Osakidetzatik kanpo COVID-19 probak egin ahal izateko baldintzak finkatu dituzte
Osasun Sailak Euskadiko osasun-zentro publiko zein pribatuek eta osasun-arlokoak ez diren baina ahalmen diagnostikoa duten zentroek COVID-19a detektatzeko probak egiteko baldintzak ezarri ditu.
Euskal Herriko Agintaritzaren Aldizkariak Nekane Murga Osasun sailburuaren agindua argitaratu du asteazken honetan, Osakidetzako laborategietatik kanpo egiten diren probak nola egin eta nola jakinarazi behar diren arautzen duena.
Osasun-zentro pribatuetan, baliabideak "osatzeko" Eusko Jaurlaritzaren esku egongo direnak, probak "jardunean dagoen mediku batek" egin beharko ditu, eta "une bakoitzean indarrean dauden jarduera-prozeduretara" egokitu beharko da.
Gainera, zentroek egiaztatu egin beharko dute beren asistentzia-eskaintza baimenduak koronabirusa detektatzeko probak egiteko gaitzen dituela, eta Osasun Sailak proba horien prezioak finkatu ahal izango ditu "abusuzko egoerak saihesteko".
Eusko Jaurlaritzari "material diagnostikoaren erosketa oro" jakinarazi beharko zaio, hala nola "laginak hartzeko isipuak, birusen garraiobidea, inaktibazio-erreaktiboak, azido nukleikoen erauzketa-kitak edo PCR edo test diagnostiko eta proba serologiko azkarren erreakzioak".
Osasun-arlokoak ez diren baina diagnostikorako gaitasuna duten zentroen kasuan, probak egin ahal izateko balidazio bat lortu behar dute, era berean, "lortutako emaitzen balidazio teknikoa" lortu ahal izateko.
Hori da, adibidez, Euskal Herriko Unibertsitatearen kasua; izan ere, bi baliozkotze horiek egin ondoren, Osasun Sailarekin lankidetza-hitzarmen bat sinatu du, arlo horretan egiten duen ekarpena zehazteko.
Zure interesekoa izan daiteke
Bi pertsona zauritu dira Azkoitian, etxe batean izandako sutean
Trino Uria kalean piztu da sua eraikineko azken solairuan, asteleheneko ordu bata aldera. Bi lagun artatu dituzte lekuan bertan; zaurituetako batek erredurak ditu eta ospitalera eraman behar izan dute. Eraikin osoa hustu dute, eta sua kontrolpean duten arren, Azpeitia eta Eibarko suhiltzaileak lanean ari dira kalteak ahalik eta txikienak izan daitezen.
EAEko farmazialariek uda baino lehen utziko diote sendagaien kupoia ebakitzeari
Osasun Saila farmazien kudeaketa-sistemak egokitzen ari da, fakturazioa sendagaien ontzietako datamatrix kodea irakurriz "egunean eta online" egin ahal izateko.
Gizon bat hil da eta lagun bat zauritu, Irungo soto batean izandako sutean
Zauritua helikopteroz eraman dute Gurutzetako Ospitalera. 13:45ean piztu da sua, Uranzu kalean, eta garrak itzaltzea lortu badute ere, suhiltzaileek hozte-lanetan jarraitzen dute.
Milaka bizipen ahaztezin, bost eguneko ibilbidean
Martxoaren 19an abiatu zen euskararen aldeko lasterketa Atharratzetik, eta, harrezkero, urratsez urrats, lurraldez lurralde, euskarari hauspoa ematen aritu dira milaka euskaltzale. Oraindik bidearen erdia ere ez du egin, baina dagoeneko irudi eta une zirraragariak utzi ditu Korrikaren 24. edizioak.
Euskadiko Erlijioen Kontseilua sortuko du Eusko Jaurlaritzak
Udaberrian jarriko du martxan Eusko Jaurlaritzak Euskadiko Erlijioen Kontseilua EAEko erlijio-aniztasuna kudeatzeko helburuz. Bizikidetza eta laikotasun kooperatiboa oinarri izango dituen ekintza plan batekin jaioko da.
Nafarroatik Gipuzkoara egin du jauzi Korrikak bere bosgarren gauean
Araban ikusi ditu lekukoak eguneko lehen eguzki printzak, eta bertan ibili da Korrika eguerdia iritsi bitartean. Egino eta Ziordia arteko bidea eginda, Nafarroa iparraldean barneratu da 13:00a aldera, Gipuzkoa helburu hartuta.
Nafarroako Gobernuak suizidioa prebenitzeko behatokia sortuko du, diziplina anitzeko profesionalen laguntzarekin
Jokabide suizidak prebenitzeko eta horiek pairatzen dituzten pertsonak artatzeko estrategia aurkeztu du Nafarroako Osasun Departamentuak. Iaz, 39 pertsona hil ziren Nafarroan beren buruaz beste eginda.
Alerta, gas-isuri handi batengatik, Barakaldon
Ezbeharra 10:00ak aldera gertatu da, Lutxana auzoko Elorriaga etorbidean dagoen obra batean, eta horrek kezka sortu du auzokoen artean.
Hamaika pertsona atxilotu dituzte Castro Urdialesen, droga-trafikotik ateratako dirua zuritzeagatik
Operazioan 3.000 gramo kokaina baino gehiago, 7 arma labur eta 4 luze, munizioa eta dirua atzeman dituzte.
2015-2025 tartea, erregistroak daudenetik izandako beroena, Munduko Meteorologia Erakundearen azken txostenaren arabera
176 urte dira Lurraren batez besteko tenperatura neurtzen denetik, eta azken 11 urteotan erdietsi dira balio altuenak. "Historia 11 aldiz errepikatzen denean, jada ez da kointzidentzia, jarduteko deia zuzena da", azpimarratu du Antonio Guterres NBEren idazkari nagusiak.