Hiru gizon espetxeratu dituzte, Orkoiengo emakume bati sexu-erasoa egitea egotzita
Iruñeko instrukzio-epaitegi batek hiru gizon espetxera bidali ditu, Iruñerrian emakume bati sexu-erasoa egitea leporatuta. Epaileak beste bi gizon aske utzi ditu kautelazko neurriekin. Harremanetarako sare sozial baten bidez biktimarekin hitzorduak itxi zituzten.
Sexu askatasunaren aurkako delitu bat egotzi diete, iturri juridikoek jakitera eman dutenez. Akusatuek epailearen aurrean deklaratu dute larunbat honetan.
Aske geratu diren biak epaitegian bi egun agertu beharko dira, pasaportea kendu diete eta horietako bati Orkoienera joateko eta biktimarengana hurbiltzeko debekua ezarri diote.
Guztira, Foruzaingoak jakinarazi duenez, zazpi pertsona atxilotu zituzten urtarrilaren 1ean, sexu-erasoa leporatuta, emakumeak salaketa jarri ondoren abiatutako operazioan.
Gertakariak iragan azaroan jazo ziren. Orkoiengo emakume heldu batek salaketa jarri zuen Foruzaingoaren aurrean, hasiera batean gertakarien berri Udaleko langileei eman ondoren.
Aurrena biktima eta haren senideak artatu zituzten, hasierako kolpe emozionalari aurre egiten laguntzeko.
Ondoren egileak identifikatzeko eta aurkitzeko lanari heldu zioten foruzainek. Lan "luzea eta neketsua" izan dela azpimarratu dute.
Harremanetarako sare soziala
Atxilotuak sare sozial baten bidez jarri ziren harremanetan emakumearekin, eta Iruñean eta Orkoienen hitzordua jarri zuten. Bertan sexu askatasunaren aurkako lehen delituak egin zituzten.
Ikerketari esker zazpi gizon atxilotu zituzten Nafarroako Erriberan, guztiak helduak. Iruñeko polizia-etxe nagusira eraman zituzten ikerbidea bukatzeko, epailearen esku utzi baino lehen.
Ikerketa Iruñeko 1 Instrukzio-epaitegiak zuzendu du.
Zure interesekoa izan daiteke
Mila pertsona inguru etxetik atera dituzte Baionako erdigunean gas-isuri baten ondorioz
Baionako hiriguneko mila bizilagun etxetik irtenarazi dituzte bart, gas-ihes bat dela eta; ondorioz, segurtasun dispositibo handia aktibatu behar izan dute. Suhiltzaileek 100 metroko perimetroa itxi dute, eta goizaldeko ordu bata arte ezin izan dute etxera itzuli.
Espainiak eskatutakoari entzungor, Schengen berrezartzeari ezetz esan dio Italiak
Ceutan piztutako krisiaren harira, Schengen akordioa eten eta mugetan kontrolak egiteari ekin zion abuztuaren 1ean Meloniren gobernuak. Espainiak igandera arteko epea eman dio Erromari neurria bertan behera uzteko, baina horrek lehengo lepotik burua: "Abuztuaren 15etik aurrera aztertuko dugu gaia".
Eguzki eklipseak tren gehiago eta mugikortasun zerbitzu indartua ekarriko ditu abuztuaren 12an
Abuztuaren 12an izango da ikusgai, iluntzean. Milaka pertsona erakartzea espero den fenomeno horren aurrean, administrazioek segurtasun dispositibo zabala prestatu dute, mugikortasun segurua eta antolatua bermatzeko helburuarekin.
'Atyla' itsasontzi historikoan sartuko gara, 'Game of Thrones'en unibertsoko targaryendarren ontzian
Ontzia 1980a eta 1984a bitartean egin zuten Lekeition (Bizkaia), artisau moduan, pinu, haritz eta iroko egurra erabiliz. Itsasontzia Donostiako portuko kaian bisitatu ahalko da asteburu honetan, 11:00etatik 14:00etara eta 17:00etatik 21:00etara.
EITBk zuzenean eskainiko du abuztuko eguzki eklipse historikoa, hainbat seinale eta bi globo estratosferiko baliatuz
Saio berezia 19:30etik aurrera izango da ikusgai ETBn, ETB ONen eta ORAINen. Horrez gain, EITBk Eklipse Gaua antolatu du Donostiako Saguesen: eklipsea zuzenean ikusteko pantailak, musika eta behaketa modu seguruan egiteko betaurrekoak izango dira bertan.
Luciaren amesgaiztoa Bilbon: pisu "perfektua" alokatu, eta hiru egunen buruan, maula baten biktima dela konturatu
Bi seme-alaba dituen venezuelar batek 2.000 euro ordaindu ditu Deustun alokairuko etxebizitza batengatik, baina etxea apartamentu turistiko bat da berez. Iruzurgileak gutxienez 10 pertsonari alokatu die, tartean Luciari berari. Biktima horrekin mintzatu da EITB.
Zeledon Txikik eta Edurnek giro aparta sortu dute Andre Maria Zuriaren plazan, Txikien Egunean
Ekain Gonzalez eta Haizea Lauzurica izan dira Zeledon Txikiren eta Edurneren jaitsieraren protagonistak, Gasteizko jaietako haurrek gehien espero duten ekitaldietako batean.
Kerman Villateren familiak gezurtatu egin du Gasteizko Udalak barne ikerketa egin izana
Gasteizko Mitika diskotekako atezain baten kolpe baten ondorioz hildako gaztearen familiak Maider Etxebarria alkatearen adierazpenei erantzun die, eta esan du Udalak ez duela inoiz ikerketa bat egin gertatutakoa argitzeko. Gainera, eskatutako dokumentazioa emateko eta justiziarekin elkarlanean aritzeko eskatu diote Udalari.
Ander Zubillagak omenaldia egin die Biescasko biktimei tragediaren 30. urteurrenean
Uholde batek Biescasko Las Nieves kanpina suntsitu zuen 1996ko abuztuaren 7an, Arasko sakanean bat-bateko ur-goraldi bat izan ondoren. 87 pertsona hil eta 187 zauritu ziren. Ander Zubillaga gitarrista tolosarrak 6 urte eskasekin bizi izan zuen tragedia hura.
Juan Sebastian Elkanoren lehorreratzea antzeztuko dute Getarian ostiral honetan
EITBk zuzenean emango du Orain.eus atarian, ETB1en eta ETB ONen, 16:45etik aurrera, lau urtean behin egiten den ekitaldi honen berri.