia arriskutsua izan zitekeela adierazi zuen, areago etorkinen osasun egoera txarra eta eguraldiak okerrera egingo zuela jakinda.
Gauzak horrela, etorkinak hiru ontzitan banatu zituzten: 'Aquarius'en 229 lagun geratu ziren eta Italiako Armadaren bi barkuetara 400 pertsona eraman zituzten.
Zure interesekoa izan daiteke
Migratzaileak Ceutan sartzea ekintza antolatua izan zen ala ez ikertzen ari da Auzitegi Nazionala
Maria Tardon epaileak aurretiazko eginbideak abiatu ditu, eta Polizia Nazionalari txostena egin dezala eskatu dio, uztailaren 30ean eta 31n Ceutara iritsitako migratzaile kopuru handiak erakunde kriminal batek hitzartutako edo zuzendutako jarduera izan ote zen argitzeko.
Babeslekurik eta janaririk gabe: migrazio-krisiak gainezka utzi du Ceutako migrazio-zentroa, eta GKEak ere gainditu egin ditu
Atzerritarrentzako Aldi Baterako Egonaldi Zentroa gainezka dago azken egunotan. Marokotik zein Saharaz hegoaldeko Afrikako herrialdeetatik —Sudanetik eta Txadetik, besteak beste— iritsitako ehunka migratzaile Trampolin hondartzan eta migrazioa-zentroaren kanpoaldean daude zain, tokirik ez dutelako. Bien bitartean, migrazio-presioak GKEak ere gainditu egin ditu. Haien lehentasuna iritsi zirenetik jan barik dauden migratzaileei janaria ematea da, eta, gainera, haien eskubideei buruzko informazioa ematen diete.
betiONek bere zerbitzua zabalduko du nahi ez den bakardadea detektatzeko eta 1.500 zaintzaileri laguntzeko
Telelaguntza-zerbitzu publikoak bakardade-arriskuan dauden erabiltzaileentzako plan pertsonalizatuak gehituko ditu, eta adineko edo mendeko senitartekoak etxean zaintzen dituztenentzako laguntza zabalduko du. Hortaz, uztailean iragarritako telelaguntza prediktibo eta aurreratuaren hedapena osatu egingo da.
Zer da 764 erakunde kriminal digitala?
Ertzaintzak, Esquadra Mossoekin eta Guardia Zibilarekin batera, 17 urteko adingabe bat atxilotu du Gipuzkoan. Gazte hori Espainiako Estatuan erakunde transnazional horren erreferente nagusia da, eta gazte kalteberen sextortsio, mehatxu eta manipulazio delituengatik ikertzen ari dira.
Jaien hasiera dela eta, Gasteizko Andre Maria Zuriaren plazako landare-eskultura kendu dute
Urtero bezala, Andre Maria Zuriaren jaiak direla eta, Gasteizko Udalak aldi baterako kenduko du Andre Maria Zuriaren plazan dagoen landare-eskultura, jende gehien biltzen den ekitaldietan kaltetu ez dadin.
Kerman Villateren gurasoak, Gasteizko alkateari: "Hitzemandako barne-ikerketa abiatuko duzu orain?"
Radio Euskadiko erreportaje batek zabaldu duenez, Mitika diskotekako atezainek gutxienez lau gazteri eraso egin zieten Kerman Villate hil aurreko hilabeteetan. Kermanen gurasoek salatu dutenez, atezainek gutxienez 22 eraso egin dituzte; horietako 13, Gasteizko Udalak berak Arartekoari aitortuta.
37 urteko gizon bat atxilotu dute, N-634 errepidean, Zornotza parean, txirrindulari bat autoarekin harrapatu eta hiltzeagatik
Uztailaren 25ean Zornotzan 82 urteko txirrindulari bat harrapatu zuen ibilgailuaren jabea atxilotu egin dute, Bilbon. Gidariak ihes egin zuen istripuaren tokitik, eta biktima egun horretan bertan hil zen, Gurutzetako Ospitalean.
Iñigo Etxezarretak "Zurekin Batera" abestu du Gasteizko jaietako pregoian
Gasteizko Plaza Barria Iñigo Etxezarretaren pregoiaren lekuko izan da. ETSko abeslariak Zurekin Batera abestu du Oreka TX taldearekin batera.
Zangozan desagertutako 84 urteko emakume baten gorpua aurkitu dute
Bilaketa hasi eta gutxira, 20:00ak aldera, desagertutako 84 urteko emakumearen gorpua aurkitu dute. Heriotzaren arrazoia argitzeko ikerketa abiatu du Foruzaingoak. Vadoluengoko San Adrian elizaren inguruan topatu dute haren gorpua.
Elkarbizitza arazoak bainularien eta erabiltzaileen artean Euskal Herriko portuetan
Uretara salto egitea ohikoa da Euskal Herriko portuetan, debekatuta dagoen arren. Hori dela eta, bizikidetza-arazoak sortzen ari dira. Zenbait portutan jokabide arriskutsuak ikusten dira eta kalteak izan dira ontzietan. Eusko Jaurlaritzak egoeraren larritasunaz ohartarazi du, eta 2.000 eta 12.000 euro arteko isunak ezar daitezkeela gogoratu du.