37 urteko gizonezko baten gorpua topatu dute Jundizko biokonpostaje plantan
Jundizko biokonpostaje plantako (Gasteiz) langileek 37 urteko gizonezko baten gorpua topatu dute gaur, Eusko Jaurlaritzako Segurtasun Sailak eitb.eus-i baieztatu dionez. Hilotzak ez du kriminalitate zantzurik, antza.
08:00ak aldera aurkitu dute, eta planta behin-behinean itxi dute, horren arabera. Ertzaintzaren Polizia Judizialeko agenteek euren gain hartu dute gertakaria ikertzeko ardura.
Ertzaintzaren agenteon hitzetan, gorpuak hainbat ubeldura ditu, baina edukiontzitik zabor bilketako kamioira pasatzean eta plantara eramateko bidean egindakoak izan daitezkeela uste dute.
Ez dakite zelan heldu den gorpua edukiontzira, ezta nola hil den gizona —baliteke edukiontzi barruan zegoela berez hil izana, edo jasotako kolpeen ondorioz—. Edozelan ere, autopsiak argituko du.
Oraingoz ez dago argi gorpua egunero planta horretara heltzen diren edukiontzietako baten barruan ote zegoen.
Lorezaintza eta inausketa lanen hondakin organikoak eta errefuseko zabor poltsak jaso eta tratatzen dituzte bertan.
Kamioiek bart egin duten ibilbidea aztertuko dute
Gasteizko Klimaren aldeko Ekintzaren Batzordea bilduta zegoen gaur goizean, eta bertan eman die albistea udaleko taldeei Ana Oregi Lurralde eta Klimaren aldeko Ekintzaren Saileko zinegotziak. Batzordearen bilera bertan behera utzi dute, eta Oregi plantara joan da, ikerketaren nondik norakoak bertatik bertara jarraitzeko.
Oregik azaldu duenez, planta horretara zaborra eramaten duten kamioien "trazabilitatea" jakitea badago, eta hala, egun bakoitzean zein kamioi eta non ibili diren zehaztu daiteke, baina hondakinak behin plantan daudela, ezin da jakin non bildu dituzten. Dena dela, kamioiek bart egin duten ibilbidea aztertuko dutela iragarri du zinegotziak, hilotza non jaso duten jakin ahal izateko.
Oregiren esanetan, gorpua topatu duten langileak lur-jota daude.
Ikerketak zehaztuko du gizona edukiontziaren barruan lo geratu eta berez zendu den, edota ibilbidean zehar hartutako kolpeen ondorioz hil den.
Zure interesekoa izan daiteke
Gernikako lokutorio bateko langilea atxilotu dute, bezeroen eta lagunen 82.000 euro bereganatzea leporatuta
Ikerketako iturrien arabera, diru-bidalketak justifikatzeko erreziboak egiten bazizkien ere lokutorioko bezeroei, azken bi hilabeteetan ez zituen bidalketak gauzatu. Era berean, lagunei maileguak eskatu eta desagertu egin zen.
Osakidetzak kaltetu ugariko larrialdietarako duen protokoloa ezagutu dugu
Koordinazio zentrotik deia jaso bezain pronto jartzen dira martxan. Azkar eta koordinatuta aritu beharra dago, eta halako gertakarien aurrean prest egoteko, hainbat simulakro egiten dituzte urtean zehar.
Alacanteko eta Bartzelonako hantabirus kasu susmagarriek negatibo eman dute berriro
Horrela, hurrengo PCR proban emaitza errepikatzen bada, berrogeialdia etxean egiten jarraitu ahal izango dute.
Alacanten topatutako hiru gorpuak indarkeria matxista kasu gisa ikertzen ari dira
Doloresko Udalak hiru dolu egun ezarri ditu udalerrian jazotako "gertaera lazgarriagatik", eta jaietarako programatutako jarduera guztiak bertan behera uztea erabaki du.
Autobus batek emakume bat harrapatu du Iruñean
Zauritutako emakumea Nafarroako Unibertsitate Ospitalera eraman dute anbulantzian, hainbat kolpe baitzituen.
Emakume batek salatu du eraso egin ziotela Gasteizen nikaba erabiltzeagatik
Beste emakume bat jantzia kentzen saiatu zela eta aurpegian jo zuela salatu du.
Norovirusak kutsatutako 21 lagun daramatzan Ambition gurutzaontziak Galizia utzi eta Gijonerako bidea hartu du
Norobirus batek eragindako gastroenteritis-agerraldi izan duen Ambition itsasontzian zihoazen 1.600 bidaiarik barkutik ateratzeko baimena izan dute eta Galizian, A Coruñan, eman dute eguna. 21 pertsonak isolatuta jarraitzen dute, osasun protokoloak betez. 20:00etan Galizia utzi eta Gijonerako bidea hartu dute. Astelehenean, Bilboko Portuan egingo du eskala ontziak.
Palestinarrek euren herrialdean bizitzeko duten eskubidea defendatu du manifestazio batek Iruñean, 'Nakba' ren 78. urteurrenean
Yala Nafarroa plataformak deitu, ehunka lagun bildu dira Israelekin "harremanak etetea" eskatzeko berriro ere. Izan ere, antolatzaileek uste dute hori dela Gazako Zerrendan gertatzen ari den genozidioa gelditzeko neurri bakarra.
12 adingabe eraman dituzte Loiuko aireportutik ospitalera, gastroenteritis zantzuekin
Ikas bidaiaren ondoren Lanzarotera zihoan hegaldi batean sartzeko zain zeudela, okadak eta zorabio-sentsazioa izaten hasi dira. 11 eta 12 urte bitarteko haurrak ospitalean aztertu, eta alta eman diete guztiei.
14 eta 17 urteko bi adingabe atxilotu dituzte Irunen taxi gidari bati eraso egiteagatik
Adin txikikoak izan arren aurrekariak zituzten biek. Fiskaltzak horietako bat aske uztea eta gazteena zentro batean sartzea ebatzi du.