Italiak Open Arms ontzia atxiki du segurtasunean 'arazo larriak' atzeman ostean
Italiako agintariek Open Arms ontzia atxiki dute Sizilian, segurtasun neurrietan "arazo larriak" daudela baieztatu eta gero, Italiako Kostazainek ohar baten bidez jakinarazi dutenez.
Haien esanetan, itsasontzira igo dira eta "nabigazioaren segurtasunarekin, itsasoko ingurumena babesteko legediarekin, eta larrialdi egoeretarako prozeduren ezagutzarekin lotutako arazo larriak" daudela ondorioztatu dute.
Hortaz, ontzia ezingo da Porto Empedocletik (Agrigento, Sizilia) irten, "ikuskaritzan atzemandako irregulartasun teknikoak eta operatiboak zuzendu arte".
Proactiva Open Arms GKEak ostegunean adierazi duenez, Italiako Kostazainek atzemandako gabeziak zuzendu eta itsasoratuko da "itsasoan bizitzak salbatzeko misioarekin jarraitzeko", Agrigentoko Fiskaltzaren lanak bukatutakoan.
Ohar baten bidez GKEak azaldu du ontziak "Espainiako Merkataritza Nabigaziorako dauden eskakizun guztiak bete" dituztela. Gainera, maiatzean "urteko ziurtagiriak berritu" egin zituzten.
Horren ildotik, Open Armsen esanetan, italiarrek aipatutako arazo larriak "ura eta olioa banatzeko mekanismoan" atzeman dituzte, eta "ahalik eta lasterren zuzenduko ditugu Empedocle portuan, bertan porturatuta dagoen bitartean".
GKEaren arabera, Italiako Kostazainek segurtasun maniobrak egitea eskatu diote tripulazioari. "Tripulanteek jasan duten egoera gogorraren ondorioz, simulakroetan ez dute eman behar zuten maila eman", azaldu dute.
Bost egunerako janaria
Bestalde, Ocean Viking itsasontziak (365 migratzaile daramatza) soilik datozen bost egunetarako janaria dauka, Mugarik Gabeko Medikuak eta Sos Mediterranee erakundeek ohartarazi dutenez.
"Bost egunetarako janaria geratzen zaigu", esan dute Twitterren. Gainera, gogorarazi duenez, salbatutako pertsonek 14 egun daramatzate ontzian, oraindik zehaztu ez duten portura noiz iritsiko zain. Medikuek abisatu duenez, guztien buruko osasun egoerak "okerrera egin du denbora gutxian".
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.