Astelehenean Donostiara heldu ziren 46 etorkinak 'ondo' daude
Astelehenean Donostiako autobus geltokira heldu ziren Saharaz hegoaldeko 46 etorkinak “ondo” daude, Gipuzkoako Foru Aldundiak gaur jakitera eman duenez. Gurutze Gorriak artatu ditu. Etorkin taldeko bi adingabeak Aldundiaren esku geratuko dira.
Imanol Lasa Aldundiko bozeramaileak gaur prentsaurrekoan, Donostian, azaldu duenez, Gipuzkoako Aldundiaren “zaintzapean” geratu diren bi adingabeek 16 urte dituzte.
16 eta 36 urte bitarteko etorkin guztiak gizonak dira, eta Gurutze Gorriko kideek artatu dituzte. Horrela, azterketa medikoak egiteko aukera izan dute etorkinek.
Une honetan banan-banan elkarrizketatzen ari dira; izan ere, “pertsona askeak” dira eta beraiei dagokie egin nahi dutena erabakitzea, “asiloa eskatu edo beste lurralde ala herrialde batzuetara alde egitea”, Lasak gaineratu duenez.
“Gure artean dauden bitartean ongi artatuko ditugula argi dugu”, azpimarratu du Lasak. Bestalde, etorkinek inolako abisurik jaso gabe Donostian nola bukatu duten ikertzeko asmorik ez du izan Aldundiak, argitu duenez.
“Premiazkoa” pertsonei “babes sistema, janaria, ostatua, psikologoak eta medikuak” eskaintzea zela nabarmendu du bozeramaileak. Horretarako, Aldundiak eta Udalak lantaldea sortu zutela gogorarazi du Lasak, Gurutze Gorriaren lankidetzarekin.
Hala ere, etorkinak lehendabizi Almeriara heldu zirela onartu du Aldundiko ordezkariak. “Gurutze Gorriaren eta Poliziaren oniritzia izan zuten”, erantsi du.
Eneko Goia Donostiako alkateak azaldu duenez, pertsona horiek artatzeko Gurutze Gorria eta Udaleko aterpe bat lanean jarri ziren. Etorkinen osasun egoera ona da, baina nekaturik daudela azaldu du.
Ordutegiarekin nahasi dira
Etorkinak Almeriatik Donostiara ekarri behar zituen autobusaren ordutegiarekin nahastu ziren, eta horrek laguntza atzeratu zuen. Ondorioz, etorkinek orduak eman zituzten hiriburuko autobusen geltokian inolako laguntzarik jaso gabe.
Almeriako Gurutze Gorriaren abisua gobernuz kanpoko erakundearen Euskadiko arduradunek jaso zuten, baina autobusa heldu behar zen orduarekin ez zuten asmatu. Euskadiko Gurutze Gorriak Gipuzkoako baliabideak martxan jarri zituenerako, Saharaz hegoaldeko 46 etorkinak Donostian zeuden.
Zure interesekoa izan daiteke
Gizon bat atxilotu dute Angelun 10 urteko alabari sexu-abusua egitea leporatuta
Erasoak ikasturte barruko oporretan jazo dira, neskatoa aitaren etxean zegoen bitartean. Epailearen aginduz, gizona espetxeratu egin dute, behin-behinean.
Zisterna-kamioiak ura Karrantzara eramaten hasi dira, hornidura bermatzeko
Astelehenetik ostiralera, egunero, 250 metro kubiko eramango ditu foru erakundeak Enkarterriko udalerriko hornidura bermatzen laguntzeko.
Migratzaileak Ceutan sartzea ekintza antolatua izan zen ala ez ikertzen ari da Auzitegi Nazionala
Maria Tardon epaileak aurretiazko eginbideak abiatu ditu, eta Polizia Nazionalari txostena egin dezala eskatu dio, uztailaren 30ean eta 31n Ceutara iritsitako migratzaile kopuru handiak erakunde kriminal batek hitzartutako edo zuzendutako jarduera izan ote zen argitzeko.
Babeslekurik eta janaririk gabe: migrazio-krisiak gainezka utzi du Ceutako migrazio-zentroa, eta GKEak ere gainditu egin ditu
Atzerritarrentzako Aldi Baterako Egonaldi Zentroa gainezka dago azken egunotan. Marokotik zein Saharaz hegoaldeko Afrikako herrialdeetatik —Sudanetik eta Txadetik, besteak beste— iritsitako ehunka migratzaile Trampolin hondartzan eta migrazioa-zentroaren kanpoaldean daude zain, tokirik ez dutelako. Bien bitartean, migrazio-presioak GKEak ere gainditu egin ditu. Haien lehentasuna iritsi zirenetik jan barik dauden migratzaileei janaria ematea da, eta, gainera, haien eskubideei buruzko informazioa ematen diete.
betiONek bere zerbitzua zabalduko du nahi ez den bakardadea detektatzeko eta 1.500 zaintzaileri laguntzeko
Telelaguntza-zerbitzu publikoak bakardade-arriskuan dauden erabiltzaileentzako plan pertsonalizatuak gehituko ditu, eta adineko edo mendeko senitartekoak etxean zaintzen dituztenentzako laguntza zabalduko du. Hortaz, uztailean iragarritako telelaguntza prediktibo eta aurreratuaren hedapena osatu egingo da.
Zer da 764 sarea, Gipuzkoako 10 ikastetxetan tiroketa-mehatxuak egin zituen erakunde kriminala
Ertzaintzak, Esquadra Mossoekin eta Guardia Zibilarekin batera, 17 urteko adingabe bat atxilotu du Gipuzkoan. Gazte hori Espainiako Estatuan erakunde transnazional horren erreferente nagusia da, eta gazte kalteberen sextortsio, mehatxu eta manipulazio delituengatik ikertzen ari dira.
Jaien hasiera dela eta, Gasteizko Andre Maria Zuriaren plazako landare-eskultura kendu dute
Urtero bezala, Andre Maria Zuriaren jaiak direla eta, Gasteizko Udalak aldi baterako kenduko du Andre Maria Zuriaren plazan dagoen landare-eskultura, jende gehien biltzen den ekitaldietan kaltetu ez dadin.
Kerman Villateren gurasoak, Gasteizko alkateari: "Hitzemandako barne-ikerketa abiatuko duzu orain?"
Radio Euskadiko erreportaje batek zabaldu duenez, Mitika diskotekako atezainek gutxienez lau gazteri eraso egin zieten Kerman Villate hil aurreko hilabeteetan. Kermanen gurasoek salatu dutenez, atezainek gutxienez 22 eraso egin dituzte; horietako 13, Gasteizko Udalak berak Arartekoari aitortuta.
37 urteko gizon bat atxilotu dute, N-634 errepidean, Zornotza parean, txirrindulari bat autoarekin harrapatu eta hiltzeagatik
Uztailaren 25ean Zornotzan 82 urteko txirrindulari bat harrapatu zuen ibilgailuaren jabea atxilotu egin dute, Bilbon. Gidariak ihes egin zuen istripuaren tokitik, eta biktima egun horretan bertan hil zen, Gurutzetako Ospitalean.
Iñigo Etxezarretak "Zurekin Batera" abestu du Gasteizko jaietako pregoian
Gasteizko Plaza Barria Iñigo Etxezarretaren pregoiaren lekuko izan da. ETSko abeslariak Zurekin Batera abestu du Oreka TX taldearekin batera.