Albiste da
EEE-a Tubos Reunidosen |
Eguraldi ezegonkorra |
Iraungitako txertoak |
Eguraldia
Gorde
Kendu nire zerrendatik

Abisu horia ezarriko dute gaur gauean eta bihar, izotzagatik

Iragarpenen arabera, termometroak zeroz azpitik kokatuko dira barnealdean, eta bereziki Araban. Tenperatura maximoetan ez da aldaketarik espero.
Zeroz azpiko tenperaturak Durangon.
Barnealdean bereziki hotzak izango dira gauak, batez ere Araban. Argazkia: Adrian Zubia

Eusko Jaurlaritzako Larrialdiei Aurre Egiteko eta Meteorologiako Zuzendaritzak abisu horia ezarriko du gauerdian eta bihar gauean tenperatura baxuengatik eta izotzagatik. Termometroa barnealdean jaitsiko da bereziki, eta batez ere Araban.

Hala, Araban izotz handia ere egin dezake. Gainerakoan, izotz txikia egingo du. Ostiralean bereziki hoztuko du, eta baliteke kostaldean ere izotza egitea.

Euskalmet Euskal Meteorologia Agentziak egindako iragarpenaren arabera, Gasteizen zeroz azpitik bi gradu izango dituzte gaur, eta bihar zeroz azpitik bost gradura jaitsiko da termometroa. Bilbon, Donostian eta Iruñean balio positiboak izango dituzte gaur gauean, baina bihar - 3 ºC espero dituzte Nafarroako hiriburuan.

Ostegunean, goizeko behe-hodei batzuk gorabehera, baina ateri eutsiko dio. Goizak aurrera egitearekin batera ostarteak gero eta handiagoak izango dira eta arratsaldean eguzkitsu egongo da edonon. Tenperatura maximoek berdintsu jarraituko dute. Ostiralean giro eguzkitsuagoa izango dugu, baina baita hotzagoa ere lehen orduetan. Egunsentiko lainoguneak salbu, zerua oskarbi egongo da denean.  Ekialdeko eta ipar-ekialdeko haize suabea ibiliko da.

Zure interesekoa izan daiteke

18:00 - 20:00
ZUZENEAN
Duela  min.

Gidari bat ikertzen ari dira istripu batetik ihes egin eta alkoholemia proba egiteari uko egiteagatik

Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.

Gehiago ikusi
Publizitatea
X