Eusko Jaurlaritza aurrez aurreko hezkuntza bermatzeko neurrietan lanean ari da
Nekane Murga Eusko Jaurlaritzako Osasun sailburuak gaur baieztatu duenez, ikasgeletara itzultzea ahalbidetuko duten “prebentziozko neurriak” prestatzen ari dira. Egoera oso “aldakorra” dela onartu du Murgak, baina kutsatuen kopuruak ikasturtea hasi aurretik behera egitea espero du.
Prentsaurreko batean, sailburuak prestaketa-lanetan dabiltzala azaldu du. Horrez gain, segurtasun-protokoloak berrikusten eta irailean egoera epidemiologikoa nolako izan litekeen aztertzen ari direla baieztatu du.
Murgak jakinarazi duenez, “data horietan, guztiok nahi dugun bezala, aurrez aurreko hezkuntza posible izatea” bermatuko duten hainbat “prebentzio-neurri” ikertzen ari dira.
“Egoera oso aldakorra da, eta, horrenbestez, balizko egoerekin jardun behar dugu lanean. Irailerako kutsatuen kopuruak beheranzko joera hartzea espero dugu”, azaldu du eguerdian emandako prentsaurrekoan.
6.000 kontratazio
Steilas sindikatuak, EAEko eskola publikoetako lantaldeak indartzeko, 5.000 eta 6.000 lagun (5 zentro bakoitzeko) artean kontratatu beharko direla aurreikusten du, beti ere 2020-21 ikasturtea segurtasun-neurri guztiak betez hasi nahi bada.
Ana Perez sindikatuko ordezkariak adierazi duenez, kontratazio berri horiek beharrezkoak dira ikasturtea aurreko urteetako normaltasunetik ahalik eta hurbilen garatzeko; hau da, aurrez aurreko klaseak izateko, ikasleen sarrera eta irteera ordutegiak malguak izateko eta jolastokian egon ahal izateko, Eusko Jaurlaritzako Hezkuntza Sailak proposatzen duen bezala.
Ana Perezek salatu duenez, Hezkuntza Sailak hiru egoera posible aurreikusi ditu, datozen asteetan COVID-19aren pandemiaren bilakaeraren arabera, baina horietako bakar batek ere ez ditu lantaldeak indartzeko beharra eta neurriei aurre egiteko baliabide materialen beharra aurreikusten.
Albiste gehiago gizartea
EITBk aitortza jaso du EHUko Gizarte eta Komunikazio Zientzien fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz EITBri saria eman diote gizarteari egiten dion ekarpenagatik. Bertan egon da Andoni Aldekoa zuzendari nagusia, Arantza Ruiz albistegietako zuzendaria eta Lontzo Sainz, etxe honetako estrategia eta ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sute bat piztu da LEA fabrikan, eta Arabako hiriburu osotik ikus daiteke kea
Sute handi bat piztu da Gasteizko LEA fabrikan, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko lehioak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Oraindik orduak edo egunak beharko dira sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.
Alkolea pasaiako paumaren habia desagertu da, Donostian
Parkea Bizirik elkarteak parkearen egoera salatu du eta neurriak hartzeko biltzera gonbita egin die udal gobernuari eta oposizioari.
EAJk hautsi egin ditu lan deialdi publikoetan euskara blindatzeko PSE-EEkin abiatutako negoziazioak
Jeltzaleen iturriek aurreratu dute EAJk berak bakarrik egingo duela aurrera eta Enplegu Publikoaren Legea aldatzen saiatuko dela, euskara eskakizunak bermatzeko.