Nafarroako Polizien Legea onartu du Foru Parlamentuak
Foru Parlamentuko osoko bilkurak Nafarroako Polizien Legea onartu du gaur UPN, Geroa Bai, EH Bildu eta Podemos alderdien aldeko botoekin. PSNk, PPNk eta I-Ek zuri bozkatu dute, eta Orain Baik (Podemosen kritikoak), berriz, kontra.
Bigarren aldia da Geroa Baik eta EH Bilduk lege horren inguruko proposamena egiten dutena. Iaz, lege-proiektua baztertu zuen Foru Parlamentuak. Oraingo honetan, erregionalisten aldeko botoa izan du legeak. Nafarroako Gobernuak Trafikoaren eskuduntza bereganatzen duenean, Trafikoko guardia zibilak foruzain bihurtzeko "aukera" jasotzen duelako babestu du UPNk.
Taldeek euren iritzia emateko txandan, pozik agertu da Sergio Sayas UPN parlamentaria. Esan duenez, lege berriari esker, agente guztiak Nafarroako polizia agente izango dira, eta Guardia Zibileko agenteei foruzain izateko "aukera" nabarmendu du. "Aparteko lana egin dute urteotan, ezin diegu bizkarra eman", erantsi du.
Patxi Leuza, Geroa Baiko parlamentariaren esanetan, legea ez zen bere taldeak nahi zuena, baina "ahalik eta kontsentsu handiena" lortzen saiatu direla azpimarratu du. Leuzaren hitzetan, polizia "integral, gertuko, modernoago" bat lortzea da helburua, elebiduna eta aginte postuetan emakume gehiago izango dituena.
Adolfo Araiz EH Bilduko bozeramailearen arabera, agenteen lan baldintzak "hobetzen" ditu lege berriak. Erregionalistek ezarritako "pasarela"ri buruz esan du beharbada Guardia Zibila dela Foruzaingoan sartu behar ez dena, eta azpimarratu du ez duela zentzurik segurtasun indar ezberdinen arteko integrazioak, horietako bat "militarra" dela eta "historikoki zapaltzailea" izan dela gogora ekarrita.
Podemoseko Ruben Velascok adierazi du "besterik gabe" onartu dutela legea, eta ziurtatu du bere alderdiak ez duela begi onez ikusten talde bat gainerako funtzionarioetatik "bereiztea", ezta "star nominak" onartzea ere.
Bestalde, UPNk eta Bilduk "legearen jabetzaren inguruan” izandako eztabaidari buruz mintzatu da PSNko Inmaculada Jurio. Ildo horretan nabarmendu du legea Gobernuarena dela, eta 2015eko legean atzemandako "arazoei" irtenbidea bilatzen saiatu direla.
Javier Garcia PPNko parlamentariaren hitzetan, orain arteko legeak polizien arteko "bereizketa eta konfrontazioa" eragiten zuen. Agertoki berriak, berriz, bere alderdiak ulertzen ez dituen zenbait gai jasotzen ditu, PPk "agenteen elkarlanaren eta koordinazioaren" aldeko apustua egiten duelako.
Bukatzeko, I-E koalizioko Jose Miguel Nuinek kritikatu du segurtasun indar ezberdinak definitu nahi dituen polizia ereduak ez duela aurrerapausorik egin. Halaber, ukatu egin du lege berriak "pasarela" bermatzen duenik, eta ohartarazi du "sekulako kostu ekonomikoa" izango duela, gutxi gorabehera 4 milioi eurokoa. Gauzak horrela, Foruzaingoaren pertsonala bikoizteko beharra nabarmendu du.
Albiste gehiago gizartea
Gutxienez 4 kilometroko auto-ilarak AP-8an, Zarautzen, Donostiarako noranzkoan
Kamioi bat irauli egin da, eta istripua eragin du errepidean. Ertzaintzak errail bat moztu du Donostiara noranzko errepidean.
