Senarra salatu ostean, Maguetteri babesik eman ez izana kritikatu dute
Bilboko komunitate afrikarrak gogor kritikatu du Maguette Mbeugouri ez ziotela inolako babesik eman, tratu txarrak emategatik senarraren aurka Udaltzaingoan salaketa jarri zuen arren. Udalak oraingoz ez du halakorik baieztatu eta Juan Mari Aburtok gai horri buruz ezer esatea saihestu du.
25 urteko emakumea atzo hil zuten Ollerietagoiena kalean zuen etxebizitzan, eta haren bikotekidea Mutrikun atxilotu zuten ordu batzuk geroago, hiltzailea izatea egotzita.
Biktimaren bost urteko bi alabak Bizkaiko Foru Aldundiaren esku daude oraingoz. Datozen orduetan diputazioko arduradunak gurasoen senideekin bilduko dira, haien tutoretza noren esku geratuko den adosteko.
Goizean, bost minutuko elkarretaratze isila egin dute Bilboko udaletxearen aurrean hilketa gaitzesteko. Ehunka lagun elkartu dira, tartean erakunde ezberdinetako ordezkariak eta Bilbo bizi den komunitate afrikarraren ordezkaritza zabala.
Bilkura amaituta, Marie Lucia Monsheneke emakume afrikarren elkarteko bozeramaileak azpimarratu du emakume afrikar batek tratu txarrak salatzen dituenean "aintzat hartu" behar zaiola, salatzeko urratsa emateak "zama kultural handia" duelako.
Ildo horretan, emakume etorkinak "indarkeria bikoitza" pairatzen duela erantsi du. "Maguetten hiltzaileaz inork ez du gaizki hitz egiten, erasotzaileak ez duelako perfilik: jatorra izan daiteke kalean eta deabrua etxean", ohartarazi du.
Abdoulaye Wade Bizkaiko Senegaldarraren Batasuneko presidenteak esan du "haserre" daudela Maguette babesteko neurriak hartu ez zirelako, senarra tratu txarrak emateagatik salatu bazuen ere.
"Ez du inor akusatu nahi, baina etorkin batek salaketa bat jartzen duenean, asiloa eman behar zaio, lehenengo egunetik azkeneraino", nabarmendu du.
Zure interesekoa izan daiteke
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, gaineratu du beherakada "matrikulazio bizia" delakoarekin konpentsatuko dela. Izan ere, irailetik 5400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerrian, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.
Osasun sailburuaren arabera, iraungitako txertoen kasuak "ESI batean edo bitan izan dira, Donostialdekoan tartean"
Alberto Martinezek ETBn egindako elkarrizketa batean azaldu duenez, pertsona batek "bere lana egin beharko lukeen modura egin ez duela ondorioztatzen bada, horren ardura hartu beharko luke, zalantzarik gabe". Sailburu gisa, ahal den neurrian, horrelako akatsak ez direla berriro jazoko bermatu behar duela nabarmendu du, hori baita bere "ardura".
Euskal eskola publikoen "itxierak eta bat-egiteak" itunpeko ikastetxeei "artifizialki eusteko" direla salatu du Sumarrek
Sumar Mugimenduak, Ezker Anitza-IUk eta Berdeak Equok "Hezkuntza publikoaren aldeko frontea" ekitaldia egin dute larunbat honetan Santurtzin, EAEko hezkuntza publikoaren egoera aztertzeko.