Nafarroa zeharkatuta, 'EuskarAbentura' Araban sartu da
'EuskarAbentura' espedizioa Araban sartu da ostegun honetan, Añana Gesaltzatik, zortzi egunez Nafarroan ibili ostean. Datozen lau egunak Araban egingo dituzte jzioquitarrek (parte-hartzaileek). Trebiñu zeharkatuta, larunbat eguerdian sartuko dira Gasteizen eta igandean trenez helduko dira Agurainera. Dagoeneko 182 kilometroko bidea egin dute eta Getxoko Bizkaia zubian izango dute helmuga uztailaren 31n.
Nafarroa iparretik hegora zeharkatu dute zortzi egunetan. Uztailaren 6an Zubirin izan ziren eta Joritz Segurola begiralearekin orientazio ikastaroa egin zuten. Nafarroan egonik eta uztailaren 7a izanik, San Fermin eguna Iruñean igaro zuten.
Biharamuna tarteko, taldea ohi baino beranduago abiatu zen Garesera. Etaparen 25 km luzeen ondorioak arintze aldera masaje tailerra egin zuten bazkal ostean eta iluntzean Koldo Colomo Gareseko euskara teknikariak harrera egin zien.
Egun hauetako beroari aurre egiteko, lehenago jaikitzea erabaki du antolakuntzak. Lizarrako etapan, esaterako, 06:30ean esnatu ziren. Ega ibaian beroa arinduta, Karlismoaren museoan bisita gidatua egin zuten. Asisko Urmenetaren bigarren bisita jaso zuten ostean.
Uztailaren 10ean goizean goiz irten ziren Urantzirako bidean. Iratxeko Monasterioa eta ardo iturria atzean utzita, Los Arcoseko igerilekura heldu ziren. Arratsaldean, Patri Espinar pilotariak euskal pilotaren munduan emakumeen errealitatea azaldu zien. Geroago, pilotan aritu ziren herriko frontoian.
Araban lau eguneko bidea aurretik
Gaur, osteguna, Vianatik abiatu dira eta Araban sartu aurretik Errioxatik igaro dira, Donemiliaga Kukulako Yuso eta Susoko Monasterioak eta bertako glosak ezagutzeko, euskaraz idatzitako lehenak.
Espedizioko kideak Donemiliaga Kukulan. Argazkia: @euskarAbentura
Eguerdian EuskarAbentura Araban sartu da, Añana Gesaltzatik. Gatz Harana bisitatu ostean, eguraldiak bermatuz gero vivac-a egingo da igerilekuetan, gauean.
Ostiralean Argantzunera iritsiko dira eta bertako Ikastolaren eta, oro har, lurraldeko errealitate soziolinguistikoa ezagutuko dute.
Larunbatean, espedizioa hiriburura helduko da espedizioa. Manu Bendala eta Aroa Arrizubieta bertsolarien eskutik bisita ibiltaria egingo dute Gasteizen.
Igandean Agurainera ailegatuko dira, Iñaki Viñaspre bertsolaria, Badaiotz emakumezkoen sokatira taldeko bi kide eta Lautadako Euskaraldiko kideak bidaide dituztela.
Zure interesekoa izan daiteke
Galarretako sutea eremu berrietara ez zabaltzea lortu dute gauean
Gau osoan lanean jardun dira suhiltzaileak eta sua perimetratzea lortu dute, baina ez itzaltzea. Gaur berriro helikopteroek lagunduko dute Aizkorri-Aratz parke naturaleko sutearen itzaltze-lanetan.
Emakume bat hil da Donostiako Ondarreta hondartzan, bainatzen ari zela
Gertaera asteazken honetako 23:30 aldera izan da. Harekin zegoen lagun taldeak abisua eman du, urazalean dutenean. Ertzaintzak bere gain hartu du ikerketa.
Biarrizko itsasargiko erlaitza erori da, eta, ondorioz, pertsona bat hil da eta beste bat agertu barik dago
Asteazken arratsaldean Biarrizko Miramar hondartzaren eta itsasargiaren ondoan luizia izan da. Inguruan zeuden bi pertsonetako baten gorpua atera dute larrialdietako taldeek.
Kantauri itsasoko ura 25,2 gradutan dago, inoiz baino epelago
Ekainean, normalean, itsasoko ura 18 graduren bueltan egoten bada ere, gaur, ekainaren 24an, Donostiako Aquariumean egindako neurketak Kantauri itsasoko ura 25,2 gradutan dagoela erakutsi du, inoiz baino beroago.
Anne Baskaran Egido gasteiztarraren "Zuriaren, zure, gure... jaiak" izango da aurtengo Gasteizko jaietako kartela
Egileak azaldu du kartelak "Gasteizko jaiak bizitzeko dauden modu anitzak" islatu nahi dituela.
Ertzaintzak Euskadin erregistratutako gorroto delituak % 18 jaitsi dira 2025ean
Kasu horiei buruzko txostenaren egileek jaitsiera hori tentuz interpretatzeko eskatu dute, delitu asko ez baitira salatzen.
Sanferminek 516 ekitaldi izango dituzte, eta protagonismo handiagoa hartuko dute aurten haurrek eta auzoek
Asteazken honetan aurkeztu dute egitarau ofiziala, askotarikoentzako musika, jolasak, erakusketak, su artifizialak, kirol jarduerak, antzerkia, kalejira, ganadu-feria eta prozesioa biltzen dituena. Txupina uztailaren 6an jaurtiko dute, eta festak eztanda egingo du hilaren 14ra arte.
Bilbok badu kartela Aste Nagusirako: "Besarkada urdin bat Bilborentzat"
Juan Manuel Martinez Rodriguezen obra abuztuaren 22tik 30era ospatuko den Bilboko Aste Nagusiaren irudi ofiziala izango da.
"Naruto" anime japoniar arrakastatsua, estreinakoz euskaraz, EITBren PRIMERAN plataforman
Ostegun honetan, ekainak 25, estreinatuko ditu PRIMERANek lehen bost atalak. Guztira 52 kapitulu eskainiko ditu, ostiralero bost berri, lehen aldiz euskaraz bikoiztuta. Estreinaldiaren bezperan, EITBk aurrestreinaldi esklusiboa antolatu du Bilboko egoitzan. Gaur izango da, 18:00etan, Multibox aretoan, eta lehen lau atalak izango dira ikusgai.
"Ihesi, norbera izateko": Trumpen Amerikatik ihes egin eta Euskal Herrian bizi diren transen familien testigantzak jaso ditu EITBk
Seme-alaba transak dituzten zenbait familiak Estatu Batuak utzi eta Euskal Herrira etorri dira. EITBk haien lekukotasunak bildu ditu Ihesi, norbera izateko dokumentalean. Lehenengo erreportajeak asteazken honetako albistegietan ikusi ahal izango dira.