Eusko Jaurlaritzak "eskola inklusibo, ekitatibo eta kalitatezkoaren" aldeko mahaia jarri du abian, ikasturte hasieran
Imanol Pradales lehendakariak eta Begoña Pedrosa Hezkuntza sailburuak Etxebarri BHI berrian abiatu dute Eskola Segregazioaren aurkako Itun Sozialaren mahaia, ikasturtearen hasiera ofizialarekin bat eginez.
Eskola-segregazioaren aurkako mahaiak markatu du 2025-2026 ikasturtearen hasiera
Imanol Pradales lehendakariak eta Begoña Pedrosaa Hezkuntza sailburuak eman diote hasiera ikasturteari, Etxebarriko (Bizkaia) BHIn. Ondoren, mahaiaren lehen bileraren buru izan dira. Bileran hezkuntza-komunitateko hainbat eragilek, EAJ, PSE-EE, EH Bildu eta PPren ordezkariek eta sindikatuek hartu dute parte, ELA eta Steilas sindikatuek izan ezik.
Itsasoaren berotzeak hainbat espezieren portaera aldatu du
Kantauri itsasoko tenperaturak hamarkadak daramatza igotzen, eta horren ondorioak nabaritzen hasiak gara. Aztik ia 40 urte daramatza gure kostaldeko datuak biltzen.
Jaiotzak % 2,4 gehitu ziren EAEn lehen hiruhilekoan, 1975etik izandako urterik txarrenaren ondoren
2024ko hiruhileko beraren aldean, % 0,6 igo dira atzerriko amak dituzten haurren jaiotzak, bai eta hirugarren eta ondorengoen jaiotzak ere, % 0,8.
Gipuzkoan haurra hiltzen saiatzeagatik akusatutako gurasoek ukatu egin dute alaba astindu izana, eta adierazi dute lesioak gaixotasun genetiko baten ondorio direla
Fiskaltzak zazpi urteko espetxe-zigorra eskatu du bakoitzarentzat, hilketa saiakera egotzita. Gurasoek, aldiz, adierazi dute lesioak gaixotasun "oso arraro" baten ondorio direla.
Jaizkibelek gutun bat eman dio Hondarribiko alkateari, "estrategia aldaketa" eskatuz
Nora Ferreirak, Jaizkibel konpainiako kapitainak, Hondarribiko Udalaren jarrera kritikatu du. "Ezin ditu bi taldeak maila berean jartzen jarraitu, gu emakumeen eskubideen alde borrokan ari baikara", adierazi du Ferreirak. Gainera, hainbat ordezkari politikok, Miren Elgarresta (Emakunde), Ines Ibañez de Maeztu (Arartekoa) eta Maddalen Iriarte (EH Bildu), besteak beste, egindako urratsak nabarmendu nahi izan dituzte, baina erakunde guztiei inplikazio handiagoa eskatu diete.
Jaizkibel Konpainiak txalo artean egin du ibilbidea, eta alarde tradizionalak kantinerak soilik eraman ditu Gernikako Arbola plazara
Iaz gertatu zen bezala, emakumeei berdintasunez parte hartzen uzten ez dietenak ez dira hitzordura agertu, eta kantinerak soilik bidali dituzte. Herritarrek eta agintariek txaloka hartu dute konpainia parekidea Kale Nagusian.
Albiste izango da: EITB Data, ikasturtearen hasiera EAEn eta Diasporaren Eguna
Orainek gaur landuko dituen albiste nagusien laburpena.
Eusko Jaurlaritzak Euskal Diasporaren Eguna ospatuko du Zesta Punta komunitateari omenaldia eginez, Markina-Xemeinen
Mikele Irazusta diasporako artista argentinarrak diseinatutako mural bat sortuko du Markina-Xemeinen, dantza tradizionalak, erakusmahai kulturalak eta herriko eragileen eta Saint-Pierre eta Mikeluneko dantza taldeen partaidetza bilduko dituen jardunaldiaren barruan.