Biktima guztiei babesa adierazi diete, eta abusuak gaitzetsi dituzte Basaurin
2.000 pertsona inguru bildu dira Basaurin adingabeei egindako sexu abusuak salatzeko eta biktimak babesteko, aste honetan bi herritarrek umetan futbol entrenatzaile batengandik sexu jazarpena jasan zutela publikoki salatu eta gero.
Arizgoiti plazan bildutakoek "edozein motatako erasoak", adingabeak bezalako "kolektibo ahul baten aurka egindakoak" bereziki, gaitzetsi eta arbuiatu dituzte.
Elkarretaratzea bukatzean, salaketa jarritako Peperen emazteak "zero tolerantzia" eskatu du "mota guztietako abusuentzat" eta "beste alde batera begiratu eta begiratzen dutenentzat".
Era berean, "predatzaile sexual" honen biktima guztiak animatu ditu bere kasua kontatzera eta salatzera, horrek bizi duten "infernutik ateraraziko"dituelako eta.
Emakumeak argitu duenez, sare sozialen bidezko salaketa azken urratsa izan zen, "dauden ate guztiak jo ostean", eta azkenik, Basaurin "sexu abusuen biktima asko egon litekeela" ohartarazi du, eta instituzioei horiei laguntzeko erakundeak sor ditzatela eskatu die.
Salaketa jarri duen gizonetako baten emazteak "zero tolerantzia" eskatu du, eta Basaurin "biktima asko" egon litekeela ohartarazi du. Kasuak kontatzera eta salatzera animatu ditu.
Erakundeen eta futbol eskolaren gaitzespena
Basauriko Udaleko talde politiko guztiek eta zinegotzi independenteak biktimei elkartasuna adieraztera deitu zituen herritarrak adierazpen bateratu batean, eta "salaketen aurrean beharrezko ikerketak eta ekintzak aurrera eramateko" eskatu diete erakunde guztiei.
Aste honetan, Baskonia Futbol Eskolak entrenatzailea bota du taldetik, eta "sexu-askatasuna eta sexu-ukigabetasuna urratzen dituzten jarrerei erabateko gaitzespena" adierazi zien. Entrenatzaileak futbol eskola honetan lan egiten zuen, baina salaketak 1981ko gertakizunen ingurukoak dira, eskola sortu baino lehenagokoak.
Horregatik azaldu zuten sortu zenetik "gaur egunera arte” ez dela “adingabeen kontrako sexu abusurik gertatu, ezta beste sexu-askatasuna eta sexu-ukigabetasunaren kontrako deliturik".
Biktimei elkartasuna adierazteko, futbol eskolak azaroaren 19ko, astelehena, entrenamendu guztiak bertan behera utzi ditu, Sexu Abusua eta Umeei egindako Tratu Txarrak Saihesteko Egunaren harira.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.