Iruñeko bi haur eskolatan euskarazko eskaintza murriztuko du Mayak
Iruñeko Udalak Donibane, Printzearen Harresi eta Goiz Eder haur eskoletako plazen eskaintza berregituratuko du pixkanaka datozen hiru urteetan 2016an egindako aldaketak baliogabetzen dituzten epaiak betetzeko.
Hori dela eta, Donibanek eta Printzearen Harresik gaztelania berrartuko dute eredu linguistiko bezala eta Goiz Ederrek ingelesezko ekintzak dituzten gaztelaniako plazak gehituko dizkio oraingo euskara ereduari.
Iruñeko Enrique Maya alkateak helburua haur eskolen egoera "normalizatzea" dela adierazi du herriko aurreko gobernuak "gauetik goizera" egindako hezkuntza ereduaren aldaketaren ondoren, "kalte nabarmena" eraginez familiei.
Fernando Sesma Hezkuntza zinegotziaren arabera, aldaketak 2020-2021 ikasturtean hasiko dira eta 2022-2023 ikasturtean bukatuko dira.
"Txikien" eta "nagusien" taldeetan oraingo euskara eredua mantenduko da haurren heziketa bukatu arte, aukeratutako ereduko heziketa ez eteteko. Hortaz, haurrek ez dute aukeratutako eredu linguistikoa utzi beharko.
2022-2023 ikasturterakoDonibanek eta Printzearen Harresik 2016ko aldaketak baino lehen zuten eredua ezarriko dute eta Goiz Goiz Ederrek ere epaiko erabakiak eragindako aldaketak ezarriko ditu.
EH Bilduk eta Geroa Baik haur eskoletako berregituraketa gelditzeko eskatu dute
EH Bilduk eta Geroa Baik aurreikusitako haur eskolen berregituraketa gelditzeko eskatu diote Iruñeko Udalari eta lehenik Nafarroako hiriburuko eredu linguistikoen benetako eskaria aztertzeko.
Horri dagokionez, Navarra Sumak 2015 baino lehenagoko egoerara itzuli nahi izatea salatu du EH Bilduk, euskara eredudun eskolak bira mugatuz eta "hiriko iparraldean bilduz berriz".
Hori dela eta, EH Bilduk berregituraketa gelditzeko eskatu du Udalak kudeatutako azterketak egin arte.
Bestalde, Geroa Baik ere berregituraketa baztertu du eta erabakia "aldebakarrekoa" izan dela eta "eskaintza ikertu gabe" hartu dela salatu du.
Geroa Baik "kalitatezko haur eskola publikoaren" aldeko apustua egin du eta hezkuntza komunitatea kontuan izatera deitu du Maya alkatea.
PSNk haur eskolen epaia betearazteko erabakia partekatzen du
Iruñeko PSNk epaia betearazteko Udalaren erabakia partekatzen duela adierazi du, kaltetutako familien eskaera estimatuz.
Talde sozialistak Haur Eskolen Erakundean "azalpenak" emateko eskatu dio Navarra Sumari eta "familiek eskatutako 0-3 bitarteko haurrentzako eskaintza ezartzeko beharrezkoak diren neurriak hartzera" deitu du, "beharrezkoak diren ikerketekin eta haur eta lehen hezkuntzako benetako datuekin bat eginez".
Era berean, "etorkizuneko aldaketak aurretiazko ikerketekin egin behar dira, mailaka, haurren hezkuntza gelditu gabe, hezkuntza komunitatearen parte hartzearekin eta informazio eta zorroztasun pedagogiko gehiagorekin", errepikatu dute sozialistek.
Hori dela eta, "nork gobernatzen duen kontuan izan gabe, aldaketetarako adostasuna eta betirako bokazioa" eskatu dute.
