Euskotrenek gaueko tren bereziak eskainiko ditu Bilboko Aste Nagusian
Euskotrenek gaueko tren eta tranbia zerbitzu bereziak eskainiko ditu abuztuaren 18tik 26ra bitartean, Bilboko Aste Nagusia dela eta. Zerbitzu horiek Txorierriko (Bilbo-Lezama), Urdaibai (Bilbo-Bermeo), Durangaldea eta Deba Barrena (Bilbo-Donostia) lineatako ohiko zerbitzua osatuko dute. Horrez gain, tranbia zerbitzua gauero eskainiko dute.
Tren konpainia horrek ohar baten bidez jakitera eman duenez, bereziki asteburuetako gauetan indartuko dituzte tren zerbitzuak, bidaiarien joan-etorria nabarmen handituko dela aurreikusi baitute.
Gauzak horrela, 3. Linean zerbitzua gau osoan zehar 10 minuturik behin eskainiko da, abuztuaren 26an izan ezik, zerbitzua 02:00etan bukatuko baita. Halaber, gau guztietan Kukullaga/Etxebarri-Lezama (Txorrierri) linean, trenak bi norabideetan ibiliko dira; abuztuaren 26an izan ezik.
Bestalde, Bermeo-Atxuri (Urdaibai) linean, gauez bi ordurik behin eskainiko dira trenak. Hala ere, ordutegiak eta maiztasunak geltokiaren eta asteko egunaren arabera aldatuko dira.
Azkenik, Matiko-Traña-Elgoibar arteko ibilbidea indartzeko zerbitzu bat eskainiko da, eta gau osoan zehar tren bereziak egongo dira, 18:30etatik 06:30ak arte.
Halaber, jende-pilaketak saihesteko eta herritarrei zerbitzu erosoagoa eskaini ahal izateko, Esukotrenek Barik, BAT edo Mugi txartelak erabiltzea aholkatu du, edo, bestela, joan-etorria egiteko bi bidaia-txartelak une berean erostea, ilararik itxaron behar ez izateko.
Bilboko tranbia
Bilboko tranbia egunean 22 orduz ibiliko da Aste Nagusian. Jai egun horietan, tranbiaren zerbitzua egun osoan zehar ibiliko da, eta su artifizialak jaurtitzen dituztenean etengo da bakarrik. Horrez gain, abuztuaren 20an, Athleticek eta Leganesek jokatuko duten partida dela eta, La Casilla eta Euskalduna artean zirkulazioa etengo da.
Era berean, Atxuri eta Pio Baroja geralekuen artean dagoen tartean, ez da zerbitzurik egongo 17:10etik aurrera. Halaber, gaueko zerbitzua 15 minutuz behin eskainiko da.
Albiste gehiago gizartea
Motor-gidari bat zauritu da Muxikan, auto batekin talka egin eta ibaira erorita
Istripua 19:50ean gertatu da, motor batek auto baten aurka talka egin du N-635 errepidean, Muxikan, Gernikarako noranzkoan. Kolpearen ondorioz, motor-gidaria Mundaka ibaira erori da, Ariatza auzoaren parean.
Donostiako suhiltzaileen buruak dimisioa eman du, Fermin Muguruzaren kontzertuan semea sarrerarik gabe sartzeagatik
Donostiako suhiltzaileen zerbitzua bururik gabe geratu da oraingoz, Fermin Muguruzaren kontzertuan izandako jokabide txarragatik. Ander Gomezek dimisioa eman behar izan du Anoetako kontzertuan suhiltzailez jantzitako semea sarreratik gabe sartzeagatik.
Joxe Azurmendik euskal pentsamenduari egindako ekarpena azpimarratu dute Agirrebaltzategik eta Zulaikak
Filosofoa, saiogilea eta hainbat belaunaldirentzako erreferente intelektuala, Joxe Azurmendiren lanak Euskadiko pentsamendu kritikoa markatu du mende erdi baino gehiagoan. Azurmendik sekulako ondarea utzi du euskaran, ideietan... eta herria ulertzeko moduan.
Ehunka jarraitzailek omenaldia egin diote Diogo Jotari Liverpoolen, futbolari portugaldarra istripu batean hil ostean
Futbolari portugaldarra gaur goizaldean hil da, bere anaiarekin batera Espainian izandako auto-istripu batean. Hillsborogheko tragediaren biktimen oroimenez eraikitako memorialaren aurrean, Liverpooleko eta Evertoneko jarraitzaileek eta futbolzaleek aldare bat osatu dute, lore, bandera, bufanda eta kamisetekin.
Hernaniko Udalak zortzi gertakari arrazista eta eraso sexista bat antzeman ditu San Joan jaietan
Udalak azaldu du gertakari horiek gizartean gertatzen ari diren jarreren isla direla, eta aurreratu du herritarren kezkei erantzuteko eta bizikidetza sustatzeko neurriak eta espazioak jarriko direla martxan.
Iruñea sanferminetarako prest, pertsonako eta eguneko 125 eta 250 euro bitartean alokatzen diren balkoiekin
Entzierroak balkoi batetik ikustea negozio bihurtu den aukera bat da. Modan dago eta gero eta gehiago eskatzen dira. Hiriko eta inguruetako ostatuak ere datozen egunetan milaka pertsona hartzeko prestatzen ari dira.
‘Mater’ itsasontzi museoa kostaldean zehar ibiliko da, itsasora botatako zaborraren aurka borrokatzeko
Uztailean zortzi udalerritara iritsiko da, eta horietan itsasoko zaborra biltzeko doako jarduerak egingo dira. Ostegun honetan, Bilboko Itsasmuseum parean, 'Zero zabor uretan' ibilbideari hasiera eman diote, ingurumenari buruz kontzientziatzeko eta itsasoetako zaborrari buruz hausnartzeko.
Sonia Perezek gogorarazi du Cabifyk eta Uberrek hiriarteko ibilbideetan soilik jardun dezaketela
Aldundiak bost zigor jarri dizkie Gidaridun Garraio Ibilgailuen operadoreei 2025ean, gehienak hiriarteko ibilbideak soilik egitearen murrizketa ez betetzeagatik.
Kontaktuen orrien erabiltzaileei estortsioa egiten zien sare kriminal bat desegin dute Iruñean
Polizia Nazionalak 16 pertsona atxilotu ditu, eta ikerketak irekita jarraitzen du, Espainiatik kanpo egon daitezkeen beste bi inplikaturen bila ari batira.
Su handi batek Lleida kiskali du: zer da seigarren belaunaldiko sute bat?
Lleidako sutearen garrak 30 km/h-ko abiaduran joan ziren, 14 kilometroko altuerako hodei pirokumuloa sortu zen eta eguraldiak sua kontrolatzea zaildu zuen.