Hil egin da txirrindulari batek Amurrion harrapatutako 62 urteko emakumea
Txirrindulari batek igandean Amurrion harrapatu zuen 62 urteko emakumea atzo hil zen. Emakumeen Arabako Itzuliko parte-hartzaile batek harrapatu zuen, helmugako marra gainditu ostean, publikoarentzat hesiz itxita zegoen eremu batean.
Gorpuaren lekualdaketaz arduratu den ehorztetxeko iturriek baieztatu diote heriotza EFE albiste-agentziari. Harrapaketa 13:00etan gertatu zen, Aldai kaleko 2. zenbakian, Emakumezkoen Arabako Itzulian.
62 urteko emakumeak zebrabide bat gurutzatu zuen, Kantabriako talde batekin lehiatzen den txirrindulari asturiar bat bertatik abiadura handian pasatzen ari zenean.
Lasterketaren antolatzaileen arabera, publikoarentzat hesiz itxita zegoen zebrabidea; senideen arabera, berriz, ez zegoen hesituta.
Istripuaren atestatua Ertzaintzak hartu du bere gain, Amurrioko Udaltzaingoak eitb.eus-i jakinarazi dionez. Ertzaintzaren arabera, berriz, antolatzaileek egiaztatu beharko dute hesiz itxita zegoen ala ez, aseguru-etxeekin konpontzeko.
Txirrindulariak ikuslea jo zuen, eta ospitalera eraman zituzten biak, zaurituta.
Kirolariak ez zuen zauri larririk, eta igandean bertan eman zioten sendagiria, baina 62 urteko emakumea ospitaleratuta gelditu zen, larri.
Azkenean, emakumea Gurutzetako Ospitalean hil zen atzo. Gorpua Institutu Anatomikora eraman dute, autopsia egitera.
Albiste gehiago gizartea
Arrazismoaren aurkako kontzentrazioa Iruñean, Torre Pachecoko gertakariak gaitzesteko
Nafarroako arrazismoaren aurkako kolektiboek elkarretaratzea egin dute larunbat honetan Iruñeko Udaletxe plazan, gorrotoak eta indarkeria arrazistak gora egin dutela salatzeko.
18 urteko pertsona bat zauritu da Arroitzen, auto istripu batean
Zauritua Nafarroako Unibertsitate Ospitalera eraman dute, pronostiko erreserbatuko politrauma batekin.
Euromillones zozketak milioi bat euroko saria utzi du Donostian
Gipuzkoako hiriburuko 13. administrazioan baliozkotu dute saria, Madril etorbideko 24. zenbakian, Amara auzoan.
Ostiralean Anoetan txirrindulari baten heriotzan inplikatutako autoko gidaria atxilotu dute
Istripua ostiral arratsaldeko zortzietan gertatu zen, eta bertaratutako osasun-zerbitzuek Zizurkilgo 53 urteko kirolariaren heriotza baieztatu besterik ezin izan zuten egin.
Samaniegon desagertutako 70 urteko gizon baten bila ari dira
Desagertua ostiral arratsaldean ikusi zuten azkenekoz; bilaketa Arabako Errioxako landa-eremuan egiten ari dira.
Euskararen aurkako azken epaia salatzeko elkarretaratzeak egin dituzte eguerdian UEMAk deituta
UEMAko presidenteak larritzat jo du Espainiako Auzitegi Gorenaren epaia, eta “adostasun sendoak” behar direla nabarmendu du Martin Aranburu lehendakariak. Euskarak lege-babesa behar duela azpimarratu du eta elkarrekin aritzeko deia egin die alderdi politikoei, euskal eragileei eta herritarrei.
Txirrindulari bat hil da Anoetan, auto batek harrapatuta
Istripua 20:00ak aldera gertatu da, GI-3630 errepidean.
Arrazakeriaren eta "morofobiaren" aurkako elkarretaratzeak Euskal Herrian
Arrazakeria ez dela gertakari isolatua salatzen dute, egiturazkoa baizik. Torre Pachecon gertatutakoen harira, azpimarratzen dute talde arrazistak beldurra sortzeko antolatzen ari direla, eta, beraz, batzeko deia egiten dute, elkarri eusteko.
Bilboko Garcia Rivero kaleak baldosa guztiak altxatu beharko ditu berriro, akastunak direlako
Bilboko Garcia Rivero kaleko lanak bukatzear daudela, udalak erabaki du kaleko obrei berriro ekitea, baldosa akastuak direla eta. Inguruko merkatariak oso atsekabetuta daude obraren prozesuarekin, Aste Nagusia gertu dutela
Tecnaliak Kanadara zabaldu du suarekin saiakuntzak eskala handian egiteko gaitasuna
Tecnalia ikerketa-zentroak Kanadako araudiaren arabera suarekin saiakuntzak eskala handian egiteko akreditazioa lortu du. Agiaztapen hau Estatu Batuetarako edo Erresuma Baturako lortutakoei gehitzen zaie. Lorpen honek negozio-aukerak zabaltzen dizkie eraikuntza-industriako enpresei, Europatik haragoko merkatu arautu eta zorrotzetan.