Donostiako Aste Nagusian jipoitutako gaztearen heriotza gaitzetsi dute erakundeek
Donostiako Aste Nagusian jasandako jipoi baten ondorioz koman zegoen gazte urnietarraren heriotza gaitzesteko bilkura egin dute gaur Urnietako eta Donostiako udalek. Udalbatzek, aho batez onartutako adierazpen bateratuan, "gaitzespen eta arbuiorik irmoena" adierazi dute A.N.M gaztearen "hilketagatik". Horrez gain, Gipuzkoako Foru Aldundiak ere oharra kaleratu du eraso matxista salatzeko.
Bi udalentzat gertatutakoa "oinarri matxista duen indarkeria" kasu bat da, eta hartara, "indarkeria matxistaren edozein motatako adierazpenen aurrean esku-hartzeko konpromisoa" adierazi dute. Hori horrela, "berau ezabatzea sustatzen duten neurriak babesteko eta bultzatzeko bere borondatea" berretsi dute Urnietak eta Donostiak.
Azkenik, "babesa, elkartasuna eta maitasuna" adierazi nahi izan dizkiete biktimaren senitartekoei eta lagunei.
Gipuzkoako Foru Aldundiak ere udalek azaldutako gaitzespenarekin bat egin du, eta "oinarri matxista duen eraso baten biktima" izan den gaztearen heriotza deitoratu dute.
Ohar batean, "biktimaren familia eta lagunei elkartasuna eta babesa" helarazi nahi izan die foru erakundeak, eta "behar duten guztian laguntzeko" prest agertu da.
Miren Elgarresta Gizon eta Emakumeen Berdintasunerako foru zuzendariaren hitzetan, hilketa horrek oinarri matxista du, "zalantzarik gabe".
"Zoritxarrez, indarkeria matxista gure egitura sozialean sustraituta dago, eta askotan zuzenean edo zeharka eragiten du", erantsi du.
Nabarmendu duenez, "kasu tragiko horrek agerian uzten du indarkeria matxistak duen hedapen zabala, biktima ez baitzegoen zuzenean inplikatuta".
Bi hilabete koman
Beste gizon batek larri zauritu zuen A.N.M abuztuaren 12an, Alde Zaharreko Perujuantxo kalean, bikotekidearekin zegoela. 05:00ak aldera, emakumearen mutil lagun ohia hurbildu zitzaien eta jipoia eman zion urnietarrari. Erasoaren ondorioz, biktima larri zauritu zen, eta orduz geroztik koma egoeran egon da Donostiako Ospitalean.
Biharamunean atxilotu zuen Donostiako Udaltzaingoak ustezko erasotzailea atxilotu zuen, eta ordudanik kartzelan dago.
---------------------
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.
Albiste gehiago gizartea
Protestek ez dute etenik Vueltan, baina Fiskaltzaren ustez ez dira Audientzia Nazionalaren eskumena
Valladoliden jokatu den erlojuaren kontrako etapan bi pertsona atxilotu dituzte eta aske gelditu dira ondoren. Horrez gainera, beste 15 identifikazio egin dituzte polizia-agenteek.
Sestaoko xake txapelketa bandera eta sinbolorik gabe jokatuko da
Gazako sarraskia dela eta, Sestaoko Xake taldeak jokalari israeldarrei eskatu zien txapelketan ez parte hartzeko edo nazioarteko federazioaren banderapean jokatzeko. Nazioarteko Xake Federazioak, ordea, erabaki horren aurka egin du. Ondorioz, Las Llanas pilotalekuan nazioarteko banderarik edo sinbolorik ez egotea erabaki dute; Palestinako bandera bat soilik, “elkartasun espresio gisa”. Israelgo hiru jokalarik parte hartzeari uko egin diote.
ELA sindikatuaren ustez, Beatriz Artolazabalen aurkako panfletoen jaurtiketa "guztiz gaitzesgarria" da
Rafael Busto ELA sindikatuko ordezkariak adierazi duenez, ez dute inor seinalatu nahi. "Gure lan-gatazka konpondu nahi dugu. Ez diogu errua inori egozten, Gasteizko Udalari baizik", gaineratu du Bustok.
Bere etxe aurrean izandako "jazarpen ekintza" ez gaitzestea leporatu dio Artolazabalek EH Bilduri
Beatriz Artolazabal Gasteizko zinegotziak salatu duenez, ostegun goizean irainak eta sinbolo iraingarriak zituzten panfletoak bota dituzte bere etxe aurrean, Enviserreko langileen grebaren baitan.
Israelgo zazpi xake jokalarietatik hiruk baja eman dute ostiral honetan hasiko den Sestaoko txapelketan
Sestaoko Xake Klubak, Israelek Gazan "giza eskubideen urraketa sistematikoa" gaitzesteko, joan den astean Israelgo xakelariak gonbidatu zituen txapelketan ez parte hartzera eta, hala eginez gero, FIDEren (Nazioarteko Xake Federazioa) banderapean jokatzera, izan ere, 'open' kategoria denez, antolatzaileek ezin diete lizentzia duten jokalariei parte hartzea galarazi.
Bonolotoak ia bi milioi euroko saria utzi du Zarautzen
Zarauzko Xoxoa tabernan baliozkotutako txartel bati 1.972.129 euroko saria eman diote Bonolotoaren zozketan.
Ingurumen Fiskaltzak salaketa jarri du Bilboko portuan hondakin kutsagarriak isurtzeagatik
2024ko azaroan, zisterna-kamioi batetik 3.000 eta 5.000 litro artean isuri zituzten hainbat pertsona harrapatu zituen Guardia Zibilak
Joxerramon Bengoetxea: "Protesta egiteko forma batzuk guztiz lekuz kanpo daude"
2025-2026 ikasturtearen inaugurazio ekitaldian izandako istiluei buruz galdetuta, Joxerramon Bengoetxea EHUko errektoreak adierazi du ekitaldian parte hartu zuten batzuek jasotako irainak "deitoragarriak" direla. "Gure unibertsitateak Gazarekiko prestatu zuen elkartasun mezuari zapuztu zuten", gaineratu du Bengoetxeak.
Zazpi pertsona zauritu dira Sestaon lotan zeuden pabilioian piztutako sutean kea arnastuta
Sua gaur goizaldeko seiak aldera hasi da, Galindoko Padurak kaleko nabe batean. Pabiloi horretan lo egiten zuten zazpi pertsona artatu dituzte kea arnasteagatik, eta, azkenean, San Eloy eta Gurutzetako ospitaleetara eraman dituzte.
Artolazabalek bere etxe aurrean izan den "jazarpen ekintza" berri bat salatu du, Enviserreko grebarekin lotuta
Gasteizko zinegotziak salatu duenez, gaur goizean irainak eta sinbolo iraingarriak zituzten panfletoak bota dituzte bere etxe aurrean. Poliziak ekainaren 25ean antzeko gertaera batengatik hasitako ikerketa zabalik du.