'Ocean Viking' ontziak Lampedusan lehorreratu ahal izango ditu 82 migratzaile
SOS Mediterranee eta MSF (Mugarik Gabeko Medikuak) Gobernuz Kanpoko Erakundeen 'Ocean Viking' ontziak Lampedusan lehorreratu ahal izango ditu azken astean Mediterraneoan erreskatatu dituen 82 migratzaileak, MSF berak sare sozialetan iragarri duenez.
"Italiako agintariek lehorreratzeko portu segurua eskaini berri diote 'Ocean Viking' ontziari. Lehen erreskatetik sei egun igaro diren honetan, ontzian dauden 82 migratzaileak laster lehorreratu ahal izango dira Lampedusan" idatzi dute.
Italiako hainbat komunikabideren arabera, oraindik ez dago erabakita ontzia portura sartuko den ala itsasoan Italiako beste ontzi batzuetara igaro eta horietan joango diren portura.
Irailaren 12an Italiako Gobernuak iragarri zuen Europako hainbat herrialdek migratzaile horiek hartzea adostu zutela, eta gaur etorri da lehorreratzearen albistea.
Irailaren 8an 50 pertsona erreskatatu zituen 'Ocean Viking' ontziak Mediterraneoan eta bi egun beranduago beste 34. Geroztik, portu baten zain ziren.
Mediterraneotik Europarantz sartu nahi duten migratzaileak banatzeko mekanismo automatiko bat bultzatzeko eskatu dio berriki Giuseppe Conte Italiako lehen ministroak Bruselari.
Zure interesekoa izan daiteke
Eneko Arrastua noiz iritsiko zain daude Irunen, Huescan autopsia lanak amaitu ostean
Sallent de Gallegoko Udalak dolu-eguna ezarri du elur-jausian hildako hiru pertsonen omenez.
Eneko Arrastuaren heriotzak samina eta atsekabea eragin ditu Irunen
Irun lur jota esnatu da gaur. Alkateak, errespetua eta doluminak plazaratu ditu familiarentzat eta, Eneko kide zen Erlaitz mendi elkarteko burua sinistu ezinik dago hainbesteko eskarmentua zuen mendizaleari horrelakorik gertatu izana.
Ertzaintza diskoteka handiak ikuskatzen ari da, Urtezahar gauari begira
700 lagunetik gorako edukiera duten gaueko aisialdirako zortzi lokal dira dira. Txikienak ikuskatzea udalen ardura da. Besteak beste, Segurtasun saila aztertzen ari da edukiera, ebakuazio-bideak eta suteen aurkako babesa betetzen diren.
Euskal administrazioek eskatu dute dermatosiaren aurkako txertaketa Euskadi osoan egitea, eta ez soilik Gipuzkoan
Eusko Jaurlaritzak negoziazio-bide bat ireki du Ministerioarekin txertaketa-estrategia zehazteko, abeltzaintza-karga handiagoko eremu berriak barne hartuta.
Zer material eraman behar dugu mendira? Nola jokatu elur-jausi baten aurrean?
Elur-jausien arriskuaren aurrean, garrantzitsua da mendira segurtasun-material egokia eramatea: arba gailu batek, pala batek eta zunda batek bizia salba diezagukete. Zuhurtasun handiz jokatu behar da beti, mendiarekiko errespetua inoiz galdu gabe.
Gripe-kasuak % 41,5 jaitsi dira Euskadin azken astean, eta intzidentzia 667,88 kasukoa da 100.000 biztanleko
Gripearen bilakaeraren ondorioz, Osakidetzak ondorioztatu du kanpainaren gailurra igaro dela, baina birusaren bilakaerari "arreta handia" jarri behar zaiola azpimarratu du, batez ere urte amaierako jaiegunekin lotutako interakzio sozialak areagotu direlako.
Sendagiria jaso du Panticosako elur-jausian zauritutako emakume ordiziarrak
Astelehen honetan Panticosan (Huesca) elur-jausi batek harrapatuta zauritu zen emakumeari alta eman diote gaur goizean, Aragoiko Gobernuak jakinarazi duenez. Hipotermiak jota eraman zuten Huescako San Jorge Ospitalera. Istripu horretan bertan hiru pertsona hil ziren.
Albiste izango dira: Dolua Irunen Panticosako mendi istripuagatik, etxebizitzari buruzko premiazko neurrien legea eta Chiviteren urte amaierako hitzaldia
Gaurkoan Orain-en albiste izango direnen laburpena, bi hitzetan.
Erregimen itxiko zigorrak ezarri dizkiete bi adin txikikori, Donostian beste adingabe bat hiltzen saiatzeagatik
Bi adin txikiko horiek eta martxoan epaituko dituzten bi heldu adingabe bat labankadaz hiltzen saiatu ziren martxoaren 13an, biktimak horietako baten neska-lagunarekin "ligatzen saiatu" zelako eskolan.
Jordi Richard mendiko gidaria, Panticosatik: “Azpiko geruza labankor dago, ez dago trinko, eta kontuz ibili beharra dago”
Azken urteotako negurik hotzena eta elurtsuena izatean ari da Aragoiko Pirinioetan eta arriskutsua izan daiteke mendian ibiltzea. Jordi Richard mendiko gidariarekin hitz egin du ETBk, Panticosan gertatu den ezbeharraren ondotik. Gaur bertan, Punta Escarrara igotzen ari zirela buelta ematea erabaki dutela kontatu du. Adi ibiltzeko eskatu du, oraindik ere elur jausiak gerta daitezkeelako.