Erreskate gunera hurbilduko da Aita Mari ontzia, Espainiako uretatik atera gabe
Espainiako Gobernuak itsasoratzeko baimena ukatu ostean Aita Mari ontziko arduradunek jakitera eman dute helegitea aurkeztuko dutela erabaki horren kontra, eta helegite horren erantzunak luze jo dezakeenez (hiru hilabetera arte), Europako uretan sartu gabe, Espainiako uretan ibiliko direla jakitera eman dute, Mediterraneoko erreskate gunetik ahalik eta gertuen.
Mediterraneoan pertsonak erreskatatuz gero ez dutela Europako portuetan lehorreratzeko baimenik izango gogoraraziz ukatu die Espainiako Gobernuak abiatzeko baimena. Gainera, bada beste arazo bat ere: erreskateak eginez gero ontzia jendez beteko litzateke, eta prestatu duten ontzian ezin dira 20 pertsona baino gehiago ibili, beraz, jende gehiago hartuz gero ez lituzkete itsas salbamenduari buruzko nazioarteko arauak beteko.
Izaskun Arriaran, Aita Mari Itsas Salbamendu Humanitarioko kideak esan duenez, ezezko gutun horretan Espainiako Gobernuak berak onartu egiten du arazo humanitarioa dagoela, baina gero trabak jartzen dizkie lagundu nahi dutenei. Hala, gogor kritikatu du Espainiako Gobernuaren jarrera eta Mediterraneoan erreskateak egiteko "behar diren baliabideak" jartzeko eskatu dio.
Aita Mariren edukiera arazoari irtenbidea eman dakiokeela uste dute kideek: elkarrekin ontzi gehiago bidaltzea, adibidez. Beste aukera bat Gobernuarenak diren ontziak horretarako erabiltzea izango litzateke.
Azaldu dutenez, Bartzelonan baimenengatik atera ezin den Open Arms ontziaren antzeko egoeran daude orain. Nabigatzen hasteko Espainiako Gobernuan eman beharreko baimena besterik ez da falta.
Eusko Jaurlaritzak tamalgarritzat jo du baimenik ez eman izana
Eusko Jaurlaritzak tamalgarritzat jo du Espainiako Gobernuak Aita Mari ontziari Mediterraneora joateko baimenik ez eman izana: "Albiste txarra da balio humanitarioen defentsarako".
Jaurlaritzak elkartasuna adierazi die proiektu honetan lan egiten duten pertsona eta erakundeei eta euren esku dauden "baliabide legal eta administratiboak" erabiltzeko dei egin die.
Era berean, "Jaurlaritzaren esku dagoen guztia" egingo dutela era iragarri dute ohar batean.
Albiste gehiago gizartea
Kanoikadaren eztandak 'lehertu' egin du Donostiako Aste Nagusia
Elikagaien Bankuaren eta Amara Berriko Auzo Elkartearen kanoikadak hasiera eman dio musikaz eta 380 jarduera baino gehiagoz beteriko zortzi eguneko jaiari; eta, nola ez, Su Artifizialen Nazioarteko lehiaketaren 60. edizioa izango dugu aurten.
Adingabe bat atxilotu eta hamar ikertzen ari dira uztailaren 20an Azpeitian izandako istiluengatik
Desordena publikoak eragitea eta agintaritzaren agenteen aurkako atentatua egitea egozten diete guztiei. Atxilotua, 16 urtekoa, aske utzi dute, beharrezko polizia-eginbideak bukatutakoan.
Beroak hauspotuta, zimitz izurritea Gorraitzen
Gorraitz herrian sekulako amesgaiztoa bizi dutela salatu dute bizilagunek. Beroak hauspotuta, astebete baino gehiago da zimitz izurrite batek herria hartu duela. Egoera horren aurrean, fumigatzeaz gain, prebentzio-neurriak ere exijitu dituzte herritarrek. Bideoan, Javier de Arbizu eta Ane Irigoien bizilagunek azaldu dute egoera.
Gasteiztarrak jaien amaiera borobilaz gozatzen ari dira, Zeledoni agur esan aurretik
Kalejirek eta txarangek hiriko kaleak girotu dituzte egunean zehar, aurreko egunetan bezala, eguraldia lagun zutela. Goizaldean, egunerokora itzuliko dira, txokolatea eta bizkotxoak hartu ondoren.
Ehunka lagun bildu dira Bilbon Palestinaren alde
Bilbo-Palestina herri ekimenak elkarretaratzea egin du Plaza Biribilean, Palestina askatzea eskatzeko eta Netanyahu "gizateriaren aurkako krimenengatik" salatzeko.
Bizkaiko hondartzak, karabela portugesik gabe
Larunbat honetan Bizkaiko kostaldeko hondartza guztietan bainua hartzeko aukera izango dugu, marmokarik gabe.
Auto-gidari bat hil da Tolosan, autobus batekin talka eginda
Lurraldebusek aldi baterako eten du zerbitzua Ibaiondo kaleko 1. eta Larramendi kaleko 8. atarien pareko geralekuetan.
30 bat pertsona etxetik atera dituzte Elgoibarren, eraikin batean piztutako sute baten ondorioz
Sua 00:30 aldera piztu da, San Bartolome kaleko eraikin batean, eta ez da inor zauritu. Kaltetutako pertsona gehienak goizean itzuli dira etxera.
Mozketak N-1 errepidean, Ordizia parean, pantaila akustikoak jartzeko obrengatik
Obrek eragina izango dute eskuineko erreian eta Gasteizko noranzkoan sartzeko adar batean, larunbat goizetik igandera arte.
Gizon bat atxilotu dute Donostian, hainbat adingaberi sexu-erasoak egitea egotzita
Gizon horrek 27 urte ditu, eta epaileak behin behinean espetxeratzeko agindu du, adingabe batzuen sexu-askatasunaren aurkako delituak egotzita.