9 atxiloketa eta 430 salaketa berri EAEn konfinamendua hausteagatik
Ertzaintzak eta Udaltzaingoak 430 salaketa jarri zituzten ostegunean koronabirusagatik ezarritako neurriak ez betetzeagatik, eta bederatzi pertsona atxilotu zituzten arrazoi beragatik, Eusko Jaurlaritzako Segurtasun Sailak jakitera eman duenez.
Zehazki, Ertzaintzak 158 pertsona zigortu zituen atzo Euskal Autonomia Erkidegoan Herritarren Segurtasunerako Legea hausteagatik, egungo alarma egoera dela eta ezarritako neurriak ez betetzeagatik; udaltzainek, berriz, 272 salatu zituzten.
Ertzaintzak 1.301 pertsona identifikatu eta 1.832 ibilgailu atzeman zituen. Kontrol horietan, 158 salaketa jarri ziren egungo mugikortasun murrizketak ez betetzeagatik, eta sei atxiloketa egin ziren.
Bestalde, EAEko udalerrietako udaltzainek 1.109 pertsona identifikatu zituzten eta 2.136 ibilgailu atzeman zituzten. Guztira, 272 salaketa jarri zituzten egunean zehar. Hiru pertsona ere atxilotu zituzten.
Lurraldeka, Bizkaian 881 pertsona identifikatu, 1.483 ibilgailu atzeman, 52 salaketa jarri eta bost pertsona atxilotu zituen Ertzaintzak. Araban, 115 pertsona identifikatu zituen, 99 ibilgailu atzeman zituen eta 19 salaketa jarri zituen. Gipuzkoan, 305 pertsona identifikatu zituzten, atxilotu bat egon zen, 250 ibilgailu atzeman zituzten eta 87 salaketa jarri zituzten.
Udaltzainen jardunari dagokionez, Bizkaian 309 pertsona identifikatu zituzten, hiru atxilotu, 1.089 ibilgailu atzeman eta 155 salaketa aurkeztu zituzten. Araban 415 pertsona identifikatu zituzten, 453 ibilgailu atzeman eta 45 salaketa jarri zituzten, atxiloturik gabe. Gipuzkoan, 385 identifikazio egin zituzten, 594 ibilgailu atzeman zituzten eta 72 salaketa aurkeztu zituzten, inolako atxiloketarik gabe.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.