Gizon bat atxilotu dute Soraluzen ama hiltzea egotzita
Ertzaintzak 33 urteko gizon bat atxilotu du gaur goizaldean Soraluzen, hilketa-delitu bat egotzita; izan ere, haren ama (74 urte) hilda aurkitu dute etxean, aurpegian hematoma handi bat zuela. Ertzaintza emakumearen heriotzaren nondik norakoak ikertzen ari da.
Goizaldeko 03:00ak jotzeko minutu batzuk falta zirenean, Deba Urolako ertzain-etxeko agenteak udalerriko kale batera joan dira, gertakari baten berri izan ostean.
Patruilak iritsi direnean, agenteek gizon bat aurkitu dute kalean, eta hark esan die pertsona bat hil dela bere etxean, eta etxeko atea irekita utzi duela. Hala, ertzainak etxebizitzara sartu dira eta bizi-konstanterik ez zuen emakume bat aurkitu dute gela batean.
Jarraian, osasun langileak eta auzitegiko medikua bertaratu dira, baita Ertzaintzaren segizio judiziala, ikerketa alorreko agenteak eta Polizia Zientifikoa ere. Agenteek minutu batzuk geroago atxilotu dute hildako emakumearen semea, etxetik gertu, haren heriotzarekin zerikusia duelakoan.
Konfinamenduak larriagotu egiten du indarkeria matxistaren biktimen egoera
Oneka emakume pentsiodunen plataformak hilketa gaitzetsi du, eta ohartarazi du koronabirusaren konfinamenduak eraso egiten dieten gizonekin bizi diren "emakume askoren" egoera larriagotzen du.
Onekak adierazi duenez, etxe barruan egoteko betebeharrak "gizonak baino gehiago zigortzen ditu emakumeak", izan ere, "askok erasotzailearen ondoan pasatu behar dute koarentena". "Adineko emakumea izatea arrisku handiko faktorea da genero indarkeria jasateko, indarkeria hori ikusezinagoa eta, segur aski, denboran eutsiagoa delako".
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetako batera: 900 840 111 (Euskadin) edo 016 (Estatu osoan). Ez dute fakturan arrastorik uzten, baina bai telefonoan. Beraz, ez ahaztu ezabatzea.
Albiste gehiago gizartea
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Suhiltzaileek lanean jarraitzen dute Gasteizko LEA lantegian, sutea kontrolpean baina itzali gabe baitute
Suhiltzaileek lantegira ura botatzen jarraitzen dute, su txiki gehiago izan ez dadin.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Orduak edo egunak beharko dira oraindik sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.