Isolatuta dauden ordiziarrei 14:00etatik 15:00etara bitartean bozkatzeko eskatu diete
Igandean Eusko Legebiltzarrerako hauteskundeak egingo direla eta, Ordiziako Udalak 14:00etatik 15:00etara bitartean bozkatzeko eskatu die PCR proban negatibo eman duten baina konfinatuta dauden pertsonei, botoa ematera joaten diren beste herritarrekin kontaktua ahalik eta txikiena izan dadin. Ostiral honetan hasi dira igandeko hauteslekuak prestatzen, COVID-19aren agerraldia dela-eta segurtasun-neurriak indartuta.
Udalak ohar baten bidez azaldu duenez, 6.996 ordiziar daude botoa ematera deituta. Ildo horretatik, 09:00etatik 20:00etara bitartean izango dute botoa emateko aukera, nahiz eta hauteskunde-mahaiak 08:00etan eratuko diren.
Beti Alai pilotalekuan hiru mahai jarriko dira, Jakintza ikastolan beste hiru, Urdaneta ikastetxeko frontoian bi eta Oianguren institutuan beste bi. Testuinguru horretan, Udalak azaldu du "protokolo zorrotza" prestatu duela, Eusko Jaurlaritzak egindakoaz gain.
Horrela, ahal dela, hauteslekuak aire zabalean jarriko dira. Udalak FFP2 maskarak erosi ditu hauteskunde-egunean lanean izango diren pertsona guztientzat (hauteskunde-mahaietan egon behar dutenentzat eta baita hauteskundeak antolatzen parte hartuko dutenentzat ere).
Hauteskunde-mahai bakoitzak ilara bat izango du, eta ilara bakoitzeko arduradun bat egongo da herritarrei botoa emateko sarbidea emateko. Halaber, beste ilara gehigarri bat prestatuko da 65 urtetik gorako pertsonak eta haurdun dauden emakumeak zuzenean hauteskunde-mahaira joan daitezen.
Sarrera guztietan, Ordiziako Udalak gel hidroalkoholikoak eta desinfektatzeko produktuak jarriko ditu herritarren eskura, baita bozkatzeko kabina bakoitzean ere.
Hauteskunde-mahai bakoitzeko presidenteak metakrilatozko pantailekin babestuko dira. Botoa ematera joaten den pertsonak NANa erakutsiko dio pantaila horren beste aldetik, eta presidenteari ez zaio agiria eskura emango. Botoa ematen den bakoitzean, hautetsontzia desinfektatuko da horretarako dituzten produktuekin.
Horrez gain, botoa etxetik prestatuta eramatea ere gomendatu du Udalak, eta hauteslekuen kanpoaldean ondo azalduta egongo da pertsona bakoitzak non eman behar duen botoa.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.