Orkoienek emakume batek jasandako talde bortxaketa gaitzetsi du
Orkoiengo (Nafarroa) auzokide batek salatutako sexu-erasoa gaitzetsi dute astelehen honetan, urtarrilak 6. Kasua ikertzen ari den epaileak ustezko egileetako hiru espetxeratu eta beste bi aske utzi ditu kautelazko neurriekin.
Orkoiengo Mugimendu Feministak antolatu du elkarretaratzea, eta bertan izan dira ordezkari politiko eta instituzionalak, herriko bizilagunak eta biktimaren senideak. Herriko plazan egin dute, "Ez, beti da ez. Si no es sí, es no. No estás sola" lelopean.
Gainera, zenbait lelo oihukatu dituzte euskaraz zein gaztelaniaz, hala nola, "erantzunik gabeko erasorik ez", eta bozeramaileak ohar bat irakurri du biktimari elkartasuna adierazteko eta erasoa arbuiatzeko.
Gertakariak azaroan izan ziren, eta biktimak, Orkoiengo adineko emakume batek, salaketa jarri zuen Foruzaingoan, Udaleko langileei gertatutakoaren berri eman ondoren.
Atxilotuak emakumearekin harremanetan jarri ziren sare sozial baten bidez, eta ondoren emakumearekin elkartu ziren, Iruñeko Instrukzioko 1 zenbakiko Epaitegiko titularrak jakitera eman duenez.
Ikerketaren ondorioz, adin nagusiko zazpi gizon atxilotu zituzten, Nafarroako Erriberako herri batean, eta horietako hirurentzat espetxealdia ezarri du epaileak; beste biak, berriz, aske daude, kautelazko neurriekin.
Elkarretaratzean 300 lagun inguru bildu dira, eta Idoia Ilundain, Orkoiengo Mugimendu Feministako bozeramaileak, deitoratu egin du "gizon talde batek emakume bat beldurtzeko, umiliatzeko eta erasotzeko bere botere posizioa erabiltzea", eta elkartasuna adierazi dio.
Jakinarazpenean adierazi duenez, Orkoienen "ez dugu inolako indarkeriarik onartzen", eta aldarrikatu du "kalea, eguna eta gaua pertsona guztien gozamenerako direla, eta emakumeok beldurrik gabe okupatzeko eskubidea dugula".
Javier Remirez, Nafarroako Gobernuko presidenteorde eta Presidentetza, Berdintasun, Funtzio Publiko eta Barne kontseilariak, ekimena babestu egin du, eta bat egin du "biktimari eta familiari elkartasuna" adieraztearekin, "horrelako ekintzekiko erabateko gaitzespena" adieraziz.
Gainera, "erasoekiko zero tolerantzia" erakusteko deia egin du, eta "jokabide hauekiko zigorgabetasunik ez" dagoela ziurtatu du, "zuekin gaude eta", azpimarratu du, "eraso eta adierazpen matxistak" saihesteko lan egingo duela hitzemanez.
Ekitaldian Carlos Arroniz Orkoiengo alkatea izan da, eta "erakunde guztiak" elkarrekin lan egitearen alde agertu da, "horrelako ekintzak berriro errepika ez daitezen eta erasotzaileak gure kaleetan aske ibil ez daitezen" eskatu du.
Era berean, elkartasuna adierazi dio biktimari, "gure auzokideari, eta horrelako ekintza zigorgarriak eta nazkagarriak jasaten dituzten emakume guztiei".
__________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta / edo deitu doako telefono hauetako batera: 900 840 111 (Euskadin) edo 016 (Estatu osoan). Lehenak arrastoa uzten du fakturan eta telefonoan; bigarrenak, telefonoan. Beraz, ez ahaztu ezabatzea.
Zure interesekoa izan daiteke
Adi Bilbo inguruko errepideetan, seik izena aldatu dute eta, A-8a barne
Gidariek eta nabigatzaileek izen berriekin ohitu beharko dute orain. Garai bateko Hegoaldeko saihesbideak BI-10 izena hartuko du, eta Txorierriko igarobidea BI-30 izango da aurrerantzean.
Osakidetzak asteon bukatuko du iraungitako dosia jaso zutenen birtxertaketa
Hexabalentearen kasuan, gaizki txertatutako 30 lagunetatik gehienek jaso dute dosia, eta bestela, gaur-biharretan izango dute. Tetrabalente eta hirukoitz birikoari dagokionez, asteon amaituko dutelakoan dago Osakidetza.
Tolosako inauterietan bigantxak izango dira azkenean
Gipuzkoako Aldundiak behin-behinean baimendu ditu inauterietan bigantxekin egiten diren ekitaldiak eta sokamuturra. Abenduan, Frantzian dermatosi nodular kasuek gora egin zutelako erabaki zuten Jaurlaritzak eta Nafarroako Gobernuak abelburuen joan-etorriak mugatzea eta behi erakusketak, idi probak eta sokamuturra debekatu zituen, agindu bidez.
Iaz 80 pertsonak jaso zuten eutanasia EAEn, aurreko urtean baino % 62k gehiagok
Eutanasia eskaerak 120 izan ziren, eta aurreko urtean, 74.
EAEko ikastetxeetan aurrematrikula egiteko gida
Gaurtik otsailaren 13ra arte egin ahal izango da aurrematrikula online zein aurrez aurre, eta hemen jaso dugu jakin beharreko informazio guztia.
EH Bilduk iraungitako txertoen inguruan egindako ohartarazpena "sobera" zegoen, Osasun Sailaren ustez
Lore Bilbao Osakidetzaren zuzendari nagusiak ETB1eko "Egun On" saioan azaldu duenez, familiei "mezu argi bat" helarazi nahi zieten, eta, horretarako, txostenak eskatu zituzten. Horien zain zeudenean egin zuen EH Bilduk eman zuen auziaren berri. "10 egun lehenagotik baldin bazekiten, zergatik ez zuten ezer egin? Kasu honetan guk bagenekien, baina zer gertatuko litzateke jakin izan ez bagenu?", galdetu du.
Jaiotza kopurua % 0,1 jaitsi da berriro Euskadin, bi hiruhilekotan gora egin ondoren
Lurraldeka, urtebetean % 3,2ko hazkundea izan zen Araban, 547 jaiotzarekin; Bizkaian % 4,7 jaitsi ziren, 1.616 jaiotzarekin; eta Gipuzkoan % 5,5 igo ziren, 1.129 jaiotzarekin.
Bikotekidea hiltzea egotzita atxilotutako emakumea espetxera bidaltzeko agindu du epaileak
55 urteko emakumeak Basurtuko Ospitalean jarraitzen du eta sendagiria jasotzen duenean eramango dute espetxera.
Santurtzi eta Barakaldo arteko aldirietako tren-zerbitzua eten dute, matxura baten ondorioz
Santurtzitik Barakaldorako joan-etorrian dabiltzan tren guztiek Desertu-Barakaldo geltokitik hasi eta amaituko dute ibilbidea, eta erabiltzaileek autobus zerbitzua izango dute helmugara iristeko.
Ostalaritza Eskola izango da Gipuzkoan, 2027tik aurrera
Euskadiko laugarren ostalaritza-eskola izango litzateke, Leioa, Galdakao eta Gamarrako eskolekin batera. Hezkuntza Saila Donostiako Udalarekin lanean ari non kokatu ebazteko.