Emakume baten aurkako eraso orori genero larrigarria aplikatuko zaio
Emakume bati, “emakume izanagatik soilik”, eraso egiten zaion kasu guztietan genero zirkunstantzia larrigarria aplikatu beharra dagoela erabaki du Auzitegi Gorenak epai batean, nahiz eta erasotzaileak eta biktimak loturarik ez izan.
Madrilgo Auzitegiak gizon bati 11 urte eta erdiko espetxe-zigorra ezarri zion ohiko tratu txarrak eta hilketa saiakera egotzita. Erasotzaileak emakumearekin harremana izan zuen, biktima beste gizon batekin ezkondurik zenean. Gainera, elkarrekin bizi ziren.
Ahaidetasun eta genero larrigarriak banan-banan aplikatu zitzaizkiolako helegitea aurkeztu zuen zigortuak Gorenaren aurrean. Bi larrigarriak bateragarriak izatea zalantzan jarri zuen.
Ahaidetasun larrigarria aplikatzeko biktimaren eta erasotzailearen arteko harremana izatea beharrezkoa dela gogorarazi du Gorenak, baina genero larrigarria aplikatzeko loturarik behar ez dela ebatzi du orain. Horrela, zigorra ezartzeko orduan biak bateragarriak direla erabaki du Auzitegiak.
Zigor Kodearen 23. artikuluaren ahaidetasun larrigarriak oinarri objektiboa duela adierazi du salak. Hala ere, aplikatzeko garaian erasotzaile eta biktimaren arteko afektibitate harremanak eta elkarbizitza egon behar dela gogorarazi du.
Bestalde, Kodearen 22.4 genero larrigarriak oinarri subjektiboa du, “emakumearen gaineko nagusitasuna azaltzeko eta emakume izanagatik soilik menpekoa dela demostratzeko borondatea agertu behar du erasotzaileak”. Larrigarria 2015eko martxoan egindako erreforman barneratu zuten.
Horrela, ahaidetasun larrigarriak ez du generoaren aplikazioa “baztertzen”, nahiz eta erasotzailea emakumearen bikotekide edo bikotekide ohia ez izan, “emakume izanagatik soilik biktimarenganako dominazioa” frogatzerik dagoenean.
Julia Sanchez-Melgar magistratua izan da txostengilea. Epaiak azpimarratu duenez, genero larrigarria “emakumea izanagatik soilik nagusitasun sentimendua agerian uzteko, erasotzaileak biktimaren aurka egin duela frogatzen den kasuetan aplikatu behar da; harremanean menpekotasun rol batean jartzen duelako”. Sententziaren arabera, “Konstituzioaren berdintasun printzipioaren aurkakoa da”.
Albiste gehiago gizartea
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.
Arantza Beitia, Kermanen ama: "Porteroek sekulako inpunitatea sentitzen zuten erasoak egiten zituztenean"
Kerman, Gasteizko Mitika diskotekan hil zuten gaztearen ama da Arantza Beitia. Euskadi Irratian elkarrizketa egin diote, gertatutakoaz jardun da eta erreparazioaz ere mintzatu da: "Utzikeriak, negligentziak eta praxis txarrak publikoki onartzea, aitortzea eta hiritarrei azaltzea zer egingo duten hori konpontzeko. Kermanen eskubideak errespetatzea, hiritar moduan", azpimarratu du. Entzun hemen elkarrizketa osoa.
Hiru pertsona atxilotu dituzte, Bilboko Fika kaleko homizidioan inplikatuta daudelakoan
Ertzaintzak hiru pertsona atxilotu ditu, igandean Bilbon izandako krimenarekin lotura dutelakoan. Azken atxilotuak 28 urte ditu, eta borondatez entregatu zuen bere burua Ertzaintzaren komisarian.
Gizon bat atxilotu dute Bilbon, atzo izandako hilketarekin zerikusia duelakoan
31 urteko gizon bat da. Ertzaintzak ikerketa zabalik du oraindik, gertakaria argitzeko. Beste bi gizonezko daude identifikatuta.
Haurtxo bat hil da Gasteizen, bigarren solairuko leiho batetik erorita
Adingabea Txagorritxuko ospitalera eraman zuten urgentziaz, eta han heriotza egiaztatu besterik ezin izan zuten egin.