Indarkeria matxista
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Gizon bat atxilotu dute Donostiako hotel bateko langile bati sexu-abusuak egiteagatik

Gertakariak Donostia erdiguneko hotel bateko tabernan jazo ziren. Erasotzaileak 71 urteko gizona da.

AGENTZIAK | ERREDAKZIOA

Azken eguneratzea

71 urteko gizon bat atxilotu dute bart Donostiako hotel bateko langile bati sexu-gehiegikeriak egitea egotzita.  

Segurtasun Sailak azaldu duenez, gertakariak 21:00ak aldera jazo ziren Donostia erdiguneko hotel bateko taberna batean. Gizona mahai batean zegoen eserita eta zerbitzari lanetan ari zen emakumea hurbildu zitzaionean ukituak egin zizkion.

Langileak erasoaren berri eman zion hoteleko arduradunari eta honek Ertzaintza ohartarazi zuen. Ertzainak bertaratu zirenean gizona atxilotu zuten, sexu-abusuak egotzita.

Izapide polizialak amaituta, atxilotua datozen orduetan utziko dute epailearen esku.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta / edo deitu doako telefono hauetako batera: 900 840 111 (Euskadin) edo 016 (Estatu osoan). Lehenak arrastoa uzten du fakturan eta telefonoan; bigarrenak, telefonoan. Beraz, ez ahaztu ezabatzea.
Gizartea Indarkeria matxista Donostia Eguneko Titularrak Matxismoa Sexu erasoak Ostatuak

Zure interesekoa izan daiteke

Gehiago ikusi
Publizitatea
X