Donostiako jipoian erasotzaile gehiago izan zirela esan du espetxeratutako batek
Donostiako jipoiagatik sei gazte espetxean dira. Auzipeturik ez dauden beste pertsona batzuek erasoan parte hartu zutela esan du horietako batek asteazken honetan. 17 urteko Santiago Coca jipoitu zuten. Adingabea bi egun geroago hil zen.
Auziko iturriek jakitera eman dutenez, gertatutakoa ikertzen ari den Donostiako Instrukzio-epaitegian ordu eta laurden eman du gazteak, berak eskatuta. Hasiera batean, apirilaren 29an, egindako deklarazioa xehetasun gehiagorekin osatu du.
Era berean, beste bost gazte behin-behineko espetxealdian dira. Zazpigarren bat, ordea, kautelazko neurriekin aske utzi zuten, Guardiako Epaitegian deklaratu ondotik.
Iturriek azaldu dutenez, agerraldian zehar gaztea "damuturik" azaldu da, hildakoaren familiari "barkamena" eskatu dio eta bere bertsioa eskaini du. "Borroka" bat izan zela adierazi du.
Testigantzan "borrokan" parte hartu izana aitortu du gazteak, baina gau hartan "inor astintzeko" asmoarekin atera ez zela azpimarratu du, lagunekin batera "festarako" baizik. "Ez zuten horrela bukatu nahi", zehaztu du.
Hasierako testigantza osatzea eskatu du gazteak, hasiera batean "ikaraturik", ez zegoelako "prest", eta horregatik "azalpen gutxi" eman zituen, iturriek zehaztu dutenez.
Horrela, asteazken honetan datu berriak eman ditu, "bere bertsioa aldatu barik". Jarrera "kolaboratzaileagoa" izan du, gertakarietan "nortzuk parte hartu" eta "nola parte hartu" zuten azalduz.
Zentzu horretan, zonaldeko segurtasun kamerek grabatutako irudietan "pertsona ugari borrokan ari direla bistakoa da", nabarmendu du. Ia minutu bateko iraupena du, eta "bera" 30. segundoan agertzen da, baina "borrokak jarraitzen du".
Hala ere, biktimak jasotako kolpe batzuen egilea izatea onartu du, baina adingabea erortzen ikusi ez zuela defendatu du. "Kolpeen ondorioz" erori zenik ere ez du baieztatu nahi izan. "Inoren ostikorik" ikusi ez zuela gaineratu du.
Ikerbidean, datozen egunetan gertakarien bi lekuko berri galdekatzea espero da. Bestalde, datorren astean hildakoaren anaiak agerraldia egingo du; izan ere, hasieran batean ezin izan zuen lekukotzarik eman, gertatutakoarekin jota zegoelako.
Albiste gehiago gizartea
Etxebizitza da EAEko herritarren kezka nagusia
Osasunarekiko kezkak behera egin du azken sei hilabeteetan, baina bigarren arazorik garrantzitsuena da (% 36), bizitza kostuaren aurretik (% 34). Bestalde, herritarrek 4,7ko nota jarri diote (10etik) Imanol Pradales buru duen Eusko Jaurlaritzaren lehen urteari.
174 urteko espetxe zigorra eskatu dute Zizurko institutuko komunetan emakumeak grabatu zituen irakaslearentzat
Probintzia Auzitegiak epaitzen ari da irakaslea, haurren intimitatearen eta pornografiaren aurkako delituak egotzita, hainbat hilabetez ikertzen aritu eta gero; guztira, 41 biktima izan dira.
700 pisu turistiko kentzeko exijitu du Eusko Jaurlaritzak Airbnb plataformari
Uztailaren 1etik aurrera, etxebizitza turistikoen erregistro bakarra sartuko da indarrean. Javier Hurtadok ohartarazi duenez, nahitaezko erregistro-zenbakiak sartu ezean, jarduera etetera behartuz zigortu ahal izango dituzte.
Pertsona bat hil da Zuian izandako trafiko istripuan
Auto bat errepidetik atera eta irauli egin da N-622an. Gidaria ibilgailuaren barruan harrapatuta geratu da, eta bertan hil da.
Gizon bat atxilotu dute Portugaleteko taberna batean beste bati aizkoraz erasotzeagatik
Atzo 20:00etan gertatu zen erasoa. Biktimak zauriak ditu eskuetan eta bizkarrean.
Albiste izango dira: Saretzen txostena, PSNren krisia eta Errefuxiatuen Mundu Eguna
Gaurkoan albiste izango direnen laburpena, bi hitzetan.
Oñatiko Larraña Etxeak 20 nazionalitateko 100 errefuxiatu hartzen ditu
Harrera zentroa kudeatzen duen Zehar-Errefuxiatuekin elkarteak salatu du Atzerritarrei buruzko Legearen Erregelamenduaren azken erreformak nazioarteko babesa eskatzen duten pertsonak "zigortzen" dituela. 3.000 pertsonak baino gehiagok eskatu dute nazioarteko babesa Euskadin aurten.
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Musika, nagusi: EAEko 10 kultur ekitalditatik hiru musikari lotutakoak dira
6.342 kontzerturekin, musika euskal agendan gehien agertzen den forma kultural gisa finkatu zen iaz. Ondoren antzerkia (4.239 ekitaldi) eta, urrunago, zinema/ikus-entzunezkoak (2.349) eta dantza (860).