Osasun Sailak COVID-19aren bilakaera udalerrika jakinarazteari utzi dio
Eusko Jaurlaritzako Osasun Sailak aldatu egin ditu koronabirusari buruzko datuak emateko irizpideak, eta, atzoz geroztik, utzi egin dio udalerri, erietxe eta osasun eremuen araberako datuak emateari.
Exekutiboa pandemiarekin lotutako informazioa zabaltzen hasi zenetik, gaixotasunaren intzidentzia udalerrika zehaztea ahalbidetzen zuten zifra xehatuak sartu zituen.
Horrez gain, oinarrizko birsorkuntza tasa (batez beste, koronabirusaz kutsatutako bakoitzak zenbat lagun kutsatuko dituen) lurraldeka emateari ere utzi diote, eta orain datu bakarra ematen dute Arabarako, Bizkairako eta Gipuzkoarako.
Oinarrizko birsorkuntza tasa bat baino baxuagoa bada, datua positibotzat jotzen da, eta bat baino handiagoa bada, berriz, negatibotzat, horrek gaixo bakoitzak beste pertsona bat baino gehiago kutsatzen duela eta, hortaz, pandemia hedatzen ari dela esan nahi duelako. Espainiako Osasun Ministerioak behin baino gehiagotan aipatu du tasa hori bat baino txikiagoa izatea irizpide garrantzitsu gisa fase batetik bestera igaro ahal izateko.
"Epidemiaren joera oraindik positiboa denez, emandako datuak egoerara egokitzen jarraituko dute", azaldu du Osasun Sailak. "Datozen egunetan buletinean aldaketak egin ahal izango dira, eta behar bezala emango da aldaketa horien berri", azaldu dute.
Beste aldaketa bat ere egin du Osasun Sailak datuei dagokienez. Orain arte, egunero eguerdian ematen duten informazioan, bezperan 20:00ak arte bildutako datuen berri eman izan dute. Aurrerantzean, 24:00ak arteko datuak jasoko dituzte eguneroko buletinean.
"Aldaketa horri esker, egun osoko datuak eman ahal izango dira, beraz, pandemiaren eguneroko argazkia zehaztasun handiagoz ezagutu ahal izango da", azaldu du Osasun Sailak.
Gainera, epidemiaren joerak positiboa izaten jarraitzen duenez, eskainitako datuak inguruabarretara egokitzen jarraituko dute, beraz, datozen egunetan buletinak aldaketak izan ditzake.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.