Uztailaren 16an koronabirusaren biktimen omenezko estatu-hileta egingo dute Madrilen
Pedro Sanchez Espainiako Gobernuko presidenteak asteazken honetan jakinarazi duenez, uztailaren 16an koronabirusaren biktimen omenezko estatu-hileta egingo dute Madrilen. Ekitaldi horretan, pandemiaren aurka lanean aritu diren zerbitzu publikoetako beharginak ere omenduko dituzte.
Gaur goizean egin du iragarpena Sanchezek, Pablo Casado PPko buruzagiak Kongresuko kontrol-saioan egindako galdera bati erantzunez. Felipe VI.a Espainiako erregea ekitaldi horren buru izango da, eta, besteak beste, Charles Michel Europako Kontseiluko presidenteak eta Ursula Von der Leyen Europako Batzordeko presidenteak parte hartuko dute bertan.
Halaber, Tedros Adhanom Ghebreyesus Munduko Osasun Erakundeko (MOE) zuzendari nagusia, David Sassoli Europako Parlamentuko presidentea eta Josep Borrell Europar Batasuneko Kanpo Politikarako arduraduna ere izango omen dira Madrilen egingo den estatu-hiletan, Sanchezen esanetan.
Testuinguru horretan, Espainiako Gobernuak krisi honetan egindako kudeaketaren "porrota" inork ez duela zalantzan jartzen esan du Casadok, "Espainiak hildako, kutsatu eta langabe kopuru altuenak" zenbatu dituelako. Ildo horretatik, Sanchezek emandako hildakoen kopurua "zuzendu" du; izan ere, datu ofizialen arabera 27.000 hildako baieztatu badira ere, "Espainian 43.000 pertsona hil dira COVID-19aren ondorioz".
Omenaldiaren data jakinarazi aurretik, "elkarrekin lan egin nahi ez izatea" leporatu dio Sanchezek Casadori, eta alarma-egoera indarrean egon den bitartean, Estatuan "milioika lanpostu eta enpresa ez suntsitzea" lortu dela nabarmendu du. Horrez gain, egoera zaurgarrian dauden pertsonei lagundu dietela esan du, eta "450.000 pertsonaren bizia salbatzea" lortu dutela azpimarratu du.
"Egia da ez gaudela denok", onartu du Espainiako Gobernuko presidenteak, eta uztailaren 16ko omenaldiaren berri eman du jarraian. Testuinguru horretan, Kongresuan ordezkatutako talde politiko guztietako kideak koronabirusaren biktimen omenezko ekitaldira joatea espero duela esan du.
Albiste gehiago gizartea
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan erregistratutako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Orduak edo egunak beharko dira oraindik sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.