Gabonetako erosketak abiatuko ditu 'Black Friday'k, beherapenei esker
Herritar askok egun bat dute egutegian markatuta: Black Friday. Gabonetako erosketak abiatzeko egunik aproposena da, saltoki gehienek deskontu handiak egiten dituztelako. Baina noiz izango da aurten?
Black Friday (Ostiral Beltza) Euskal Herriko saltoki handietan duela urte gutxi indarrez sartu zen ohitura da. Ameriketako Estatu Batuetatik dator, eta Esker Emate Egunaren ondorengo egunean egiten dute, hau da, azaroko laugarren ostiralean (ez, halabeharrez, hilaren azken ostiralean). Aurten azaroaren 23an izango da.
Euskal Herrian, saltoki handiek eskaintza handiekin erakartzen dituzte erosleak, eta kontsumitzaile askok egun horretara itxaroten dute mota guztietako produktuak erosteko. Arazoaren 22ko gauerditik aurrera, sarean eskuratu ahalko dira deskontuak, eta azaroaren 23an denda fisikoetara helduko dira eskaintzak.
Hainbat enpresak eguna aurreratu dute, eta dagoeneko deskontu batzuk ikus daitezke webguneetan. Beste batzuek, berriz, aste osoa emango dute beherapenak egiten.
Saltoki handiez gain, Bilbo, Donostia, Gasteiz eta Iruñeko denda txikiek ere, azken urteetan, produktu asko merkatu dituzte egun horretan.
Eta hurrengo astelehenean, deskontuak sarean
Ospakizuna, gainera, asteburu osoan zehar luzatzen dute askok, Cyber Monday izenaz ezagutzen denarekin lotuz. Aurten, azaroaren 26an izango da. Egun horretan, enpresek sarean eskaintzen dituzte deskontuak.
Black Friday egunaren jatorria
Jatorriaren bertsio desberdinak daude. Ziur aski, Filadelfian sortu zen. AEBko hiri horretan, kontsumitzaileek kaleak betetzen zituzten Esker Emate Egunaren ostean, Gabonetako erosketak hasteko. "Black Friday" izenaz ezagutzen hasi ziren jendetzak eta auto ugariek hirian sortzen zuten irudia deskribatzeko.
Beste bertsio batek saltokiekin lotzen du izen hori. Izan ere, egun honetan, dendetako zenbaki gorriak (galerak) beltzak (superabita) izatera igarotzen dira, herritarren nahi kontsumistari esker.
Zure interesekoa izan daiteke
Elkarretaratzea egin dute Donostian, hiriko gozoki-denda batean adingabe bati egindako sexu-erasoa gaitzesteko
Itaiak eta Amara Berriko Gazte Asanbladak deitu dute protesta, eta "eraso matxista bakoitzari aurre egin eta kaleak hartzeko" deia egin dute. Erasotzailea, dendaren jabea bera, kartzelan sartu dute.
Epaitegiak Euskal Udalekuak elkartearen aldeko epaia berretsi du, eta Arabako Foru Aldundiaren helegitea atzera bota
Epaileak bertan behera utzi du Sarrea Euskal Udalekuari Bernedon kanpamenduak antolatzeko ezarritako gaitasungabetzea. Legez Sarreak udalekuak ospa ditzakeen arren, antolatzaileek debekua indarrean sartu zenean martxan jarri zituzten alternatibei eustea erabaki dute.
Baso-sute handi bat piztu da Gironan
Baix Empordako sutearen ke-zutabeak 5 kilometroko altuera hartu du ostiral honetan.
Hilketa matxistak Alacanten eta Malagan: hiru emakume hil dituzte
Gizon bat atxilotu dute gaur emaztea eta alabetako bat hiltzea eta beste bat larri zauritzea egotzita. Asteazkenean, emakume baten gorpuatopatu zuten Malagan; martxotik desagertuta zegoen. Hilketaren ustezko egilea, bikotekide ohia, espetxeratu berri dute.
EHUk ikasgai guztietan izan diren noten berri emango du astelehenean, ikasgaien arteko alderaketa eginda
Estitxu Garai EHUko errektoreordeak babesa helarazi die irakasle eta zuzentzaileei eta “kezka” adierazi du, presioen ondorioz hainbatek zuzentzaile lanetan ez aritzea erabaki ondoren, "zuzentzailerik gabe geratzeko arriskua" dagoelako.
Donostian 29 urteko gizon bati arma zuriz egindako eraso bat ikertzen ari da Ertzaintza
Gaztea Donostia Ospitalera eraman dute, baina, dirudienez, zauriak ez dira larriak.
Gasteizko blusek eta neskek zapi beltzekin omenduko dituzte martxoaren 3ko biktimak Andre Maria Zuriaren jaietan
Gainera, abuztuaren 6an ekitaldi bat egingo dute Poliziak hildako bost langileen oroimenez.
Orpoko probaren bitartez bizkarrezurreko muskulu-atrofia hauteman du aurrenekoz Osakidetzak
Gaitz neuromuskular arraro horren diagnostiko goiztiarrari esker, haurtxoa Donostiako Unibertsitate Ospitaleko Neuropediatriara bideratu dute dagoeneko, terapia genikoa jasotzen ari da eta hasierako bilakaera ona da. Jaioberrien baheketa-programak, orpoko proba izenekoak, 24 gaixotasun detektatzeko aukera ematen du.
Sexu erasoei aurre egiteko informazio gunea Gaztelu plazan zabalduko dute sanferminetan, beste urte batez
Foruzaingoak, Udaltzaingoak eta Guardia Zibilak elkarlanean segurtasun dispositiboa diseinatu dute, eta horren baitan alkohol eta droga kontrolak egingo dituzte Iruñeko sarbideetan.
San Fermineko entzierroen ibilbidean irrist ez egiteko produktua aplikatu dute
Hamar bat pertsonak lan egin dute gauean produktu irristagaitza 1.875 metro karratu ingurutan zabaltzeko. Eremu babestuak Santo Domingoko aldaparen amaieran hasi eta Mercaderesko bihurgunera eta metro batzuk harago heltzen dira, Estafetaraino, hain zuzen ere. Lana eskuz egiten da, ureztagailuak eta erratzak erabilita. Arduradunen arabera, likido irristagaitzak erreakzio bat sortzen du, eta erreakzio horrek zoladuraren mikroporoak askatzen ditu. Zulo horiek bentosa-efektua sortzen dute, eta saihestu egiten du pertsonek edo zezenek irrist egitea. Konposatua duela 20 urtetik aplikatzen da Sanferminetan, eta bereziki ondo funtzionatzen du zoladura bustita dagoenean.