Paseatzeko eta kirola egiteko ordu-tarteak 2 fasean desagertuko dira
Umeen eta helduen paseoak eta kirola kalean egiten duten gazteen eta helduen irteerak arautzeko egun ezarrita dauden ordu-tarteak deseskalatzearen 2 fasean desagertuko dira, Espainiako Gobernuko Osasun ministro Salvador Illak ostegun aurreratu duenez. Hori bai, COVID-19aren aurrean bereziki zaurgarriak diren pertsonentzat jarraituko dute, baina autonomia-erkidegoek edo Udalek zehaztu beharko dituzte, Fernando Simon Osasun Alerten eta Larrialdien Koordinazio Zentroko zuzendariak argitu duenez.
Diputatuen Kongresuko Batzordearen aurrean astero egiten duen agerraldian, Illak arrazoia eman dio EAJri; izan ere, alderdi horrek, astelehenetik aurrera Euskadi 2 fasera pasatzeko bere eskarian, ordu-tarteak kentzea eskatu du. "Arrazoia duzue", erantzun dio Espainiako Osasun ministroak Joseba Agirretxea EAJko diputatuari.
Egun, Hierro, Gomera eta Graciosa uharteak (Kanariak) eta Formentera uhartea (Balearrak) soilik daude 2 fasean. Kanariak, Balearrak, Galizia, Asturias, Kantabria, Nafarroa, Euskadi, Errioxa, Aragoi, Extremadura, Andaluzia, Murtzia, Ceuta, Melilla, Kataluniako zati bat, Cuenca eta Guadalajara Gaztela-Mantxako probintziak eta Gaztela eta Leongo landa-gune jakin batzuk 2 fase horretan egon litezke astelehenetik aurrera, horretarako eskaria egin baitute.
Aurreko larunbatean, Estatuko Aldizkari Ofizialak agindu jakin bat argitaratu zuen. Horren bidez, 70 urtera arteko herritarren aire zabaleko jarduera fisikoa malgutzen zen, salbuespen bakar batekin: 10:00etatik 12:00etarako eta 19:00etatik 20:00etarako ordu-tarteak 70 urtetik gorako pertsonentzat eta zaurgarrienak diren herritarrentzat daudela gordeta.
Autonomia-erkidegoek eta Udalek bi orduz aurreratu edo atzeratu ahal izango dituzte tarte horiek, herritarrek tenperatura altuak saihestu ahal izan ditzaten.
Nolanahi ere, Simonek aurreratu duenez, beste ministerio-agindu batean ari dira lanean, guztien eskariak jasotzea eta lurraldeen arteko adostasunik handiena lortzea helburu.
Illak, halaber, adierazi du aztertzen ari direla tabernetako, jatetxeetako eta dendetako edukiera-murriztapenak hasieran aurreikusi baino gehiago malgutzea. Asmoa zen gehienezko edukiera % 40koa izatea, baina Osasun ministroak konpromisoa hartu du pentsatzeko % 50era arte zabaltzea, EAJk eskatu duenez: "Marjina egon behar da", ohartarazi du Illak.
Albiste gehiago gizartea
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Suhiltzaileek lanean jarraitzen dute Gasteizko LEA lantegian, sutea kontrolpean baina itzali gabe baitute
Suhiltzaileek lantegira ura botatzen jarraitzen dute, su txiki gehiago izan ez dadin.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Orduak edo egunak beharko dira oraindik sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.