21.000 litro ur behar izan zituzten Pasaiako Portuko sutea amatatzeko
Suhiltzaileek 21.000 litro ur behar izan zituzten atzokoan Pasaiako Portuan txatarrak su hartuta piztu zen sutea itzaltzeko. Zorionez, ez zen inor zauritu, eta ez zuten kea arnasteagatik inor artatu behar izan. Izan ere, hainbat kilometrora ikusgai zen ke zutabe beltz bat sortu zuen suteak, eta inguruko bizilagunei leiho eta ateak ixteko gomendatu zieten.
Pasaiako Portuko Agintaritzak (PPA) ohar batean azaldu duenez, Larrialdi Planak indarrean jarraitzen du gaur ere; sugarrak berriro pizteko arriskurik ez dagoela egiaztatzen dutenean utziko dute bertan behera. Langileak txatarra sakabanatzen ari dira, berriro su har dezakeen hondarrik egon ez dadin.
Gau guztian egon dira suhiltzaileak erretako materiala freskatzen. Portuko Agintaritzak ikerketa zabaldu du; oraingoz ez daki zer dela eta piztu zen sutea.
Ontzi britainiar baten txatarra
Sutea trinkotutako ibilgailuen txatarra muino batean piztu zen, 12:10 aldera. Newhavengo (Erresuma Batua) portutik etorritako Christine ontzia ari zen txatarra porturatzen. Ontziak 2.000 tona txatar zeramatzan, gehienak trinkotutako ibilgailuena, eta, beraz, material sukoi ugari zegoen bertan (pneumatikoak eta erregai hondarrak tartean).
12:14an indarrean jarri zuten Larrialdi Plana, eta aurreikusitako baliabideak mobilizatu zituzten. Hala, hauek bertaratu ziren: suhiltzaileak, atoiontziak, Ertzaintza, SOS Deiak, portuko gidariak eta amarratzaileak, Portuko Agintaritzako eta enpresa kontsignatarioko langileak. Suhiltzaileek zuzendu zuten operazioa.
Christine ontzia beste kai batera eraman zuten, "segurtasun arrazoiak tarteko eta bi atoiontzien lana errazteko". Ura botatzeko kanoiak erabili zituzten ontzi horietatik sua itzaltzen laguntzeko.
13:40an, txatarra deskargatzen ari zen garabira "segurtasunez" heltzea lortu zuten, eta 21.000 litroko edukiera duen isurketa-zali bat jarri zuten. Horri esker, ur kopuru handiak bota ahal zituzten garretara.
Portuko Agintaritzaren arabera, "arin erreakzionatzeak sutea kontrolean edukitzea ahalbidetu zuen". Agintaritzak Larrialdi Planaren "eraginkortasuna" goraipatu du, eta argitu du hura bertan behera geratu arte suhiltzaileak eta atoiontzi bat bertan izango direla.
Pasaiako Portuko Agintaritzak barkamena eskatu die bizilagunei, sute horren ondorioz eragindako eragozpenengatik.
Zure interesekoa izan daiteke
Gizon bat atxilotu dute Bermeon, emakume bati "eraso matxista larria" egiteagatik
Udalerriko Udalak eman du jakitera joan den astean emakume bati eraso egin zion gizona atxilotu dutela.
Fermin Muguruzak eta Amaia Romerok Palestinaren alde Bartzelonan egin den kontzertuan parte hartu dute
Israelek Palestinan genozidio odoltsua hasi eta bi urte baino gehixeagora, Kataluniako kulturaren ordezkariak Bartzelonako Palau Sant Jordin bildu dira Palestinaren askatasuna eskatzeko. Manifest x Palestina kontzertuan Rosalia, Pep Guardiola, Bad Gyal, Amaia, Fermin Muguruza edo Eduard Fernandezek hartu dute parte, besteak beste.
Gizon bat atxilotu dute Barakaldon, beste bati sexu erasoa egitea eta itotzen saiatzea egotzita
Asteazken arratsaldean gertatu zen erasoa, Barakaldoko Lutxana auzoko eraikin huts batean. Biktima eta erasotzailea gaua igarotzera joan ziren bertara.
Gizon batek fisikoki eta sexualki egin dio eraso bikotekideari Gasteizen
Ostegunean gertatu zen erasoa, 16:30 aldera, El Pilar auzoan.
Hexabalente txertoaren zain dauden 30 pertsonak datorren astelehenerako txertatuko dituzte
Iraungitako bi txerto motarekin lotuta egon daitezkeen kasu berriak baieztatu zituen atzo Osasun Sailak; guztira 78 pazienteri eragin diezaieketenak. Horiei dagokienez, argitu dute beharrezkoa denean jasoko dutela txertoa.
Emakume bat atxilotu dute Bilbon, Uribarri auzoan bikotekidea hiltzea egotzita
Biktima, 67 urteko gizon bat, 55 urteko emakume atxilotuarekin bizi zen etxebizitzan aurkitu dute
Eusko Jaurlaritzak nazioarteko babesa duten 154 pertsona artatu ditu urtebetean
Urtebete igaro da Eusko Jaurlaritzak Nazioarteko Babes Sistemaren autonomia fasea bere gain hartu zuenetik eta balantzea egin du Ongizate, Gazteria eta Erronka Demografikoaren Sailak. Dena den, asilo prozedurak Espainiak Gobernuak kudeatzen ditu oraindik.
60 urteko emakume bat atxilotu dute Antigua auzoko etxebizitza batean lapurtzeagatik
Atxilotuak giltza ingeles batekin hautsi zuen leiho bateko kristala, eta etxean ezkutatuta aurkitu zuten.
Osakidetzak azpimarratu duenez "pazientearen segurtasuna oroz gaindi dago" eta txertoen "datu guztiak proaktiboki" berrikusten ari dira
Koldo Berganzo Osakidetzako Asistentzia Sanitarioko zuzendariak "lasaitasun" mezua helarazi die herritarrei, eta azpimarratu du "hasiera-hasieratik" aktibatu zirela "sistemaren segurtasun-mekanismo guztiak".
Rosalia ezustean agertu da Bartzelonako Manifest x Palestina kontzertuan
Rosalia artista kataluniarra ezustean agertu da ostegun honetan Bartzelonako Manifest x Palestina kontzertuan, 'La Perla' abestuz eta antolakuntzari eskerrak emanez.