Gizon batek emakume bati eraso dio Donostian, urruntze-agindua urratuta
51 urteko gizon batek emakume bati eraso dio Donostian, indarrean zuen urruntze-agindu bat urratuta. Eusko Jaurlaritzaren Segurtasun Sailak jakitera eman duenez, erasotzailea biktimaren bikotekidea zen. Kartzelan sartu dute gizona, genero-indarkeriako delitu bat egotzita.
Biktima Donostia Ospitalera eraman dute; izan ere, kontusioak, hematomak eta arma zuriak eragindako ebakiak zituen aurpegian eta izterretan.
Asteleheneko goizaldean gertatu zen, 01:45 aldera. Una horretan, emakume batek 112 Sos Deiak telefonoari deitu zion, jakinarazteko bikotekidearen eraso bat zuela pairatuta eta zaurituta zegoela. Ertzaintzaren patruila iritsi zenean, emakumea bere etxeko atarian zegoen; segituan ospitaleratu zuten, haren lesioengatik.
Etxebizitzan, agenteek ustezko erasotzailea topatu zuten, lotan, eta odol-zantzuak antzeman zituzten horren jantzietan. Genero-indarkeriako delitu batengatik, atxilotu egin zuten.
Gainera, ertzainek egiaztatu zuten gizonak urruntze-agindua zuela, eta debekatuta zuela biktimarengana hurbiltzea. Atxilotua astelehen arratsaldeko lehen orduan sartu zen kartzelan.
Donostiako Udaleko udalbatzak elkarretaratzea egingo du astearte honetan, 12:00etan, Alderdi Ederreko lorategietan, genero-indarkeriako kasu hau gaitzestea xede.
Zure interesekoa izan daiteke
Kontuz GPSarekin: A-8 barne, 6 errepidek izena aldatu dute Bizkaian
Une batez, gidariek eta nabigatzaileek izen berriei ohitu beharko diete. Garai bateko Hegoaldeko Saihesbideak BI-10 izena hartuko du, eta Txorierriko korridorea BI-30 izango da orain aurrerantzean.
Osakidetzak asteon bukatuko du iraungitako dosia jaso zuten pertsonen birtxertaketa
Hexabalentearen kasuan, gaizki txertatutako 30 lagunetatik gehienek jaso dute dosia, eta bestela, gaur-biharretan izango dute. Tetrabalente eta hirukoitz birikoari dagokionez, asteon amaituko dutelakoan dago Osakidetza.
Tolosako inauterietan bigantxak izango dira azkenean
Gipuzkoako Aldundiak behin behinean baimendu ditu inauterietan bigantxekin egiten diren ekitaldiak eta sokamuturra. Abenduan, Frantzian kasuek gora egin ostean erabaki zuten Jaurlaritzak eta Nafarroako Gobernuak abelburuen mugikortasuna mugatzea eta behi erakusketak, idi probak eta sokamuturra bezalakoak debekatzen zituen agindua.
Iaz 80 pertsonak jaso zuten eutanasia EAEn, aurreko urtean baino % 62k gehiagok
Eutanasia eskaerak 120 izan ziren, eta aurreko urtean, 74.
EAEko ikastetxeetan aurrematrikula egiteko gida
Gaurtik otsailaren 13ra arte egin ahal izango da aurrematrikula online zein aurrez aurre, eta hemen jaso dugu jakin beharreko informazio guztia.
EH Bilduk iraungitako txertoen inguruan egindako ohartarazpena "sobera" zegoen, Osasun Sailaren ustez
Lore Bilbao Osakidetzaren zuzendari nagusiak ETB1eko "Egun On" saioan azaldu duenez, familiei "mezu argi bat" helarazi nahi zieten, eta, horretarako, txostenak eskatu zituzten. Horien zain zeudenean egin zuen EH Bilduk eman zuen auziaren berri. "10 egun lehenagotik baldin bazekiten, zergatik ez zuten ezer egin? Kasu honetan guk bagenekien, baina zer gertatuko litzateke jakin izan ez bagenu?", galdetu du.
Jaiotza kopurua % 0,1 jaitsi da berriro Euskadin, bi hiruhilekotan gora egin ondoren
Lurraldeka, urtebetean % 3,2ko hazkundea izan zen Araban, 547 jaiotzarekin; Bizkaian % 4,7 jaitsi ziren, 1.616 jaiotzarekin; eta Gipuzkoan % 5,5 igo ziren, 1.129 jaiotzarekin.
Bikotekidea hiltzea egotzita atxilotutako emakumea espetxera bidaltzeko agindu du epaileak
55 urteko emakumeak Basurtuko Ospitalean jarraitzen du eta sendagiria jasotzen duenean eramango dute espetxera.
Santurtzi eta Barakaldo arteko aldirietako tren-zerbitzua eten dute, matxura baten ondorioz
Santurtzitik Barakaldorako joan-etorrian dabiltzan tren guztiek Desertu-Barakaldo geltokitik hasi eta amaituko dute ibilbidea, eta erabiltzaileek autobus zerbitzua izango dute helmugara iristeko.
Ostalaritza Eskola izango da Gipuzkoan, 2027tik aurrera
Euskadiko laugarren ostalaritza-eskola izango litzateke, Leioa, Galdakao eta Gamarrako eskolekin batera. Hezkuntza Saila Donostiako Udalarekin lanean ari non kokatu ebazteko.