Gorlizko eta Donostiako bi eskalatzailek orduak eman dituzte paretan zintzilik
Guardia Zibileko eta Asturiaseko Larrialdi Zerbitzuaren erreskate talde batek Gorlizko (Bizkaia) eta Donostiako bi eskalatzaile erreskatatu zituen bart Europako mendietan. Zortzi bat ordu zintzilik eman zituzten Peña Fresnedilloko pareta batean.
Ostiraleko haize-ufada bortitzek erreskatea airetik egitea eragotzi zuten. Ondorioz, Asturiaseko bi suhiltzailek, lau guardia zibilen laguntzarekin, lurretik soka askatu eta bi gazteak paretatik jaistea lortu zuten 23:00ak aldera.
Mendizaleek beraiek, 23 urteko emakumeak eta 30 urteko gizonak, Asturiaseko larrialdi zerbitzuei abisua eman zieten. Peña Fresnedillo (1.477 metro) igotzen ari zirela, zailtasun handiko 'Via buitres' izenekotik, sokak korapilatu zitzaizkiela azaldu zuten deian.
Asturiaseko larrialdi zerbitzuak jakitera eman duenez, 180 metroko altueran zintzilik geratu ziren, Fresnedilloko paretaren erdibidean. Parajea Sotresen dago, Arenas de Cabralesetik kilometro gutxira, Europako mendien bihotzean.
Hiru saiakera egin ondoren, azkenean, helikopteroa ezin izan zen mendizaleengana hurbildu, haize-bolada bortitzek astindu zutelako. Eskalatzaileak lurretik erreskatatzeko erabakia hartu zuten, Guardia Zibilaren Cangas de Oniseko mendiko taldearen laguntzarekin.
Suhiltzaileak paretaren oinarritik igotzen hasi ziren gauean, eta lau luze atondu ondoren, zintzilik zeuden eskalatzaileenganaino heldu ziren.
Zure interesekoa izan daiteke
EHUk graduazio ekitaldi bateratua egingo du San Mamesen, ekainaren 12an
Ikasleek dagoeneko izena eman dezakete, doan. Halaber, ikasleen senide eta hurbilekoek arratsaldetik aurrera erosi ahalko dituzte sarrerak, 19 euroan, EHUren webgunean.
Lukas Agirre hiltzeaz akusatutakoen "errugabetasun presuntzioa suntsitzeko zantzu nahikoak" ikusten ditu fiskalak
2022ko Gabonetan gertatu zen krimenaz akusatuta, hiru pertsona eseriko dira aulkian: hilketaren ustezko egilea, beharrezko laguntzailea (hiltzaileari labana eman ziona) eta krimena estali zuen neska bat. Gaur osatuta geratuko da herri epaimahaia, eta astelehenean hasiko da epaiketa bera, aurretiazko gaiak aztertuta. Fiskaltzak eta akusazio partikularrak 22 eta 25 urte arteko kartzela zigorra eskatzen dute.
Eusko Jaurlaritzak Gaixotasun Infekzioso Emergenteen Aholku Batzordea aktibatu du hantabirusak eragindako alerta hurbiletik jarraitzeko
Gontzal Tamayo Osasun sailburuordea buru duen organoak bere lehen azalpenak eman ditu MV Hondius ontziaren egoera aztertu ondoren, eta lasaitasunerako mezua helarazi nahi izan du, Euskadin arriskua oso txikia dela goraipatuz; Osakidetzak, berriz, Donostia Unibertsitate Ospitaleko Goi Mailako Isolamendu eta Tratamenduko Unitatea operatibo eta prest du edozein gorabeherari aurre egiteko.
Igorreko Udalak loteriaren saria kobratu ez dutenen arazoa konpontzea espero du, eta 109 saridunek salaketa aurkeztu dute dagoeneko
Udalak espero du egoera "lehenbailehen argitu eta konpondu ahal izatea, erantzukizunetik, gardentasunetik eta eragindako pertsona guztien eskubideen errespetutik".
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
52 apaizek Juan Carlos Elizalde gotzaiaren aurka egin dute, “agintekeriaz” jokatzea leporatuta
Apaizetako baten arabera, seminarioaren “erdia kikoen esku” utzi du gotzaiak. Elizaldek, bere aldetik, esan du apaiz batzuek “denbora gehiegi” dutela “inkordiatzeko”.
Albiste izango dira: Duranako ikasturte amaierako bidaia, hantabirus agerraldia gurutzaontzian eta Igorren loteriaren saria kobratu ez dutenak
Gaurkoan Orain-en albiste izango direnen laburpena, bi hitzetan.
Dagoeneko 107 dira Arratiko Zekorrak taldeak saldutako loteria txartelen auzian salaketa jarri duten herritarrak
Behar baino 225 partaidetza gehiago saldu zituela aitortu du Arratiko Zekorrak errugbi taldeak. 2,2 milioi euroko zuloa dago, saritutako txartel bakoitzari 9.600 euro dagozkio eta. Kaltetuak plataforma batean elkartzekotan dira.
Arratiko Zekorrak taldeak saldutako loteria txartelen auzian kaltetutakoen artean ziurgabetasuna eta haserrea da nagusi
Igorreko errugbi klubari loteria-partaidetzak erosi eta Gabonetako zozketan sarituak gertatu ostean, dagozkien diru-kopurua jaso ez duten kaltetuek haserre eta ziurgabetasun handiz bizi dute egoera. Dagoeneko salaketak jarri dituzte, eta gehienek uste dute iruzur egin dietela.
Duranako Ikasbidea Ikastolako ikasbidaia batean hainbat neskari edalontzietara droga bota zieten ikertzen ari dira
EITBk jakin ahal izan duenez, Mediterraneoan barrena gurutzaontzi batean bidaiatu zuten gazteek, eta barkutik bertatik gazteek familiei egindako deiek piztu zituzten alarmak. Uste dute hainbat neskei edarira substantziaren bat bota zietela.