Talde bortxaketagatik Bilbon atxilotutako sei gizonak, epailearen aurrera
Bilbon, 18 urteko emakume bat taldean bortxatzea egotzita ostiralean atxilotu zituzten 18 eta 36 urte bitarteko sei gizonezkoak epailearen aurrera eraman dituzte larunbat honetan. Deustuko polizia-etxean igaro dute gaua, eta goizean eraman dituzte deklaratzera. Etxebarria parkean bortxatu zuten emakumea, ostegun gauerdian.
Atxilotuak, goizeko 10:00ak aldera iritsi dira Bilboko guardiako epaitegira, Eusko Jaurlaritzako Segurtasun Sailak jakitera eman duenez. Galdeketarekin amaitu ostean epaileak erabaki beharko du kartzelan sartu edo kalean utzi. Erabakia hartzeak luze jo dezake, kontutan izanda sei direla deklaratu behar dutenak.
Antza denez, biktima gizon batekin geratu zen Etxebarria Parkean, Instagram bidez, baina zitara sei agertu ziren. Beldurtuta, neskak ihes egin zuen Gasaren Plazarantz, korrika, baina erasotzaileetako bat atzetik joan zitzaion, eta pistola batekin mehatxu egin zion. Une horretan, beste gizonak bertaratu ziren, eta seirek bortxatu egin zuten.
Erasoa pairatu eta gero, biktima Basurtuko Ospitalera joan zen amarekin, eta han hainbat froga egin ondoren, zentroak Guardiako Epaitegira deitu zuen, gertatutakoa salatzeko.
Handik ordu gutxira identifikatu eta atxilotu zituzten ustezko erasotzaileak, Erriberako Merkatuaren inguruan, biktimak emandako deskribapen zehatzei esker. Sei atxilotuek aurrekariak dituzte.
Susmoak baieztatzeko, emakumeak sei gizonak identifikatu zituen auto batetik.
Elkarretaratze jendetsua Bilbon, taldekako bortxaketa gaitzesteko
Erasoa salatzeko, milaka emakumek elkarretaratzea egin zuten atzo arratsaldean Arriaga Plazan, eta "beldurrik gabe espazio publikoa okupatu ahal izateko eskubidea" aldarrikatu zuten.
Ordu erdi baino gehiagoko iraupena izan zuen elkarretaratzeak, eta "Libre izan nahi gara, ez ausartak" eta "Ez da abusua, bortxaketa da" bezalako esaldiak irakur zitezkeen pankarta txikietan.
Elkarretaratze jendetsua Arriaga Plazan. EFE
Erakundeen gaitzespena
Bilboko Udalak ere "irmotasun osoz gaitzetsi" eta bere "samina" agertu du Etxebarria Parkean izandako taldeko bortxaketagatik, eta deitutako protestekin bat egingo duela aurreratu du.
Udalak ohar baten bidez adierazi duenez, “Genero Indarkeriaren alorrean Arretarako eta Prebentziorako Programaren udal zerbitzuak horietaz baliatu behar dituztenen esku jarriko ditu”.
Hala, talde politikoek "horrelako ekintzak arbuiatu eta ulertezintzat" jotzen dituela adierazi dute. Era berean, "emakumeari baita gertukoei ere, gure babesa helarazi gura diegu", gaineratu dutenez.
Juan Mari Aburto Bilboko alkateak, berriz, "arbuiagarria, jasanezina, onartezina" dela onartu du. Aldi berean, legearen eta justiziaren zama guztia taldekako bortxaketaren egileen gainera erortzea eskatu du, "etorkizunean berriro ere horrelakorik egin ez dezaten".
Emakunde Emakumearen Euskal Erakundeak ere irmoki gaitzetsi du bortxaketa, eta bere elkartasuna eta babesa adierazi dio biktimari, 18 urteko emakumeari. Gainera, "honelako erasoen aurkako jarrera aktiboa" izatea eskatu die herritar guztiei.
Emakumearen Euskal Erakundeak bere Twitter kontuan salatu duenez, azken eraso hau ez da "isolatutako kasu bat" emakumeen aurkako indarkeriaren testuinguruan ulertu behar da, "emakume eta gizonen arteko ezberdintasunaren adierazgarri latz eta gogorrena".
Halaber, Bizkaiko Foru Aldundiak "gaitzespen irmoa" adierazi du taldekako eraso matxistaren harira.
Erakundeak babesa helarazi dio biktimari zein horren senideei, eta aholkularitza eta psikologia zerbitzuak eskaini dizkio.
