Martxoan Donostian izandako hilketa baten ustezko egilea atxilotu dute
Ertzaintzak polizia-aurrekariak dituen 25 urteko gizon bat atxilotu du, martxoaren 14an Donostiako Gros auzoko Katalunia Plazako haur-parkean arma zuri batez egindako hilketaren ustezko egilea delakoan. Halaber, 28 urteko emakume bat atxilotu du Irunen, ustez krimena estaltzeagatik.
Agenteek Gros auzoko bi etxebizitza miatu dituzte, eta gertaerekin lotutako hainbat ebidentzia aurkitu dituzte.
Ikertzaileek susmatzen dutenez, erasoa eragin zuen gertakaria aldez aurretik gertatu zen, 06:00ak baino minutu batzuk lehenago, Katalunia plazatik gertu dagoen ostalaritza-establezimendu baten barruan, biktimaren eta erasotzailearen artean.
Bi gizonak lokaletik atera eta Kale Nagusira abiatu ziren, oinez. Handik gertu dagoen haur-parkean, erasotzaileak hogeita hamar labankada eman zizkion biktimari, gorputzeko hainbat tokitan, eta hil egin zuen.
Ikertzaileek susmatzen dute emakumea erasotzailearekin egon zela, ez bakarrik erasoaren aurreko orduetan, baita erasoa gertatu eta hurrengo bost orduetan ere, eta, beraz, hilketaren inguruabarrak ezagutzen zituela, baina ez ziela horren berri eman agintariei.
Astelehen honetan atxilotu dituzte, eta asteazkenean, apirilaren 29an, ikerketaren ardura duen epailearen esku utzi dituzte. Donostiako Instrukzioko 2. Epaitegiko titularrak ustezko hiltzailea behin-behinean espetxeratzeko agindua eman du.
Emakumea karguekin aske utzi dute, kautelazko neurriak ezarrita; pasaportea kendu diote eta hamabost egunean behin epaitegira joan beharko du.
Zure interesekoa izan daiteke
Ertzaintzak protokoloa bete zuen ikertzeko eskatu du Xuhar Pazosen defentsak
Halaber, lekuko gehiago deitzea galdegin du defentsak, 2024ko otsailean Tolosan izandako gertakarietan gertatutakoa behar bezala argitu dadin.
Plentzian jazarpena salatu duen irakaslearen kasua dela eta, protokoloak aktibatu berri ditu Hezkuntza Sailak
Eusko Jaurlaritzako Hezkuntza Politiketako sailburuordeak adierazi duenez, orain arte ikastetxeak berak kudeatu ditu irakasleak aurreko urteetan ere salatutako jazarpen egoerak. Azken gertakarietan ustez inplikatuta dauden ikasleak 12 eta 13 urte bitartekoak direla baieztatu du, eta, beraz, hartu beharreko neurriek "heziketa mailakoak" izan behar dutela. EH Bilduk azalpenak eskatuko dizkio Hezkuntza Sailari, "hartu beharreko mekanismoek" huts egin ote duten jakiteko.
Gidari bat hil da N-104 errepidean, Gasteizen, bi ibilgailuk aurrez aurre talka eginda
Eguna bereziki zaila izaten ari da EAEko errepideetan, euria eta hainbat lekutan izandako istripuak direla eta.
Indarkeria matxista eta hori eusten duten sareak salatuko ditu Euskal Herriko Mugimendu Feministak azaroaren 25ean
Elkarte feministak ari dira emakumeen aurkako indarkeria ezabatzeko nazioarteko eguneko mobilizazioak prestatzen. Euskal Herriko Mugimendu Feministak manifestazioak deitu ditu Hego Euskal Herriko hiriburuetan 19:00etan eta Baionan 18:30ean.
Askabide klinikako gerenteak salatu du presioa etengabea zela: "Errezoak erabiltzen dituzte, astakeriak esateko"
Fiskaltzaren arabera, abortatzera joandako andreak eta klinikako langileak jazartzen zituzten, protesten bidez. Akusatuek, berriz, defendatu dute adierazpen askatasunaren barruan kokatzen direla euren ekintzak.
Uribe Kostako ikasleek babesa eman diote jazarpena jasan duen irakasleari, eta ikasketa-bidaiaren betoari irtenbidea emateko eskatu dute
Uribe Kosta institutuko DBHko 4. mailako ikasleek elkarretaratzea egin dute, ikasketa-bidaia bertan behera uztearen aurka protesta egiteko. Izan ere, ikastetxeak eskolaz kanpoko jarduera guztiak bertan behera utzi ditu, Adingabeen Fiskaltzaren aurrean salatu duten irakasle baten aurkako etengabeko jazarpenagatik.
Naroa Iturri, Askabide Klinika: "Epaiketara iristea garaipen bat da guretzat"
Naroa Iturri Askabide klinikako arduradunetako batek adierazi duenez, beraiek nahi dutena da beren kliniken inguruan segurtasun perimetro bat legez ezartzea, lasai lan egin ahal izan dezaten.
Joxe Ramon Bengoetxea (EHU): "Gure politika bakarra unibertsitate politika da"
Bere hitzetan, azkenaldian tentsio gisa interpretatu diren gertakarien atzean dagoena da “bi elementuk denboran kointziditu” izana: “Bat, Jaurlaritzak egindako aurrekontuen proposamena, eta bestea, gu gure premien azterketa eta diagnosia bukatzen ari ginela. Bi gauza desberdin dira”, Bengoetxearen esanetan. “Jakina gure premien diagnosia egiten da gero horrek aurrekontuetan isla izateko asmoarekin, baina jabetzen ginen denborak eta epeak desberdinak direla”, gaineratu du.
Martxan da Gasteizko Askabide klinikaren aurrean protesta egin zuten 21 lagunen aurkako epaiketa
Zigor arloko 1 zenbakiko epaitegiak ahozko hiru saio ditu aurreikusita aste honetarako: astelehenean, asteartean eta ostegunean egingo dituzte saioak. Lehenengo egunean lekukoek hartu dute hitza.
Sei ibilgailu kiskali dira Gasteizko industria-pabiloi gune batean izandako sutearen ondorioz
Ezbeharra 06:00ak inguru jazo da, Miravalles kaleko pabilioi-gune batean. Ez da zauriturik izan. Ertzaintzak ikerketa abiatu du sutearen nondik norakoak argitzeko.