Zure interesekoa izan daiteke
Zaldi-probek beteko dute idi-proben lekua Abadiñoko San Blas egunean
Erroskilla eta eztarria babesteko lokarriekin batera, idi-probek leku berezia izan ohi dute San Blasetan, baina, aurtengoan, egitarauan moldaketak egin behar izan ditu Udalak, dermatosiaren ondorioz.
Dermatosi Nodular Kutsakorraren aurkako neurriak eguneratu ditu Jaurlaritzak
Behi-aziendak egotea debekatuta egongo da azoka eta erakustaldietan, baina aldundiek salbuespenez baimendu ahal izango dute ustiategi bereko behiak egotea, zenbait baldintza beteta. Neurri horrek, ate joka diren inauterietako bigantxen ikuskizunak eta sokamuturrak egitea ahabildetuko dezake.
Onddoekin egindako ontziak errealitate izan daitezke etorkizunean
Gueñesko Basque Biodesing Centerren urteak daramatzate mizelioa ikertzen. Onddoetatik datorren materiala da, urarekiko erresistentea eta biodegradagarria, eta etorkizunean plastikoa edo kartoiak ordeztu ditzake ontziak egiteko.
Iraungitako dosiarekin txertatutako haurtxo baten amak salatu du "segurtasunik eza" ematen diola egoera horrek
Iraungitako Hexabalente txertoaren dosi bat jaso zuen haurtxo baten amak deitoratu du egoera horrek "segurtasunik eza" eragiten diola, beti pentsatu izan baitu Osakidetzak dena ondo egiten duela. Barkamena eskatu diotela eta adingabeari txertoa berriro jartzeko hitzordua eman diotela ziurtatu du.
Adi Bilbo inguruko errepideetan, seik izena aldatu dute eta, A-8a barne
Gidariek eta nabigatzaileek izen berriekin ohitu beharko dute orain. Garai bateko Hegoaldeko saihesbideak BI-10 izena hartuko du, eta Txorierriko igarobidea BI-30 izango da aurrerantzean.
Osakidetzak asteon bukatuko du iraungitako dosia jaso zutenen birtxertaketa
Hexabalentearen kasuan, gaizki txertatutako 30 lagunetatik gehienek jaso dute dosia, eta bestela, gaur-biharretan izango dute. Tetrabalente eta hirukoitz birikoari dagokionez, asteon amaituko dutelakoan dago Osakidetza.
Tolosako inauterietan bigantxak izango dira azkenean
Gipuzkoako Aldundiak behin-behinean baimendu ditu inauterietan bigantxekin egiten diren ekitaldiak eta sokamuturra. Abenduan, Frantzian dermatosi nodular kasuek gora egin zutelako erabaki zuten Jaurlaritzak eta Nafarroako Gobernuak abelburuen joan-etorriak mugatzea eta behi erakusketak, idi probak eta sokamuturra debekatu zituen, agindu bidez.
Iaz 80 pertsonak jaso zuten eutanasia EAEn, aurreko urtean baino % 62k gehiagok
Eutanasia eskaerak 120 izan ziren, eta aurreko urtean, 74.
EAEko ikastetxeetan aurrematrikula egiteko gida
Gaurtik otsailaren 13ra arte egin ahal izango da aurrematrikula online zein aurrez aurre, eta hemen jaso dugu jakin beharreko informazio guztia.
EH Bilduk iraungitako txertoen inguruan egindako ohartarazpena "sobera" zegoen, Osasun Sailaren ustez
Lore Bilbao Osakidetzaren zuzendari nagusiak ETB1eko "Egun On" saioan azaldu duenez, familiei "mezu argi bat" helarazi nahi zieten, eta, horretarako, txostenak eskatu zituzten. Horien zain zeudenean egin zuen EH Bilduk eman zuen auziaren berri. "10 egun lehenagotik baldin bazekiten, zergatik ez zuten ezer egin? Kasu honetan guk bagenekien, baina zer gertatuko litzateke jakin izan ez bagenu?", galdetu du.