Irailera arte atzeratu dituzte ikastolen jaiak
Ikastolen Elkarteak ikastolen udaberriko jaiak irailera arte atzeratzea erabaki du. Prentsaurreko batean azaldu dutenez, jaiak "udazkenean egiteko aukera aztertzen eta datak bilatzen" aritu dira azken asteetan, eta hainbat faktore kontuan izanda (logistikakoak, osasun eta segurtasun prebentziozkoak…), ikastolen aldeko jaiak udazkenean ospatzea erabaki dute. "Datak gerturatu ahala, ikusiko dugu aurrera egin dezakegun, edo atzera egin beharko dugun; baina, gaur-gaurkoz, determinazio osoa dugu jaiak ospatzeko", adierazi dute.
Jai horien helburuak auzolanaren bitartez ikastolako kideen artean, ikastolen artean eta ikastolen eta herrietako eragileen artean harremanak estutzea, euskarari "bozgorailu handi bat" jartzea eta hainbat proiektu aurrera ateratzeko finantzaketa lortzea direla adierazi dute.
Horrez gain, egindako lana eskertu nahi izan diete "urte osoan lanean aritu diren boluntarioei, gure jaietan parte hartzeko konpromisoa hartu zuten kantari, musikari, dantzari, pailazo eta artista guztiei, azpiegituraz arduratzen diren guztiei eta gure babesle eta laguntzaileei".
Ardura eta erantzukizunez jokatuko dutela azpimarratu dute, eta osasuna bermatzeko prebentzio neurri guztiak ezarriko dituztela, formatu egokituak, jan-edana baldintza seguruetan eskaintzea eta garbiketa sakontzea, besteak beste.
Jaientzako data berriak ere ezarri dituzte: Herri Urrats, irailaren 20an Senperen (Ipar Euskal Herria); Kilometroak, urriaren 4an Amasa-Villabonan eta Zizurkilen (Gipuzkoa); eta Araba Euskaraz eta Ibilaldia, urriaren 18an Amurrion (Araba) eta Elorrion (Bizkaia). Bi jaiak egun berean izango dira, bi herri eta lurralde desberdinetan.
Jai horiez gain, Nafarroa Oinez egitea aurreikusita zuten urriaren 18an, Lizarran. Hala ere, azaldu dutenez, Lizarrako ikastolak eta Nafarroa Oinez fundazioak "ez direla baldintzak ematen jaia aurten ospatzeko ikusi dute, eta hurrengo urtera atzeratu dute".
Euskal Herriko ikastolen alde eta Euskal Herrirako hezkuntza sistema propio baten alde aurten ateratako TANTA txartelaren truke egingo den 60.000 euroren zozketa eguna ere atzeratu egin dutela adierazi dute. Ekainaren 25ean egin beharrean, urriaren 21ean izango da zozketa, notario aurrean.
Zure interesekoa izan daiteke
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.