Bost pertsonari ostatu behar izan diete sute baten ondorioz, Intxaurrondon
Bost pertsonari ostatu eman behar izan diete Donostiako Intxaurrondo auzoan, sute baten ondorioz. Gazteen lokal batek su hartu du goizaldean.
Suteak ez du inor zauritu, baina kalte material handiak utzi ditu lehen solairuko etxebizitza batean.
Udaleko iturriek jakitera eman dutenez, sutea Luistarren kalean 04:40 aldera gertatu da, 29. zenbakian, Intxaurrondon. Antza denez, lokala mertzeria zen lehen, baina gazteek alokatu eta erabiltzen dute orain.
Esan bezala, ez da inor zauritu, baina kalte materialak handiak dira, batez ere lehen solairuko etxebizitza batean. Ondorioz, bost pertsonari ostatu eman behar izan diete. Udaltzaingoa sutearen arrazoiak ikertzen ari da.
Martin Ibabe Herritarren Segurtasunerako eta Babes Zibileko zinegotziak azaldu duenez, bizilagunek “susto handia” hartu dute; izan ere, goiko etxebizitzan bizi diren pertsonak “logikoki atseden hartzen ari ziren” ordu horretan. Ibaberen hitzetan, “ suhiltzaileek arazoak izan dituzte, lehendabizi pertsonen segurtasuna bermatu behar zelako”.
Zinegotziak zehaztu duenez, sute “handia izan da toki zail batean”. Suak lokala “erabat kiskali” duela erantsi du Ibabek, eta gaineko solairuetan kalteak izan dira, batez ere ezkerreko lehen solairuan.
Azkenik, nahiz eta etxea hormigoizkoa izan eta “lehen begiratuan egituran aparteko kalterik ez dagoela iruditu, ezkerreko zonaldea habetuko dute, segurtasuna bermatzeko”.
Zure interesekoa izan daiteke
54 urteko motor gidari bat hil da AP-8 autobidean, Zarautzen
Ezbeharra 09:00ak aldera jazo da, Bilborako noranzkoan. Ertzaintzak ikerketa abiatu du istripuaren nondik norakoak argitzeko.
Etxera itzuli dira Ordizian su hartu zuen eraikineko bizilagunak
Bi familia, baina, ezin izan dira etxera bueltatu, suak belztuta utzi baitu haien etxebizitza. Ilunpe tabernan ere kalte handiak eragin ditu suteak. Hodi bat hautsi da, eta ura etengabe erori omen da bertara.
Gizon bat atxilotu dute Iurretako paper fabrikan izandako sutean nahasita dagoelakoan
36 urteko gizona, enpresako langilea, atzo goizean atxilotu zuten, kalteak egitea egotzita, eta gaur eraman dute epailearen aurrera. Ikerketak irekita jarraitzen du.
Emakume bat hil da Iruñean etxebizitza batetik erorita, eta gizon bat atxilotu dute
Goizaldean jazo da, Sanduzelai auzoan. Udaltzaingoak gizon bat atxilotu du, indarkeria matxistagatik epaitu ostean ezarri zioten urruntze agindua urratzeagatik, eta ikerketa abiatu du hilketa matxista izan den argitzeko.
Basauriko hilketa matxistaren ustezko egilea espetxeratu dute, indarkeriaz egindako lapurreta bat egotzita
Bilboko Udaltzaingoak ostiral gauean atxilotu zuen, lapurtzeko asmoz bi gizon jotzea egotzita. Ordu batzuk lehenago, arratsaldean, beste pertsona batek haren kontrako salaketa jarri zuen, lesio larriak eragitea egotzita. Duela astebete pasatxo utzi zuen aske Bilboko Guardiako Epaitegiak.
Emakume baten gorpua aurkitu dute Zumaiako Itzurun hondartzan
Paseatzen ari zen pertsona batek aurkitu du hilotza, eta indarkeria zantzurik ez badu ere, Ertzaintzak ikerketa abiatu du gertatutakoa argitzeko.
Bi gizon atxilotu dituzte Tolosan pertsonen trafiko irregularra egotzita
Larunbat goizaldean, Ertzaintzaren patruila batek ibilgailu bat geldiarazi zuen, eta jabetu zen barruan sei pertsona zihoazela, bat maletategian. Gerora egiaztatu zutenez, bidaiariek dirua ordaindu zuten Irunera eta Parisera eramatearen truke. Gidaria eta maletategian zihoan gizasemea atxilotu, eta ertzain-etxera eraman zituzten, epailearen esku utzi aurretik egin beharreko izapideak betetzera.
Primitivak hiru milioi eta erdi euro baino gehiago utzi ditu Bizkaian
Sariaren zenbatekoa bi zatik osatzen dute: 2.422.493,36 euro, kategoria bereziari dagozkionak, eta horiei 1.113.371,22 euro gehitu behar zaizkie, lehenengo kategoriakoak (sei asmatutakoak), aurreko zozketetan ez baitzegoen asmatzailerik kategoria horretan.
Gasteizko parrokiek aldi baterako estalpea eman diete asiloaren zain dauden Maliko migratzaileei
San Joakin eta Santa Ana parrokiak eta Elurretako Andre Mariarenak ateak ireki dizkiete 20 maliarri. Salburuako Auzo Elkarteari esker, beste 20 etorkinek gutxieneko zerbitzuak dituzte. Asilo eskaerak tramitatzeko hitzorduak lortzea eragozten dien blokeoa tarteko, 300 maliar baino gehiago igaro dira jada Gasteiztik iazko udaz geroztik.
Bilbon arma zuriz egindako eraso baten egilearen bila ari da Ertzaintza
Segurtasun Sailak jakinarazi duenez, 15:00ak aldera jakinarazi diote Ertzaintzari gizon bat zaurituta zegoela Bilbo Zaharrean. 33 urteko biktimak arma zuriz egindako zauriak zituen, eta Basurtuko Ospitalera eraman dute.