Erakundeen erantzun "urria" salatu dute auzotarrek
Bilboko Auzo Elkarteen Federazioak Bilbon izandako taldekako bortxaketa gaitzetsi du eta horrelako sexu erasoen aurrean dagoen "erantzun instituzional urria" salatu du.
Sexu erasoengatik ezarritako epaiek ez dute, auzo elkarteen esanetan, gizonezkoen kontzientzietan aldaketa sakonik eragin. Hori dela eta, emakumeen aurkako indarkeriari amaiera emateko garaia dela aldarrikatu dute.
Albiste honi buruzko informazioa ETB, Euskadi Irratia, Radio Euskadi, Radio Vitoriako albistegietan eguneratuko da, baita eitb.eus-en ere.
_________________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.
Zure interesekoa izan daiteke
Lehen auto-ilarak AP-8an, Irunen, eta kamioiak ezin dira Biriatuko mugan zehar pasa
Gutxienez bost kilometroko auto-ilarak daude lehen ordutik AP-8 autobidean, 0 kilometroan, Irunen, Baionarako noranzkoan. Kamioiak erregulatzeko neurri bereziak ezarri dituzte.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.
Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute
Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.
Urdaibaiko Guggenheim museoa baztertu dute, proiektua iragarri eta 17 urtera
Bi urteko azterketa eta hamaika eztabaidaren ondoren, Urdaibaiko Guggenheim proiektua baztertzearen erabakia hartu du Patronatuak. Orain hilabete, Elixabete Etxanobe Bizkaiko ahaldun nagusiak azaldu zuen luze joko zuela museoa eraikitzeko lurrak garbitzea, bai eta egitasmoaren aurkako salaketak epaitegietan argitzea ere. Eta kalean proiektuak kritika andana jaso izan du talde ekologisten eta herritarren aldetik.
Guggenheim Urdaibai egitasmoa behin betiko baztertu du museoko Patronatuak
Arratsaldean egindako bileran aho batez hartu dute azken erabakia, proiektuaren bideragarritasun faltagatik. Egitasmoa aurrera eramateko zailtasun handiena Murueta ontziola dagoen lur zatiaren egoera juridikoa dela jakinarazi du Elixabete Etxanobe diputatu nagusiak.
163 postuk eta hogei bat jarduerak girotuko dute Donostiako San Tomas azoka
Datorren igandean, Gipuzkoako hiriburuan izango den azokara hurbilduko direnek, salmenta postuez gozatzeaz gain, gustu eta adin guztietarako jardueretan parte hartu ahal izango dute.
Entzute prozesuak islatzen du Guggenheim Museoa Urdaibain zabaltzerik "ez" dela nahi, baina eskualdeko garapenari begi onez begiratzen zaiola utzi du agerian
Herritarren artean entzute-prozesua gidatu duen Agirre Lehendakaria Centerrek azaldu duenez, "hasierako narratiba" horien zati handi bat "beste joera bat" hartu du hilabeteetan zehar. Izan ere, Urdaibaiko Guggenheimen aurkako iritziak jaso dira, baina baita eskualdearen garapenaren aldeko jarrerak ere.
Korrika egin, osasuntsu zahartzeko: Fernando eta Leopoldo, 81 eta 76 urterekin atxintxika egiten jarraitzen duten beteranoak
Fernandok 31 Behobia daramatza, azken bi urteetan beteranoena izanik, eta Leopoldo erretiroa hartu baino pixka bat lehenago hasi zen kilometroak egiten. Korrika egitea botikarik onena da bientzat, ez bakarrik ongizate fisikoagatik, gaixotasunak prebenitzen eta sasoiz zahartzea atzeratzen ere laguntzen baitie.
Ziberindarkeria matxistak ezagutzen laguntzeko gida argitaratu du Emakundek
"Jarri izena" gira gazteei zuzenduta dago, eta bere helburua da ingurune digitaleko indarkeria matxistak identifikatzea, askotan oharkabean pasatzen dira eta, eta alfabetatze digitala eskaintzea, sareetan gertatzen diren indarkeria matxista mota guztiak hautemateko eta horiei izena jartzeko.
Espainiako Gobernuak iragarritako garraio-abonu bateratua urtarrilaren 19tik aurrera erabili ahal izango da
Oscar Puente Garraioetako eta Mugikortasun Iraunkorreko ministroak adierazi duenez, Gobernuaren asmoa gainerako administrazioekin lan egitea da, hala nola autonomia-erkidegoekin eta udalekin, etorkizunean hiri barruko eta hiriarteko abonuak bateratu zein integratzeko eta garraio-txartel bakarrarekin funtzionatu ahal izateko, Europako beste herrialde batzuetan gertatzen den bezala.