Eusko Jaurlaritza osasun-larrialdiko egoera berrezartzea aztertzen ari da
Eusko Jaurlaritza osasun-larrialdiko egoera berrezartzeko aukera aztertzen ari da, baldin eta Euskadiko egoera epidemiologikoaren larritasunak gaur egungo erritmoan gora egiten jarraitzen badu; izan ere, azken 24 orduetan 569 positibo berri izan dira COVID-19aren ondorioz. Osasun-larrialdiko egoera martxoan ezarri zen jada Euskadin.
"Larritasunak orain duen erritmoa mantentzen badu, osasun-larrialdiko egoera ezartzeko unea izango da", esan du Nekane Murga Osasun sailburuak ostegun honetako prentsaurrekoan.
Sailburuak adierazi duenez, birusak "indarra hartzen jarraitzen du" Euskadin, eta gaur goizean Iñigo Urkullu lehendakariareki batera bildu den COVID-19ren jarraipen batzordeak egoera "larria" dela egiaztatu du, bereziki Bizkaian.
Hori dela eta, sailburua Unai Rementeria Bizkaiko ahaldun nagusiarekin bildu da, COVID-19aren zabalkundea geldiarazteko ekintza berriak martxan jartzeko aukera aztertzeko.
Halaber, Bizkaiko eta Gipuzkoako ostalaritza elkarteek Euskal Autonomia Erkidegoko Auzitegi Nagusian (EAEAN) aurkeztutako administrazioarekiko auzi-errekurtsoaren aurkako alegazioak aurkeztu ditu Jaurlaritzak. Izan ere, gaueko aisialdirako ezarritako ordutegi-murrizketak behin-behinean bertan behera uzteko eskatzen dute ostalariek.
Murgak azaldu duenez, koronabirusaren bilakaera kontuan izanda, COVID-19arekin lotutako fokuak eta agerraldiak oro har non sortzen diren azaldu du Jaurlaritzak aurkeztu dituen alegazioetan. "Ordu jakin batzuetatik aurrerako edozein jarduerak ez ditu urruntze eta segurtasun neurri egokiak betetzen", nabarmendu du.
Horrez gain, Galiziako Xuntak hartutako neurri murriztailearekin ados agertu da Murga, alegia, segurtasun tartea mantendu ezin denean kalean erretzea debekatzea. Ildo horretatik, Eusko Jaurlaritzak "bere garaian neurri bera proposatu" zuela nabarmendu du.
"Erretzaile batek, kea botatzen duenean, arnasketa normal batean baino distantzia handiagora zabal dezake birusa; beraz, erabat ados gaude neurri horrekin", adierazi du Osasun sailburuak.
Murgak ziurtatu duenez, administrazio publikoek hartzen dituzten neurriek "ez dute ezertarako balioko herritarrek beren kontzientziazio maila lasaitzen badute", eta ezinbestekoak ez diren topaketak eta bilerak ahalik eta gehien mugatzeko eskatu du, bai kanpoan, bai barruko lokaletan, kutsatze asko familia eta lagun arteko bileretan gertatzen baitira.
Lehendakariak berak iragarri duenez, Euskadin etxeratze-agindua ezartzeko aukerari buruz egindako galderari erantzunez, sailburuak adierazi du ez dagoela "neurri magikorik" birusaren goranzko bilakaera eteteko. Dena dela, une honetan, egoera aztertuta ez dela konfinamendua ezartzeko egoera ematen nabarmendu du.
Bestalde, ikasturte hasierarako protokoloak eta prebentzio neurriak berrikusten ari da Jaurlaritza, Murgak esan duenez, eta eskoletara itzuli arte egoera epidemiologikoa hobetuko den itxaropena agertu du.
