Hildako bat eta bi zauritu larri, Zornotzan N-634an izandako istripuan
Astelehen goizean N-634an, Zornotza parean, izandako istripuan zauritu diren lau lagunetako bat hil da azken ordu hauetan, Osakidetzaren iturriek ETBri baieztatu diotenez. Halaber, bi lagun larri zauritu dira, eta beste bat ez hain larri. Ezbeharraren ondorioz, auto-ilara luzeak sortu dira, N-634an eta Zornotzako hirigunean.
Hain zuzen ere, hiru autoren eta furgoneta baten arteko istripu larria izan da N-634ko 92. kilometroan. Eusko Jaurlaritzaren Segurtasun Sailak eitb.eus-i baieztatu dionez, ezbeharraren ondorioz hiru lagun harrapatuta gelditu dira ibilgailuetan, eta suhiltzaileek atera behar izan dituzte. Ospitalera eraman dituzte hirurak, baita beste zauritu bat ere.
Eusko Jaurlaritzaren Segurtasun Sailaren arabera, ezbeharra 06:30an jazo da, aipatutako errepidean, Gernikarako irteera baino pixka bat lehenago, Donostiarako norabidean.
Istripuaren eraginez, errepidea bi norabideetan izan da itxita. 10:00ak aldera, errepidea ireki dute, bai Donostiarako norabidean, baita Bilboko norabidean ere. Gainera, ezbeharraren ondorioz, 09:00ak aldera, Autzaganeko Urbinbide tunela ixtea erabaki du Segurtasun Sailak, BI-635 errepideko 26. kilometroan; 10:00ak jota ireki dute.
Istripuan, hiru auto eta furgoneta bat nahasi dira. @BomberosBizkaia-k Twitterren zabaldutako argazki batean ikus daiteke furgoneta nola geratu den:
Zure interesekoa izan daiteke
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.
Espainiako Estatuko herritarren % 79k uste dute "posible" dela etorkizunean gerra batean arma nuklearrak erabiltzea
CISen inkesta baten arabera, herritarrak gehien kezkatzen dituen beste beldur batzuk dira gertuko senide bat galtzea, osasuna galtzea, itsu geratzea eta minbizia hartzea.