Lau institutuk eta NUPak unibertsitaterako hauta-proba hartuko dute
Iruñeko Gurutzeko Plaza, Basoko eta Iturrama BHI, eta Zizur BHI institutuek, Nafarroako Unibertsitate Publikoarekin (NUP) batera, unibertsitatera sartzeko proba hartuko dute aurten.
NUPak berak ostiral honetan gogorarazi duenez, institutu horietako ikasleek ez dituzte azterketak zentro berean egingo.
Espazioetan behin betiko banaketa ekainaren 15etik aurrera ezagutzeko aukera izango dute ikasleek Unibertsitatearen webgunean. Ikasleek hauta-proba non egin behar duten egiaztatzea beharrezkoa izango da.
Arrosadiako campusa
NUParen Arrosadia campusean, ikasgelategia, liburutegia, Nafarroa Unibertsitate pabiloia eta El Sario eraikina erabiliko dituzte, baita Osasun Zientzien Campusa ere. Gainera, Tuterako campusean ere azterketak egingo dituzte.
Osasun segurtasuna bermatzeko helburuarekin, ikasturte honetan hauta-proba egiteko espazioak areagotzea erabaki zuten agintariek, COVID-19ari aurre egiteko gomendioak jarraituz.
Lau eguneko proba
Horregatik, lau egunez luzatuko dira azterketak. Ekainaren 23, 24, 25 eta 26an egingo dituzte.
Neurri higienikoen protokoloa prestatzen ari dira, ikasleen eta irakasleen osasuna bermatzeko. Prest dagoenean argitaratuko dute.
Gainera, eraikin bakoitzera sartzeko jarraibide batzuk emango dituzte arduradunek, ikasleen arteko gutxieneko distantzia mantentzeko edo eraikin bakoitzaren barruan atsedenaldietan izango diren ibilbideak.
Jarraibideak NUParen webgunean iragarriko dituzte egun batzuk lehenago, eta ikastetxeei bidaliko dizkiete.
Bestalde, azterketaren egitura desberdina izango da, eta hautatzeko aukera gehiago emango ditu, baina iraupen berdina izango du: 90 minutu irakasgai bakoitzeko.
Ariketak arretaz irakurtzeko, soilik galdera kopuru zehatzari erantzutea, erantzundako galderak zuzen etiketatzea eta azterketaren egituraz eta zuzenketa irizpideez jabetzeko gomendioa eman diete ikasleei.
Zure interesekoa izan daiteke
Ehun bat polizia atxilotu edo ikertu dituzte Espainian azken bost urteetan, narkotrafikoarekin lotura izateagatik
EH Bilduk egindako galdera bati erantzunez, Espainiako Gobernuak jakinarazi du 106 agente atxilotu edo ikertu dituztela 2021eaz geroztik, baina ez du zehaztu zein polizia zerbitzutakoa den ikertutako edo atxilotutako pertsona bakoitza.
Arrazismoaren aurkako martxa batek "faxismoaren gorakada" eta "zigorgabetasuna" salatu ditu Bilbon
Arrazagatiko Diskriminazioa Ezabatzeko Nazioarteko Eguna dela eta, ehunka pertsonak bat egin dute larunbat honetan Arrazakeriaren aurkako Bilboko M21 Asanbladak deitutako manifestazioarekin. "Faxismoaren gorakada" salatu, eta "talde neonazi eta supremazisten" jarduera eta diskurtsoen "zigorgabetasunaz" ohartarazi dute. 12:00ak jota zirenean hasi da martxa, Mariaren Bihotza plazan, eta San Frantzisko kalea Zabalbururaino zeharkatu eta gero, Bilboko udaletxearen aurrean amaitu da, manifestu bat irakurrita.
Edukiontziak erre dituzte bart Getxon eta Bilbon, eta ikerketa zabaldu du Ertzaintzak
Getxoko Areeta auzoan, 12 edukiontziri eman diete su, eta Bilboko Zorrotza auzoan, 3 erre dituzte. Ikerketa abiatu dute, eta Getxoko Udaltzaingoa susmagarri bat identifikatzeko lanean ari da jada.
Durango, Palestinaren alde
Musikari ez ezik, bertsolariei eta umoregileei ere ireki die leihoa Oihu bat Palestinara jaialdiak; izan ere, Maialen Lujanbio, Amets Arzallus, Txaber Altube eta Nerea Ibarzabal bertsolariek eta Antton Telleria eta Asier K. bakarrizketariek hartu dute parte.
Nafarroako Erribera luze-zabalean zeharkatuta, Iruñerako bidea hartuko du gauerdian Korrikaren lekukoak
13:23an iritsiko da igandean Korrika Nafarroako hiriburura, bere laugarren egunean. Euskararen aldeko pausoek Erribera hartu dute larunbat honetan, korri eginez eta euskaraz bizitzeko aldarria ahotan.
Ehunka lagun elkartu dira Bilbon, "Kuba bizirik. Blokeorik ez!" lelopean
Hegoak plataformak deituta, Kubaren aldeko elkarretaratzea egin dute gaur eguerdian Bilboko Areatzan, "EBk ezarritako itolarri ekonomiko eta energia blokeo politika arbuiatzeko". Habanara iritsiko den konboi solidarioaren alde ere agertu dira. Bilbon bezala, Iruñean ere mobilizatu dira plataforma horrek deituta.
47 urteko gizon bat atxilotu dute Ermuan, anaia sastatzea egotzita
Erasoa 06:00ak aldera gertatu da, San Pelaio auzoko etxebizitza batean. 46 urteko biktima larri eraman dute ospitalera, gorputzeko hainbat lekutan zauriak baitzituen.
Gizon batek alaba adingabea hil du Torreviejan
Guardia Zibila indarkeria bikarioko krimen gisa ikertzen ari da gertatua. Zantzu guztien arabera, 40 urteko gizonak 3 urteko alaba hil du eta bere buruaz beste egin du ondoren.
Preso bat hilik aurkitu dute Baionako espetxean
23 urteko gizonak bere buruaz beste egin du. Arazo psikiatrikoak zituen, eta bakarkako ziega batean zegoen preso.
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.