'EuskarAbentura' Gipuzkoara itzuli da, espedizioa amaitzear dagoela
'EuskarAbentura' azken txanpan sartu da dagoeneko, eta Gipuzkoa aldean ibili da, Iparraldetik atera eta Bizkaira sartu bitartean. Donejakue Bidea jarraituz, gazteek kostalde osoa ezagutu dute, Irundik Mutrikura; euskara, historia, kultura eta musikaren inguruko edukiak landu dituzte, besteak beste.
Ostiral honetan Zestoan Ekainberri bisitatuko dute eta larunbatean, Bizkaian sartuta, Markina-Xemeinera helduko dira. Uztailaren 31n Getxon bukatuko dute, abenturako 783 kilometroak osatuta.
Espedizioa astelehenean, uztailak 23, itzuli zen Gipuzkoara, Ipar Euskal Herrian asteburu emankorra igaro ondoren. Besteak beste, Lapurdiko euskararen egoeraren berri izan zuten, eta abenturako lehen bainua hartu zuten Miarritzen. Espedizioa Irundik sartu zen Gipuzkoara.
Asteartean, trena hartu eta espedizioa mendebalderantz abiatu zen. Pasaiako badia txalupa gurutzatu ondoren, Albaola Itsas Kultur Faktoriara iritsi zen, XVI. mendeko San Juan baleontziaren erreplika nola eraikitzen ari diren ikustera.
Asteazkenean, Eneko Goia Donostiako alkateak udaletxean harrera egin eta gosaltzera gonbidatu zuen taldea. Igeldotik gora hartu eta hainbat aldaparen bueltan Oriora heldu ziren bazkaltzera, ostean Zarautzera heltzeko. Bertan Euskaraldian abiatuko den ahobizi eta belarriprest dinamikan parte hartzera animatu zituzten gazteak, eta euskal gizartea azken hamarkadetan nola aldatu den eta hurrengo urteetako erronkei buruz aritu zitzaien.
Osteguneko lehen geldialdia Getarian izan zen Mundubira 500: Elkano Fundazioa ren eskutik Xabier Agoteren hitzak entzuteko.
Azken txanpa
Honezkero espedizioa azken txanpara heltzen ari da. Ostiral honetan Zestoan UNESCOk izendatutako Gizateriaren Ondarea den Ekainberri koba bisitatuko dituzte eta Itziarrera bueltatuko dira lotara.
Larunbatean, Mutriku igarota Gipuzkoa atzean utzi eta Bizkaian sartuko dira Markina-Xemeinera joanez. Herri honetan, azken soziolinguistika hitzaldia jasoko dute dute, Jone Goirigolzarri eta Txerra Rodriguezen eskutik, euskarak Bizkaian bizi duen egoera ezagutzeko.
Hurrengo egunetan Omako Basoa, Santimamiñe, Gernika eta Bilbotik pasa ondoren, uztailaren 31ko goizean Getxora helduko da 'EuskarAbentura'. 10:30ak aldera espedizioak Bizkaia Zubia zeharkatuko du, eta 12:30ean amaiera ekitaldia izango da Andres Isasi Musika Eskolan.
Albiste gehiago gizartea
Nagore Laffage oroitu dute Iruñean, hil zutenetik 17 urte pasa direnean
Duela 17 urte hil zuen Jose Diego Yllanesek Nagore Laffage, honek 20 urte zituenean. Hura oroitzeko elkarretaratzean, dozenaka lagun bildu dira Astelehen Lilak elkarteak deituta, Asun Casasolari, Nagore Laffageren amari, babesa erakusteko. Musikaz jantzitako ekitaldian, besteak beste, Unai Hualde Nafarroako Parlamentuko presidentea, Joseba Asiron Iruñeko alkatea eta UPN, PSN, EH Bildu, Geroa Bai, PPN eta Contigo-Zurekin alderdietako ordezkariak ere izan dira.
Giako Andre Mariaren eguna ospatu dute Portugaleten
Ohitura den legez, uztailaren 1ean milaka pertsona gerturatu dira Portugaletera Giako Andre Mariaren eguna ospatzera. Egun osoko egitarau oparoa antolatu dute: prozesioaz gainera, jaitsierak, musika, herri-kirolak eta jokoak izango dira giroa alaitzeko.
Abian dira aldundiek eskaintzen dituzten udalekuak
Bizkaia, Araba eta Gipuzkoan 4.000 plaza baino gehiago eskaintzen dira 7 eta 13 urte bitarteko neska-mutilentzat. Horrez gain, 14 eta 17 urte bitarteko gazteentzat ere eskaintzen dira oporretako egonaldiak.
Argi berdea, sarreren birsalmentan prezioa igotzea debekatzen duen arauari
Espainiako Gobernuak argi berdea eman dio ikuskizunetarako sarreren birsalmentan prezioa igotzea debekatzen duen arau bati. Helburua da birsalmentan aritzen diren plataformek eta enpresek sortzen dituzten gehiegizko onurak eta espekulazioa geldiaraztea.
ELAk Bilboko Udala salatuko du, lan eskaintza publikoetan euskara maila jaisteagatik
Udalak %70etik %40ra jaitsi du 35 deialditan euskarazko hizkuntza eskakizunak egiaztatzeko baldintza eta, kasu batzuetan, erabat kendu du baldintza hori.
Nola eragiten die beroak gailu elektronikoei?
Tenperatura altuen eta bero-boladen ondorioak pairatzea ez da soilik gizakion kontua. Askotan, gailu elektronikoek, gure egunerokoan hain beharrezkoak direnek, funtzionatzeari uzten diote beroa dela eta.
Gasteiz eta Bilboko aireportua lotzen dituen autobus linea berria abian da
Lehenengo autobusa 4:30ean irtengo da Gasteiztik, eta, azkena, 21:45ean. Loiutik lehen eta azken zerbitzuak, berriz, 6:30ean eta 23:30ean izango dira, hurrenez hurren.
Aske utzi dute apirilean Bilbon gizon bat indarkeriaz hiltzeaz akusatutako gizona, kautelazko neurriekin
Ertzaintzak atzo atxilotu zuen 30 urteko gizasemea, hilketaren ustezko egilea zelakoan. Baliteke atxiloketa gehiago egitea, jakinarazi dutenez.
Gizon bat espetxeratu dute Donostian emakume bat jo eta bortxatzeagatik
Gertakariak larunbat gauean izan ziren, Udaletik baieztatu dutenez.
TAO zerbitzua, udan: Bilbo, Donostia, Gasteiz eta Iruñean izango diren aldaketa nagusiak
Bilbon, larunbatetan eta jaiegunetan zerbitzua bertan behera geldituko da, eta abuztutik arratsaldetan gauza bera gertatuko da. Gasteizen, abuztuaren 4tik 31ra bitartean ez da zerbitzua ordaindu beharko. Aitzitik, Donostian larunbat arratsaldeetara eta igande eta jaiegunetara zabalduko da, eta Iruñean, sanferminetan, eguneko 24 orduetan ordaindu beharko da.