EraStop, sanferminetan eraso sexistak berehala salatzeko aplikazioa
Iruñeko Udalak EraStop sakelakoetarako aplikazioa (app-a) sortu du sanferminetan suerta daitezkeen sexu erasoak berehala salatzeko, botoi bat bakarrik sakatuta. Alerta sistema horrek biktimaren kokalekua atzeman eta Iruñeko Udaltzaingoa ohartaraziko du, poliziak baliabideak bidera ditzan.
Itziar Gomez Iruñeko Udaleko Herritarren Segurtasuneko eta Bizikidetzako zinegotziak aurkeztu du app-a, Xabier Ibañez arloko zuzendaria eta Mikel Goñi MRSystem aplikazioa garatu duen enpresako gerentea ondoan zituela.
Gomezen hitzetan, erreminta "erraza" da, eta Iruñeko Udaltzaingoarekin harremanetan jartzea ahalbideratzen du, deirik egin gabe. "Urduritasun egoera batean ezin duzu azaldu non zauden, norekin edo zer ari da gertatzen. Berehalakoa da, botoia sakatu eta biktima geolokalizatzen du eta baliabideak bideratzen ditu".
Jaietarako prestatu badute ere, aplikazioa urte guztian egongo da erabilgarri. Hiru botoi ditu: 'Erasoa jasaten ari naiz', 'Erasoa salatu' eta 'Lagundu nazazu modua'. Lehenengoa sakatuta, Udaltzaingoari berehalako abisua helduko zaio, biktima geolokalizatu eta gertuen dauden agenteak bidaliko dituzte leku horretara.
'Erasoa salatu' sakatuta, edozein eraso matxista salatu ahalko dute horren lekuko izan direnek; kasu honetan ere Udaltzaingoarekin hartu-eman zuzena izango dute salatzaileek. Azken aukerak, 'Lagundu nazazu modua'k, telefonoaren agendan daudenen artean pertsona bat edo batzuk aukeratzeko modua ematen du, etxerainoko bidean "birtualki laguntzeko".
Geolokalizazioaren bitartez, emakumea dagoen tokian kokatzen du eta, horrela, etxera ondo heldu den egiaztatu ahalko du bere "laguntzaileak". Edozein gorabehera atzemanez gero, laguntzailea edo emakumea Udaltzaingoarekin harremanetan jarri ahalko da.
@pamplonairunaPM quiere estar más cerca de ti
tienes una aplicación que te ayudará a sentirte más segura
“AgreStop/EraStop”
Sólo tienes que descargártela
Ojala que nunca tengas que usarla porque #NoesNo pic.twitter.com/8XdmutXEsF
— Policia Municipal Udaltzaingoa 092 (@PamplonaIrunaPM) 4 de julio de 2018
Erasoa salatuz gero, abisua indargabetzeko aukera izango du emakumeak, aplikazioa instalatzeko orduan eskatutako PIN kodea sartuz. Izan ere, erasoa jasaten ari dela salatuz gero, erabiltzailearen sakelakoa blokeatuta geratuko da, eta erasotzaileak ezingo du abisua bertan behera utzi (emakumeak bakarrik kendu ahal izango du, PIN zenbakia sartuta).
Beste herri/hiri batzuetara zabaltzeko aukera
Zinegotziak "erantzukizunez" jokatzeko deia egin die herritarrei, botoiak sakatuz gero Udaltzaingoa martxan jartzen delako.
Argitu duenez, asmoa da aplikazio hori beste hiri/herri batzuetan ere erabilgarri izatea.
Kazetarien galderei erantzunez, Gomezek azaldu du berez eraso matxistak salatzeko prestatuta dagoela aplikazioa, baina "mota guztietako" erasoak jakinarazi ahal direla.
Zure interesekoa izan daiteke
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroei dagozkiela
Osakidetza hasi da kaltetutako 30 pertsonak, 25 haurtxo eta bost heldu, berriro inokulatzen. Tetrabalente eta hirukoitz birikoaz gaizki txertatutakoek, 75 bat lagunek, asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.
Osasun sailburuaren arabera, iraungitako txertoen kasuak "ESI batean edo bitan izan dira, Donostialdekoan tartean"
Alberto Martinezek ETBn egindako elkarrizketa batean azaldu duenez, pertsona batek "bere lana egin beharko lukeen modura egin ez duela ondorioztatzen bada, horren ardura hartu beharko luke, zalantzarik gabe". Sailburu gisa, ahal den neurrian, horrelako akatsak ez direla berriro jazoko bermatu behar duela nabarmendu du, hori baita bere "ardura".