"Ingurumen justizia" aldarrikatu dute mundu osoko adituek
COVID-19ak eragindako pandemia bezalakoak ekidin nahi badira, ezinbestekoa da ingurugiroa babestuko duten politika jasangarriak martxan jartzea, horretarako behar diren inbertsioak agendaren lehen lerrora ekarrita. Mundu osoko 40 milioi zientzialarik, medikuk eta ingurumenean adituk plazaratutako idatziak jasotzen duen eskari nagusia da hori.
Ingurumenaren Nazioarteko Egunaren harira, gutuna igorri diote G20a osatzen duten agintariei, "osasun publikoa" eta "ingurumen justizia" berma dezatela eskatzeko.
Munduko Osasun Erakundearen (MOE) arabera, koronabirusaren pandemiak argi eta garbi erakutsi du ingurugiroa zaindu ezean, herritarren osasuna ez dagoela bermatuta. Azken datuen arabera, 380.000 pertsona hil dira munduan COVID-19 gaitzak jota, eta 6,29 milioi herritar baino gehiago kutsatu dira.
Naturaren suntsitzea eta osasun pandemiak elkar lotuta daudela nabarmendu du MOEk, eta Kongoko Errepublika Demokratikoa astindu duen ebola gaitza ekarri du gogora, pandemia horrek ere milaka eta milaka herritar hil dituela esateko. Gaitzaren beste agerraldi gogor bat bizi dute Afrikako herrialde horretan, eta, ikerketa guztien arabera, jatorria animalietan dago.
Dirulaguntzak, EAEko enpresentzat
Ingurumenaren Nazioarteko Eguna dela eta, Eusko Jaurlaritzak dirulaguntzak iragarri ditu asteon, ingurumena babesteko inbertsioak egiten dituzten enpresentzat.
Iñaki Arriola Ingurumen, Lurralde Plangintza eta Etxebizitza sailburuak ziurtatu duenez, 2 milioi euroko partida bat onartu berri du Jaurlaritzak, neurri jasangarriak hartzen dituzten enpresak diruz laguntzeko.
Arriolaren arabera, Europako Batasunaren araudia ardatz hartuta, ingurumena zaintzeko proiektuak bultzatuko dituzte, eta, "kutsatutako lurrak berreskuratzera" eta "hondakinak berrerabiltzera" bideratutako egitasmoak lehenetsiko dituzte.
Nafarroa: "Gazteria eta ingurumena"
Nafarroako Foru Gobernuko Gazteriaren Institutuak, bere aldetik, 'Gazteria eta ingurumena' izenburupean, galdeketa bat egin du, gazteek ingurumenaren inguruan duten iritzia ezagutzeko. Besteak beste, "gazteak klima aldaketarekin oso kezkatuta eta kontzientziatuta" daudela ondorioztatu dute inkesta horretatik.
Carlos Amatriain Nafarroako Gazteriaren Institutuko zuzendariak eman ditu ezagutzera galdeketaren emaitzak. Denera, 16 eta 30 urte arteko 800 gazteri egin diete elkarrizketa.
Amatriainen arabera, Greta Thunberg aktibistak iaz abiatutako bideak gazte askoren kontzientzia piztu zuen, eta ingurumena horien kezka nagusien artean kokatu da.
Albiste gehiago gizartea
Udako helmugarik gogokoenak: Nora goaz euskal herritarrok oporretan?
Zenbaki handietatik haratago, hurbiltasunak pisu handia du uda sasoiko joan-etorrien mapa marrazterakoan, nahiz eta Mediterraneoak eta hirigune handiek erakargarritasunari eusten dioten.
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk. Epaia "euskararen normalizazioaren aurka ez ezik, euskal gizartearen eta erakundeen borondatearen aurka" doala salatu du Kontseiluak.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.