'Aita Mari' ontziak 78 pertsona erreskatatu ditu Mediterraneoan
Aita Mari Giza Itsas Salbamendua Gobernuz Kanpoko Erakundeko ontziak 78 pertsona erreskatatu ditu ostegun honetan Mediterraneo itsasoan, tartean 9 haur eta haurdun dagoen emakume bat. Gainera, 94 pertsona daramatzan beste ontzi bat erresketatzeko bidean dago Aita Mari, Iñigo Mijangos GKEaren presidenteak, ontzitik bertatik, ETB2ko 'Teleberri'n jakinarazi duenez.
GKEak ohar batean azaldu duenez, ontzia nazioarteko uretan aurkitu dute, azken lau egunotan Malta inguruan ibili ostean, "Espainiako Gobernuak itsasontzi honi eta Open Arms-i ezartzen dizkien murrizketengatik". Horren harira, Mijangosek esan du espero duela "zentzua" gailentzea.
"Orain, erreskatatuak lehorreratzeko portu segurua egokitzeko zain gaude", gaineratu dute, "gertuko portu seguru bakarrak italiarrak eta maltarrak" direla azpimarratu aurretik.
Izan ere, gogorarazi dutenez, "Europar Batasunak berak, Mina Andreeva bozeramailearen ahotik, esan du Libia ez dela segurua"; eta "nazioarteko legediaren arabera, Aita Mari-ren kapitainak ahal den distantzia txikienean nabigatzeko eskubidea du".
Erreskatatutakoen egoerari dagokionez, Mijangosek argitu du "ongi" daudela, baina "akituta".
"Azken bi egunotan, Ocean Viking-ek eta Open Arms-ek ere egin dituzte erreskateak inguru horretan. Orain, lehorreratzeko portuaren zain daude", azaldu du gobernuz kanpoko erakundeak oharrean.
Aita Mari azaroaren 12an abiatu zen Greziako Lesbos irlatik, bertara giza laguntza eraman ostean, Maltako urtetara, erreskate lanetan laguntzera.
Albiste gehiago gizartea
Gizon bat atxilotu dute Bilbon, atzo izandako hilketarekin zerikusia duelakoan
31 urteko gizon bat da. Ertzaintzak ikerketa zabalik du oraindik, gertakaria argitzeko. Beste bi gizonezko daude identifikatuta.
Haurtxo bat hil da Gasteizen, bigarren solairuko leiho batetik erorita
Adingabea Txagorritxuko ospitalera eraman zuten urgentziaz, eta han heriotza egiaztatu besterik ezin izan zuten egin.
Israelek Gazan hil dituen 1.580 osasun-langileak omendu dituzte Gasteizen
Txagorritxuko Ospitalearen atarian egindako irakurketaren helburua "genozidio sionistak hildako osasun-langileen memoria eta bizitzak gogoan izatea" izan da. Mugarik Gabeko Medikuen arabera, bi urte hauetan 1580 osasun-profesional hil ditu Netanyahuren Armadak ospitaleen, kliniken eta larrialdi eta erreskate taldeen aurka egindako erasoetan.
Abian da Beldur Barik egitasmoaren 16. bideo lehiaketa, gazteek indarkeria matxistaren aurrean duten jarrera erakuts dezaten
Miren Elgarresta Emakunderen zuzendariak Donostiako Lauaizeta ikastetxean egindako ekitaldian gogorarazi duenez, programaren helburua da gazteen artean indarkeria matxista prebenitzea, "neskak ahalduntzea lagunduz eta mutilei berdintasunaren beharraren gainean hausnartzen lagunduz, denen parte-hartzearekin gizarte berdinzaleago baten alde egiteko".
Berdintasun Ministerioak orkatilako telematikoak kudeatzeko kontratu berri bat lizitatuko du "hilabete gutxi barru"
"Hobekuntza teknikoak" egongo dira, hala nola plataforma bat gailu horien datuen jarraipen etengabea egin ahal izateko. Dena dela, Berdintasun ministroak esan duenez, "orkatilakoek funtzionatzen dute, ondo funtzionatu ere".
Gizon bat atxilotu dute Hernanin, urtebetean laugarrenez, pertsonen trafikoan ibiltzea egotzita
25 urteko atxilotuak bost lagun zeramatzan gidatzen zuen furgonetan, modu irregularrean. Gainera, atxilotuak ez zuen gidabaimenik.
Gizon batatxilotu dute Gasteizen, denda bateko langileari genitalak ukitzea leporatuta
Antza denez, susmagarria langilearengana hurbildu zen, produktuak apaletan jartzen ari zenean, eta genitalak ukitu zizkion.
Aburtok bizilagunen laguntza eskatu du Bilboko hilketaren egileak atxilotzeko
Igandean Solokoetxe auzoan 21 urteko gizon bat labankadaz hil zutela eta, atzoko eguna "oso gogorra" izan zela onartu du Bilboko alkateak. Halaber, hilketaren egileak aurkitzeko Ertzaintzarekin kolaboratzeko dei egin die bizilagunei.
Ertzaintzak identifikatu ditu jada Bilbon 21 urteko gizon bat hil zuten hiru lagunak
Identifikatu ostean, bilatzeko lanean ari dira. Erasoa igande goizean gertatu zen, Bilboko Solokoetxe auzoan. Biktimak arma zuriz egindako zauria zuen bularrean, eta Gurutzetako Ospitalean hil zen.
Ibai batek eraman zuen adingabe baten gorpua aurkitu dute Bartzelonan, eta aitaren bila ari dira
Desagertuen ibilgailua sakan baten hondoan aurkitu dute, oso egoera txarrean; euri-jasa bortitzen ondorioz, ur-emaria handitu egin da, bi metro eta erdira arte.