Nafarroan irakasleek jasotzen dituzten erasoen aurkako 7.000 sinadura jaso dituzte
Nafarroako Bigarren Hezkuntzako Irakasleen elkarteak 7.000 sinadura jaso ditu irakasleen aurkako erasoen gorakada salatzeko kanpainan. Izan ere, 2015ean 20 izan ziren erasoak, eta hiru urte geroago, 178. Gainera, biktimen gehiengoa, % 75, emakumezkoak dira.
Orain, kanpaina amaituta, sinadura horiekin "Hezkuntza departamentua beharrezko aldaketak egitera" mugitzea eta "irakasleek pairatzen duten babesgabetasun egoera konpontzen lagunduko duten neurriak hartzea" espero dute.
Elkarteak prentsa-ohar batean jakinarazi duenez, irakaslea babesteko eta lege bermea izateko neurri batzuk jarri dituzte martxan dagoeneko, 2017-2018 ikasturtea amaitu zenean Hezkuntza Departamentuak egin zuen txostenean oinarrituta, eta erasoengatik laguntza eskatzen zuten irakasle kopuruak gora egin zuela ikusita.
Txosten horren emaitzetan ikus zitekeen "goraka" egiten ari zirela erasoak, eta elkarteak uste du gatazka horiek "askotan" ez direla konpontzen edo "gaizki" konpontzen direla, eta horregatik baja kopuruak gora egiten duela.
Irakasleek pairatzen dituzten erasoak muturrekoak omen dira batzuetan, ikasleen edo senideen portaera erasokorra, presioa edo erasoak (ahozkoak eta fisikoak) eraginak.
Beste batzuetan, elkartearen arabera, barruan ematen dira, eta zentroko zuzendaritzatik edo Administraziotik iristen dira (irakasleen aurkako isun eta espedienteen gorakada).
Testuinguru horretan, elkarteak sinadura bilketa hasi zuen kontzientziazio lana egiteko eta dituen proposamenak helarazteko.
Zure interesekoa izan daiteke
Berbaz eta kantuz eman diote hauspoa euskarari euskalgintzako hainbat eragilek
Aktore, musikari zein bertsolariak igo dira oholtza gainera euskararen aldeko ekitaldian, eta ikuskizun musikatua eskaini dute Gorka Urbizuk, Maia Ibarnek eta Gontzal Mendibilek, besteak beste. Ane Labaka eta Sustrai Colina bertsolariak ere izan dira taula gainean. Txalo zaparrada batekin eta kantuan bukatu dute aldarrikapen artean abiatu den hitzordua.
Milaka lagun bildu ditu Euskalgintzaren Kontseiluak Bilbon, euskararen aldeko pizkundearen akuilu izan daitezen
Euskararen aldeko pizkunde berri baten premia gizarteratzea eta hizkuntza-politiketan jauzia emateko adostasun soziopolitikoa bultzatzea helburu duen ekitaldia egin dute Bilbao Arenan. 2026ko ekainaren 13rako hitzordua ere jarri dute euskaltzaleek.
23 urteko emakume bat desagertu da Donostian, eta Ertzaintzak ikerketa zabaldu du
Asteazkenean ikusi zuten azkenekoz, Gabon gauean, eta familiak ostiralean aurkeztu zuen salaketa.
Bost urte dira COVID-19aren aurkako lehen txertoak jarri zituztenetik
Bizkaian txertoa jaso zuen lehen emakumea eta txertoa jarri zion erizaina elkartu ditu EITBk, bosgarren urteurrenean. Ikusmina, beldurra, itxaropena eta mesfidantza agerikoak ziren orduan, bizitzen ari ginenarekin zerbait historikoa baitzen. Txertoak iritsita, egoera hobetzen joan zen. Une haiek gogoratu dituzte Begoñak, Itxasok eta Jorgek.
Animaliarik gabeko azoka egin dute Elgoibarren, dermatosi nodularraren ondoriozko debekua berriro ezarri ondoren
Dermatosi nodularrak kezka sortzen jarraitzen du lehen sektorean. Euskal Herrian ez da oraingoz kasurik atzeman, baina Frantzian kasuak ugaritzen ari direla eta, prebentzio modura, ferietan abereak azaltzea debekatu dute berriro. Eta neurri hori betetzen lehen azoka, Elgoibarko Gabon Zaharrekoa izan da.
Espetxeratu egin dute Azkoitian Gabon gauean sexu-erasoa egiten saiatzeagatik atxilotutako gizona
Guardiako epailearen aurrean deklaratu ondoren, epaileak badaezpada espetxeratzeko agindu zuen, sexu-eraso saiakera egotzita.
Idurre Eskisabel: “Euskarak larrialdi linguistikoan jarraituko du ezer egiten ez bada, baina badu irtenbidea”
Euskarak gaur egun bizi duen larrialdi linguistikoa gorabehera, Idurre Eskisabel Euskalgintzaren Kontseiluko idazkari nagusiak azpimarratu du egoerak irtenbidea duela. Euskararekiko atxikimendu soziala funtsezko faktorea dela nabarmendu du, baina norbanakoaren konpromisoa ezinbestekoa den arren, berez ez dela nahikoa eta erantzun estruktural eta politika publiko sendoak behar direla azpimarratu du.
Coruñako aireportua zabaldu dute, pistan basurde bat ikusi ostean hainbat orduz itxita egon eta gero
Madrildik eta Milandik abiatu eta Galiziako aireportuan lur hartu behar zuten bi hegaldi beste aireportu batzuetara bideratu dituzte, eta beste bi aireratzeko baimena noiz emango zain geratu dira.
Behe-lainoak zaildu egin du aireko trafikoa Loiun, eta sei hegaldi desbideratu dituzte
Bost hegaldi Santanderrera desbideratu dituzte, Loiu-Barajas konexio bat bertan behera geratu da, eta atzerapenak izan dira beste hiru hegalditan.
Arrasaten erositako txartel bati egokitu zaio Euromillonesen 54 milioi euroko saria
Txartela Arrasateko 66455 loteria administrazioko bulegoan saldu zuten, Musakola auzoko Eroski merkataritza zentroan.