Amurrion ziklista batek harrapatu zuen 62 urteko emakume bat oso larri dago
62 urteko emakume bat larri zauritu da gaur, asteartearekin, joan den igandean kirol proba batean parte hartzen ari zen txirrindulari batek helmugatik gertu, publikoari hesiz itxitako eremu batean, harrapatuta.
Eusko Jaurlaritzaren Segurtasun Sailak eta Arabako Txirrindularitza Federazioak baieztatu dutenez, igandeko, maiatzak 11, 13:00etan jaso zen harrapatzea, Emakumezkoen Arabako Itzulian.
Nahiz eta hasieran zenbait iturrik emakumea hilda zegoela esan duten, sendiak ukatu egin du eta, eitb.eus-i adierazi dioenez, emakumeak oso larri jarraitzen du.
Helmuga igaro eta 30 edo 40 metrotara, 62 urteko ikusle batek publikoarentzat hesiz itxita zegoen zebrabide bat gurutzatu zuen, Kantabriako talde batekin lehiatzen den asturiar ziklista bat abiadura handian zetorrela.
Txirrindulariak ikuslea jo zuen, eta biak Galdakaoko ospitalera eraman zituzten, zaurituta.
Ziklistak ez zuen zauri larririk jaso eta igandean bertan eman zioten alta, baina 62 urteko emakumea ospitaleratuta gelditu zen, larri.
Julia Liberal Arabako Txirrindularitza Federazioko presidentearen hitzetan, harrapatu zuten emakumeak ez zien segurtasun zerbitzuko kideen oharrei jaramonik egin, eta “bere burua errepidera bota zuen” hesiz itxita zegoen eremu batean.
Liberalek azaldu duenez, bera pixka bat lehenago egon zen harrapatzea izan zen tokian bertan, garaikurrak eramatera joan aurretik, eta erantsi du segurtasuneko arduradunak gelditu zirela eta emakumeak zeharkatu zuen zebrabidean hesiak zeudela jarrita.
Horren arabera, asturiar ziklista orduko 60-70 kilometroko abiaduran zihoan emakumea harrapatu zuenean, helmugara esprintean iritsi baino ez. Horregatik ez zuen ikusi errepidea zeharkatzen ari zen ikuslea. Gainera, ziklistek ez dute zalantzan jartzen eremua libre izango dutela bertatik pasatzean.
Zure interesekoa izan daiteke
Donostiako Udalak debekuari "irmo" eusten diola eta bilerak emaitza onik ez duela eman salatu du KAS elkarteak
Ia bi orduz egon dira bilduta Kaleko Afari Solidarioak (KAS) plataformako eta Donostiako Udaleko ordezkariak, tartean, Jon Insausti alkatea. Ixiar Gonzalez KASeko kideak azaldu duenez, alternatiba indarrean izan arte, kaleko afari solidarioak baimentzea eskatu diote alkateari, baina erantzuna ezezkoa izan da. "Emaitza ez da positiboa", esan du.
Aita Marik Mediterraneoan egiten duen erreskate-lana zailtzen duen "etengabeko presioa" salatu du
Egunotan Malta eta Libia arteko migrazio-ibilbidean erreskate-lanetan ari den Aita Mari ontzia Libiako kostazainek inguratu dute asteazken honetan; ondoren, drone batek gainetik hegan egin zion.
Bi gizonezko atxilotu dituzte Getxon kalez jantzitako bi ertzaini erasotzeagatik, borroka baten abisura joan direnean
Udaltzaingoaren agenteek erasotzaileetako bat atxilotzen lagundu dute, ukabilekin jo eta kristalezko botila batekin mehatxu egin baitiete ertzainei.
Pazienteek Euskal Osasun Sisteman Parte Hartzeko Legeari buruzko aurreproiektuaren kontsulta publikoa abiatu du Osasun Sailak
Osasun Sailak herritarren iritziak bilduko ditu, pazienteek eta pazienteen elkarteek osasun-politikak diseinatzeko eta erabakiak hartzeko modu egituratuan eta eragiteko gaitasunarekin parte hartzeko helburuz.
Aste Nagusiko zezenketen kartel batean Marijaiaren irudia erabili izana salatu dute Bilboko Konpartsek
"Bilboko jai herrikoien ikur nagusiaren irudia animalien sufrimenduari eta heriotzari lotutako jarduera pribatu baten publizitatea egiteko erabiltzea" kritikatu dute Bilboko Konpartsek.
A63 autobidea ireki dute berriro, Girondako sutea egonkortzea lortu ondoren
Girondako sutea egonkortu izanak ahalbidetuko du Euskal Herria eta Bordele lotzen dituen A63 autobidea zabaltzea. Hala ere, SNCF tren konpainiaren abiadura handiko trenen trafikoak etenda jarraitzen du Hendaia eta Bordele artean.
Beroa eta haizea suak itzaltzea zailtzen ari dira Zamora, Madril, Avila eta Castellon
Gauean zehar bilakaera positiboa izan den arren, suak itzaltzeko lanak oztopatzen ari da beroaldia, batez ere Zamoran. Madrilgo, Avilako eta Castelloko suteek aktibo jarraitzen dute, baina dagoeneko perimetratuta daude. Suteengatik ezarritako larrialdi nazionala bertan behera gelditu dela iragarri du Espainiako gobernuburuak.
Espainiako sute handien bilakaera ona da, baina beste foku batzuk ari dira pizten Zamoran eta Leonen
Madrilgo sutea egonkortzea lortu dute, eta Avilako ebakuazioak eta konfinamenduak altxatu dituzte. Zamoran, 12 udalerri ebakuatu dituzte, eta bi konfinatu.
Afari solidarioak kriminalizatu izana deitoratu dute ekimenaren antolatzaileek
Kaleko Afari Solidarioak (KAS) plataformak, Donostian kaleko egoeran dauden pertsonentzako afari solidarioak antolatzen dituenak, Udalaren "jarrera kriminalizatzailea" salatu du asteazken honetan. Izan ere, Jon Insausti alkateak (EAJ) jarduera hori debekatu egin du, "bizikidetza arazoak" sortzen dituela eta "delinkuentzia areagotzen" duela argudiatuta.
5 urteko zigorra ezarri diote gizon bati, emazteari modu jarraituan tratu txarrak eman eta sexu-erasoak egiteagatik
Epaiaren arabera, biktimak 2017an erasotzailearengandik banantzea erabaki zuenetik, hark etengabe egin zizkion mehatxuak eta sexu-erasoak.