Garitano: "Neurri murriztaileak gutxi dira eta koadro larriagoak iritsiko dira"
Ignacio Garitano Euskadiko covid-19aren Pandemia Zaintzeko eta Kontrolatzeko Planaren koordinatzaileak adierazi duenez, "osasunaren ikuspuntutik, ezarritako neurri murriztaileak gutxi dira, zalantzarik gabe", eta, horren esanetan, "denbora kontua da lehen ikusi den gauza berera iristea", "koadro gero eta larriagoekin" eta, "logikoa denez, icebergaren puntarekin, heriotzekin".
Onda Vasca irratian egindako elkarrizketa batean, "bigarren olatuan murgilduta" gaudela eta "uda" dela nabarmendu du medikuak.
Garitanoren hitzetan, agerraldiak espero ziren, "gaixotasun honen historia naturala delako", "nahiko kutsakorra eta jende gehienaren artean nahiko arina delako"; beraz, "kutsatu egiten zara eta ia ez zara konturatzen eta kutsatzen jarraitzen duzu". "Gaixotasun honen arrakasta da oso arina eta kutsatzeko erraza dela", erantsi du.
Agerraldi berriak izateko arrazoiei dagokienez, Euskadiko covid-19aren Pandemia Zaintzeko eta Kontrolatzeko Planaren koordinatzaileak esan du egoera hizpide dugun eremu geografikoaren araberakoa dela, baina, oro har, "guztien nahasketa" dela; horren aburuz, "mundu guztiak ez ditu etxeko lanak ondo egin" eta "bigarren olaturako prestakuntza nahiko desberdina da" lurraldearen arabera.
Mediku arabarrak adierazi duenez, herritarrak "bizimodu normala egiten saiatu dira, gaixotasunik ez balego bezala", eta hori "akats izugarria da", "egoera aldatu arte beste modu batera bizitzera ohitu behar baitugu".
Garitanoren esanetan, "udako bizimodu atsegina izan daiteke terraza batean zerbait hartuz, arrisku egoeretan sartu gabe eta besteen bizitza arriskuan jarri gabe". "Udan bizitza atsegina izatea posible da pandemiarekin ere", gaineratu du.
Covid-19aren Pandemia Zaintzeko eta Kontrolatzeko Planaren koordinatzailearen ustez, "osasunaren ikuspuntutik, ezarritako neurri murriztaileak gutxi dira, zalantzarik gabe". "Gertatzen dena da medikuak ez garela bakarrik bizi gizartean, sektore askok ere beren etekin ekonomikoa izan behar dute, eta hau interesen arteko borroka da", azaldu du.
Hartutako neurriekin bat datorrela adierazi ostean, "mediku batek ezin du herrialde bat eraman eta aholkuak ematen dituen teknikaria dela esan", adierazi du. "Osasuna gauzarik garrantzitsuenetako bat da, garrantzitsuena ez bada, baina sostengu ekonomikoa ere oso garrantzitsua da", nabarmendu du.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.