Save the Childrenek alokairu eta hipotekak ordaintzeko laguntza zuzenak eskatu ditu
Espainiako Gobernuak alokairuaren, etxegabetzeen, oinarrizko horniduren bermearen, aldi baterako langileen eta etxeko langileen dirulaguntzen eta enpresa txiki eta ertainen zein autonomoen Gizarte Segurantzako kuoten arloetan hartutako neurri sozioekonomikoen aurrean, Save the Childrenek Exekutiboari eskatu dio alokairua eta hipoteka ordaintzeko laguntza zuzenak lehenesteko, familia babesgabeen kasuan.
Gobernuz kanpoko erakundearen (GKE) hitzetan, baliabide gutxien dituztenek alokairua eta hipoteka ordaintzeko luzamenduak familia babesgabeek zorra metatzea eragingo du, covid-19ak eragindako krisi sanitario eta sozialean zehar eta horren ondoren.
Save the Childrenek ontzat eman ditu alokairua ordaindu ezin duten familientzako 900 eurora arteko mikromaileguak (komisiorik gabe eta % 0ko interes tasarekin sei urtean itzultzeko), tregoa bat ematen dietelako etxe horiei, baina azpimarratu du zorra krisia bukatutakoan ere egongo dela. Hipoteken ordainketa atzeratzen den kasuetan, GKEak dei egin du beren kargupean adingabeak dituzten familia babesgabeei laguntza bereziak emateko, errentaren gaineko zergan kenkari bereziak eginez.
Umeen eskubideen aldeko elkarteak gogora ekarri duenez, atzo Eusko Jaurlaritzak alokairua eta etxeko gastuak ordaintzeaz salbuetsi zituen, behin-behinean eta ez ohiko eran, alokairu babestuko etxebizitza publikoan bizita koronabirusaren ondorioz langabezian gelditu edo diru-sarreran gutxienez % 40ko jaitsiera izan dutenak. Familia horiek ez dute apirileko, maiatzeko eta ekaineko alokairua ordaindu beharko eta, ordainketa atzeratu edo mailegua jaso duten familiek ez bezala, ez dute zorrik metatuko koronabirusak eragindako krisi ekonomiko eta sozialean zehar.
Funtsezko hornidurei dagokienez, elkarteak ontzat jo du bonu soziala luzatzea eta ur, elektrizitate eta gas hornidurak etetea debekatu izana, baina gaineratu du bere ustez funtsezkoa dela larrialdiak dirauen bitartean familia babesgabeei hornidura horiek osorik edo zati batean ordaintzea, horrek ere zorra metatzea ekidingo bailuke.
Azkenik, Save the Childrenek azpimarra jarri du diru-sarrerak arautu gabeko ekonomiaren bitartez lortzen dituzten familiengan (Gizarte Segurantzan izena emanda ez dauden etxeko langile eta garbitzaileak, txatar-biltzaileak, azoketan ari direnak…), ekonomia ezkutuarekiko loturak dirulaguntzak jasotzeko aukerarik gabe edo aukera gutxirekin uzten baititu.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.