Nafarroako zahar-egoitzek bisitak hartuko dituzte astelehenetik aurrera
Datorren astelehenetik aurrera zahar-etxeek bisitak hartu ahal izateko baimena eman du Nafarroako Gobernuak. Osasun eta Eskubide Sozialeko arloek hartu dute erabakia deseskalatzearen markoan, 2 fasearen baitan.
Hala ere, aldez aurretik egoitzari hitzordua eskatzea derrigorrezkoa izango da.
Bisitak baieztaturiko COVID-19 kasuak edo adinekoak koarentenan ez dituzten egoitzetan soilik posible izango dira.
Bisita guztiak adostutako prozedura jarraituz eta babeserako ekipoekin egin ahal izango dira. Adinekoek zein haien senideek arauak errespetatu beharko dituzte.
Bisita protokoloak prebentzio neurriak aurreikusten ditu, bisitan zehar zein ondoren, besteak beste, eskuak desinfektatzea eta tenperatura neurtzea, adinekoak zein haren senitartekoak maskara kirurgikoa erabiltzea eta bi metroko segurtasun distantzia, kontaktu fisikoa saihestuz.
Gainera, zenbait gomendio jarraitzea komeni da. Bisitaria zuzenean bere etxetik etortzea nahi du egoitzak, beste toki batzuetatik badator kutsadura arriskua handiago delako, bisiten erregistro sistema bat izatea eta bisitak egiteko toki bereziak prest izatea, sarrera eta irteerako ibilbide zehatzekin.
Bisita kopuru handiena ahalbidetzeko ordutegiak moldatuko dituzte egoitzek, hau da, ez dira ordutegi zehatz batzuetara mugatuko.
30 minutu eta ordubete bitarteko bisitak izango dira, adinekoen kopuruaren eta egoitzaren antolaketa gaitasunaren arabera, eta pertsona bakarra sartuko da bakoitzean.
Hasieran bisitek konfinamenduan zehar erabilitako beste komunikabideen (telefono deiak, bideo-deiak eta gutunak, besteak beste) osagarri izan behar dute.
Bestalde, egoitzak zabaltzeak adinekoentzako arrisku handiagoa suposatzen duenez, neurri higienikoak zorrotz betetzea ezinbestekoa da, eta oraingoz ez zaie adinekoei zentroetatik kanpo paseatzen utziko.
Albiste gehiago gizartea
Gasteizko Mugimendu Feministak "intentsitate handiko" bi sexu-eraso salatu ditu ostegun gauean
Elkarretaratzea larunbat honetan izango da, 20:00etan, Andre Maria Zuriaren plazan. Azken erasoak salatzeaz gain, erasotzaileengan jarri nahi dute arreta.
Neolitoko kanibalismoaren aztarna berriak aurkitu dituzte Atapuercan
Ikertzaile talde batek gutxienez 11 pertsonaren aztarnak aurkitu ditu Atapuercako aztarnategian. Azaldu dutenez, aztarnek 5.700 urte inguru dute, eta larrutu, hezurra eta haragia bereizi, kozinatu eta kontsumitu izanaren markak dituzte.
Atun gorria gizentzeko Getariako uretan Aztik eta Balfegok dituzten kaioletan lehenengo 50 hegalaburrak sartu dituzte
Hegalaburraren lehen 50 aleak Getariako gizentzeko itsas haztegiko bi kaioletan daude dagoeneko. Tunidoak sardina eta berdel izoztuekin elikatuko dituzte urriaren amaierara arte, eta hil horren amaieran sakrifikatuko dituzte. Hartuko dituzten kiloak gantza dira, atunaren haragian sartzen den koipea.
Donostiako Amara auzoan kalean bizi diren 50 pertsona migratzaileei Arantzazun ostatu emango diete
Gipuzkoako Foru Aldundiak, Donostiako Udalarekin lankidetzan, aldi baterako ostatu bat prestatu du Oñatin.
Edurne eta Zeledon Txikiren jaitsierak Andre Maria Zuriaren plaza bete du txikien egunean
Aiora Diaz, Los Alegrios kuadrillako 12 urteko neska, eta Eñaut Saenz de Viteri, Galtzagorri kuadrillako 10 urteko blusa, izan dira aurtengo Edurne eta Zeledon Txiki. Eguerdian, txupinazoarekin batera, Zeledon Txikiren eta Edurneren panpinak San Migel elizako dorretik jaitsi dira. Ondoren, Aiora eta Eñaut elizako balkoira itzuli dira eta, handik festaz gozatzeko deia egin diete Gasteizko haur guztiei.
Donostiako Boulevardeko puntu morea berriro irekiko dute Aste Nagusian, indarkeria sexista kasuak prebenitzeko eta artatzeko
Larunbat honetatik aurrera, prentsa kiosko zaharrean, profesionalek aurrez aurreko arreta zerbitzua emango dute. Era berean, Emakumeen Etxea eta Berdintasun Sailaren telefonoa ere erabilgarri egongo dira, beste baliabide batzuekin batera.
Osakidetzak haurrei I motako diabetesa goiz detektatzeko Estatuko lehen azterlana abiatu du
6.000 pertsonak baino gehiagok parte hartuko dute Euskadiko Osasun Zerbitzuak zuzendutako lanean. Sintoma klinikoak agertu aurretik gaixotasuna identifikatzea da helburua, eta, horrela, konplikazioak murriztu eta aurretiaz jarduteko aukera ematea.
PPk eta Voxek debekatu egin dute jendaurrean Islamarekin lotutako ekitaldiak egitea, Jumillan, Murtzian
Ezingo dute ospatu, adibidez, musulmanen artean ohikoa den Arkumearen Jaia. Voxek proposatu zuen mozioa, eta PPren babesarekin, aurrera atera da. Jumilla da, hortaz, xenofobia instituzioek bultzatzen duen lehen herria.
EAEk 2.355 biztanle irabazi ditu bigarren hiruhilekoan, atzerritarren etorrerari esker
Jatorriari dagokionez, Araban, Bizkaian eta Gipuzkoan bizi diren atzerritar gehienak Kolonbian (1.400), Marokon (830) eta Venezuelan (760) jaiotakoak dira.
Beste sute bat piztu da Artaxoa eta Añorbe artean, baina suhiltzaileek egonkortzea lortu dute
Sutea 18:13an hasi da, eta ez du zerikusirik asteartean piztu ziren biekin. Sutea garagar eta gari uzta jasota dagoen galtzu soro batean hasi da, baina basoa gertu du.