Donostiako tatuatzaileak esan du ez duela erasorik egin eta guztia konspirazioa dela
Dozena bat emakumeri sexu-jazarpena eta gehiegikeriak egiteagatik auzipetu zuten gizonak ukatu egin ditu akusazio horiek, eta negozioa "kendu" nahi dion beste tatuatzaile baten konspirazioa dela esan du.
Auzipetuaren deklarazioa izan da epaiketaren azken egunean arreta-puntu nagusia. Donostiako 2. Zigor Epaitegian izan da azken saioa, eta Cristina Morcillo Buj defentsa abokatuak eskatu zuelako hitz egin du azken ahozko saioan.
Epaiketaren lehen bi saioak irailean izan ziren, eta biktimek eta lekukoek deklaratu zuten, baina azken saioa atzeratu egin behar izan zuten, biktima batzuk ezin izan zirelako bertaratu.
Gaur arteko saioetan, biktimek (gehienak bezeroak, baita tatuaje ikastaro bateko ikasle eta auzipetuaren lagun baten bikotekidea ere) 2013 eta 2018 artean izandako sexu- jazarpen-egoerak deskribatu zituzten.
Biktimek azaldu zutenez, lehenengo jazarpen-egoerak Bidebieta auzoan tatuatzaileak zuen etxean bizi izan zituzten. Bertan emaztearekin eta alabarekin bizi zen tatuatzailea, eta etxera eramaten zuen lana. Gerora, Alde Zaharrean jarri zuen estudioan sexu-gehiegikeriekin jarraitu zuela adierazi zuten.
Emakumeek jazarpena, sexu proposamenak, piropoak, ukimenduak eta mezuak jaso zituzten, eta horrek eragin omen zien jazarriak eta deseroso sentitzea. Gainera, horietako batzuek jakinarazi zuten gizonak eskutik heldu eta eskua zakilera eramanarazi ziela.
Epaiketaren amaieran, Fiskaltzak 21 urtetik 28 urtera igo du kartzela-zigor eskera. Bi biktimen abokatuek osatzen duten akusazio partikularrek ez dute eskaera eskatu, eta defentsak absoluzioaren alde egin du.
Zure interesekoa izan daiteke
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.