Bartzelona eta Cambrilseko zelula mikrokredituekin finantzatu zen susmoa du epaileak
Fernando Andreuk, Bartzelona eta Cambrilsen (Tarragona) 2017ko abuztuan izan ziren atentatuak ikertzen dituen Auzitegi Nazionaleko epaileak, zelula jihadistaren bi kideren eta horien hiru senideren inguruko datuak eskatu dizkie mikrokredituak ematen dituzten hiru entitateri. Horrela, terroristek izan ahal izan zituzten finantzazio bide guztiak eta haien senideen laguntza izan ote zuten aztertzen ari da.
Auziaren sumarioan, 6 zenbakiko Instrukzio Epaitegi Zentraleko titularrak bost pertsonaren gaineko informazioa eskatzeko autoa agertzen da, Europa Pressen arabera.
Horietako bat Younes Abouyaaqoub da, alegia, Bartzelonako Rambletan furgoneta batekin sartu zen eta 13 pertsona hil zituen gaztea. Horrez gain, Hichamyri (Younesen anaia) buruzko informazioa ere eskatu du.
Era berean, instrukzioan Mohamed Hichamy (Mossoek Cambrilsen hildakoa), Rachid eta Saber Oukabirrek finantzatu ahal izan zuten guztia ikertzen ari dira. Entitate horiekin lotuta ikertzen ari diren azken pertsona Mohamed Houli da. Houli Alcanarreko leherketan zauritu zen, terroristek lehergailuak eta ehun bat butano bonbona zituzten tokian.
Errefusatutako kredituen informazioa ere
Zehatz-mehatz, "entitateak eman zein errefusatu zituen mikrokredituei buruzko informazio zehatza" eskatu du epaileak, baita mota guztietako finantza-produktuei buruzko informazioa ere, eta horien guztien agirien kopiak.
Mossoen txostenean agertzen denez, aipatutako enpresek dirua kreditu bidez arin ematen dutela kontuan hartuta, badirudi Hichamyk eskudirua lortu nahi zuela, lehergailuak egiteko gaiak erosteko, ikertzaileek frogatutzat eman dutenez.
Ikerketaren arabera, Hichamy horietako enpresa batekin harremanetan jarri zen 2017ko abuztuaren 20rako gutxi falta zenean, alegia, Alcanarreko leherketan zapuztu zen atentatua egiteko.
Halaber, Alcanarreko etxearen hondakinen artean Houliren telefonoa aurkitu zuten, eta ustezko terroristak bestelako kreditu entitaterekin izandako hartu-emanak ageri ziren bertan.
Albiste gehiago gizartea
Albiste izango dira: udako helmugarik gogokoenak, abisu horia beroagatik eta elkarrizketa Domingori
Gaurkoan albiste izango direnen laburpena, bi hitzetan.
Hiru pertsona zauritu dira Cadreitan, zezen batek harmailetara salto egin eta gero
Zezen bat harmailetara igo zen errekortari baten atzetik, Cadreitan (Nafarroa). Animaliak errekortaria eta gradetan zeuden bi zauritu zituen. Ekitaldia aldi baterako bertan behera geratu zuten.
Udako helmugarik gogokoenak: Nora goaz euskal herritarrok oporretan?
Zenbaki handietatik haratago, hurbiltasunak pisu handia du uda sasoiko joan-etorrien mapa marrazterakoan, nahiz eta Mediterraneoak eta hirigune handiek erakargarritasunari eusten dioten.
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk. Epaia "euskararen normalizazioaren aurka ez ezik, euskal gizartearen eta erakundeen borondatearen aurka" doala salatu du Kontseiluak.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.