Zure interesekoa izan daiteke
Adimen artifizialarekin sortutako irudi sexualizatuak debekatu ditu Europar Batasunak
Irudi sexualizatuak nahiz haurren sexu-abusuarekin lotutako edukiak sortzeko helburu bakarra duten adimen artifizialeko sistemak debekatuta egongo dira 2026ko abenduaren 2az geroztik. Grok X sare sozialeko AAko tresnak sortutako hika-mikaren ondoren adostu dute neurria.
Horrelakoa izango da MV Hondiusen bidaia Kanariar Uharteetara
Hantabirus kasuak dituen itsasontziaren bidaia maiatzaren 9an, larunbatean, iritsiko da Kanarietara, zehazki, Granadillako industria-portura. Hortik, tripulatzaileak Tenerife Hegoaldeko Nazioarteko aireportura eramango dituzte.
Gutxienez sei kilometroko auto-ilarak AP-8 autobidean, Usurbilen, Irunerako noranzkoan
Lau autok istripua izan dute, eta erreietako bat itxita dago AP-8 autobidean, Usurbil parean, Irunerako noranzkoan. Bigarren istripu batek are gehiago zaildu du egoera, eta auto-ilara luzeak sortzen ari dira Irunerako noranzkoan.
Albiste izango dira: hantabirusaren azken ordua, Tubos Reunidosko langileen batzarra eta Gabonetako Loteriaren Igorreko auzia
Gaurkoan Orain-en albiste izango direnen laburpena, bi hitzetan.
Matxura baten ondorioz, bi gaixo zeramatzan hegazkin medikalizatuak geldialdia egin behar izan du Kanaria Handian
Bigarren hegazkina Herbereetara heldu da. Munduko Osasun Erakundearen zuzendari nagusiak azpimarratu duenez, osasun publikorako arrisku orokorrak "txikia izaten jarraitzen du". Gurutzaontzia, bere aldetik, Kanaria Uharteetara bidean da jada, eta hiru egun barru porturatzea aurreikusita dago.
Gutxienez 79 lagunek salaketa jarri dute Arratiko Zekorrak errugbi taldeak saldutako loteria txartelen auzian
Behar baino 225 partaidetza gehiago saldu zituela aitortu du Arratiko Zekorrak errugbi taldeak eta, horren ondorioz, 80 bat lagunek ezin izan dute saria kobratu: 10.000 euro partizipazioko; 2,2 milioi euro inguru, guztira.
Albanese "Gernika" aurrean: “Ikaragarria da, Gazan ikusi dudana ematen du”
Francesca Albanese Nazio Batuen Erakundeko Palestinarako errelatorea txundituta agertu da asteazken honetan Gernika Pablo Picassoren margolan ospetsuaren aurrean. Haren ustez, "gerra zibilaren suntsiketa" islatzen badu ere, Palestinako lurralde okupatuetan ikusitakoaren "isla" ematen du.
Trafikoa bere onera etorri da N-1 errepidean, bi kamioiren arteko istripuak auto-ilara luzeak eragin ondoren
Gasteizko noranzkoan izan da istripua, eta errei bat itxita egon da ia bi orduz. Behin ibilgailuak bidetik erretiratuta, pilaketak arintzen hasi dira.
Hantabirusak kaltetutako 'MV Hondius' gurutzaontzia larunbatean porturatuko da Kanarietan
Ontzian doazen 14 espainiarrak Madrilgo ospitale batera eramango dituzte, osasun-azterketa egitera. Oraingoz, inork ez du hantabirus gaitzaren sintomarik.
Loteria txartelak kontratuak al dira? Abokatu batek argituko digu
Arratiko Zekorrak errugbi taldeak aitortu duenez, Gabonetako Loterian behar baino 225 txartel gehiago saldu zituen, eta, beraz, 80 bat lagunek ezin izan dute saria jaso. Txartel bakoitzari 10.000 euro dagozkio, 2,2 milioi euro inguru dira guztira. Dagoeneko 21 salaketa daude. Abokatu batek argitu duenez, klubak erantzukizun zibila izan dezake, eta baita penala ere.